بنزين 80 للنوبيرا عن تجربه 11 الف كيلو باربعه اشهر

**samirayad** · 10-08-2010 07:29 AM

المشاركة الأصلية كتبت بواسطة ashouhdy

طب لما العربيات تخرب ياريت محدش ييجى و يشتم فى الكورى ويقولك عربيات زبالة و الحوار دة حرام عليكم كمان عايزين تدوها بنزين80 شوية و حنقول نغيرلها الزيت بزييت تمويين !!!!!!!

على رأى عادل أمام فى شعبان تحت الصفر وهو بيقول لأسعاد يونس

والمعركه شغاله

وهى لخماه وبتقوله

أيه ده ياشعبان

قالها

حقولك فى الصباحيه

**samirayad** · 10-08-2010 07:31 AM

هندسه انا وجعتلك دماغك وارهقتك معاي بس معلش اتحملني حبتين انا انهارده الحمدلله لاقيت الفيشه وعرفتها من اللينك اللي الاخ الزميل بعته جزاه الله عني كل خير المهم وبالفعل عملت السلوك شورط سيركل وعملت ريست لليونت كنترول وبعدها طلعت اجرب بس لاحظت الاتي اول شي الحمدلله التسقبف مع التكيف الحمدلله راح تاني شي حسيت ان عزم العربيه بالطلعه افضل كانت عندي مشوار صغير بحدود ال120 كيلو قولت اجرب فيهم العربيه وانا بالطريق بعد حوالي 50 كيلو وانا ماشي ومشغل التكيف والعربيه 120 والاربي ام مابين 3_3.5 اتفاجثت بجاحه غريبه جدااا ان لمبه الاتشك نورت وطفت قولت يمكن حساس الشكمان بيهيس وهيتعدل بعد شويه حبه ورجعت نورت تاني المهم ركنت علي جنب نزلت اشوف في حاجه فيها مشكله او خرطوم من خراطيم الفاكيم بتاعت المانفو اتخلع ولا حاجه لاقيت الكلام كله مظبوط كنت سايب العربيه دايره المهم رجعت اشوف اللمبه لاقتها طفت قولت ده اكيد حساس الشكمان وهيبتدي يلعب الدنيئه المهم كلمت مشوار مانورت وانا راجع جريت بالعربيه شويه 160 و170 عشان ينور مافيش حاجه نورت انا عايز اعرف حاجه فيشه الاكوتين ليها علاقه بالكلام ده ؟؟؟ عفكره هي اول مره تنور معاي تاني مشكله اني وانا ماشي سحب العربيه بيكون كويس جداااا بس اول لما بشغل التكيف احس ان العربيه اتقلب بطه بلدي وتقلت جدااا افصل التكيبف لاقي الحياه رجعت زي الفل ياتري ممكن يكون المشكلتين دول من ايه ياهندسه

كهديه من زميل لزميل

جارى المتابعه نظرا لأننى نازل حاليا ومستعجل
ومفيش وقت للتفكير

**samirayad** · 10-08-2010 03:01 PM

انا عايز اعرف حاجه فيشه الاكوتين ليها علاقه بالكلام ده ؟؟؟

مطلقا

عفكره هي اول مره تنور معاي تاني مشكله اني وانا ماشي سحب العربيه بيكون كويس جداااا بس اول لما بشغل التكيف احس ان العربيه اتقلب بطه بلدي وتقلت جدااا افصل التكيبف لاقي الحياه رجعت زي الفل ياتري ممكن يكون المشكلتين دول من ايه ياهندسه

أعمل أسكانر لتحديد السبب الفعلى

علشان منخمنش كتير

**amoro** · 10-08-2010 04:52 PM

المشاركة الأصلية كتبت بواسطة samirayad

أعمل أسكانر لتحديد السبب الفعلى

ازاي يا هندسة؟؟؟

**samirayad** · 10-08-2010 04:55 PM

يعنى البنزين ال80 مش سبب فى اللى حصل مع زميلنا الفاضل

فيه خلل طارىء حصل عنده فى عملية التحكم

وزى مابيقولوا فى ماتشات الكوره ( الجول بيجيىء فى ثانيه )

قد يكون سببه حساس معين زى حساس التكييف أو حساس الماب أو أو

وللأسف تواكب ظهور هذا العيب مع أول تجربه له مع بنزين 80

**amoro** · 10-08-2010 05:05 PM

لا يا باشمهندس انا قصدي اسكانر ازاي؟؟؟

(معلش اصلي لسه مبتدئ في موضوع ال injection ده)

**samirayad** · 10-08-2010 05:09 PM

أسكانر ....يعنى مسح ألكترونى لذاكرة وحدة التحكم

لأخراج كل أكواد الأعطال المسجله داخلها والناتجه من أخطاء فى عملية التحكم

وده بيتم بتوصيل جهاز معين ليه كابل نقل داتا من ذاكرة الوحده لشاشة الجهاز ( حاجه كده شبه الريموت وليها شاشة

أظهار )

وطريقة تحضير معينه للكشف على الأعطال المسجله فى صورة أكواد

______________

لما بنعرف الأكواد

بتدلنا على أى حساس اللى مش شغال ومش بيؤدى دوره بشكل سليم

ومن هنا بيتم التعامل مع الحساس المشكوك فى أمره وتم أزالة الشك بمعرفة كود العطل من داخل الذاكره