طيب هحكيلكم انا على نصابيه صغيرة
في مقتبل حياتي العملية اشتغلت مندوب مبيعات في شركة للبطاريات الجافة والشركة دي هي اشهر شركة بطاريات في العالم
والبطاريات بتاعتها تعتبر اغلى بطاريات في السوق لأنها بتقعد فتره اطول
المهم اول ما اشتغلت كنت بوزع تمرتي على اي محل اعدي عليه وابيعله بضاعه ، وفي مره اتصل بيا واحد وقالي انا محل في الزمالك وعايز آشتري بضاعه بطاريات وكشافات
وسألني عن نظام الدفع قولتله ان المفروض ييقفل حسابة قبل نهاية الشهر وكنا ساعتها في يوم 20 من الشهر
فقالي لاء خلاص خليها الشهر الجاي ولا اقولك هاخد بضاعه قليله واخلصلك تمنها في ال10 ايام الباقيين نزلتله البضاعه اللي محتاجها وكانت معديه الف جنية وكسور دفع الكسور وقالي عدي عليا بعد 3 ايام اديلك بقية المبلغ ومضى على الفاتورة
بعدها ب3 ايام روحت له المحل لقيت البضاعة متغير مكانها وهيئة المحل مختلفه طلعت الفاتورة وبسأل عليه كان الرد
الفاتورة دي تبلها وتشرب ميتها !!!!!!!!
حصلي ذهول وقولت اية الكلام دة وبدأت ازعق لقيت الناس اللي في المحلات المجاورة طلعت وقالتلي يووووووه هو انت كمان اتنصب عليك !!!
سألتهم اية الحكاية قالولي الراجل دة جه اجر المحل شهر واحد واشترى بضاعه بالأجل من كل مناديب الشركات ولمها كلها وسلم المحل واختفى !!!
ما تقولش انك انت اللي شربت النصبة :(
المفضلات