بنزين 80 للنوبيرا عن تجربه 11 الف كيلو باربعه اشهر

**walidadel81** · 06-08-2010 05:31 AM

المشاركة الأصلية كتبت بواسطة samirayad

أنا حاليا بأستعمل 80 مع النوبيرا

والدنيا وردى

وشكلها حتلعب

حمدلله عالسلامه ياهندسه ووحشتنا جدااا ووحشت المنتدي
المهم انت ايه رايك بالكلام اللي بقول غلط تتستعمله مع النوبيرا انا لوفكرت احط غير ال80 هيجيلي برد وانفلونزا جيبوب البنطلون وما ادراك ببرد الجيوب ربنا يعافينا منه كلنا بس انا عايز رايك من خلال تجربتك بعدين لاقيت حل لموضوع التسقيف وانت مشغل التكيبف وماشي بزحمه وكل شويه تمشي وتقف مع الطلعه بتسف ايه رايك ممكن تتحل ازي ؟

**yahiahelaly** · 06-08-2010 06:00 AM

تتحل بل سينس انا بقيت بحسها وبعرف اظبط رجلي يعني ممكن تغذي سنة بنزين زيادة مثلا

**yahiahelaly** · 06-08-2010 06:02 AM

المشاركة الأصلية كتبت بواسطة yahiahelaly

مفيش علاقة بين تلف طرمبة البنزين و رقم الاوكتان اطلاقا كل انواع البنيزن كثافتهم ومدى اللزوجة ان وجدت اصلا واحد وبلنسبة للرشاشات العلاقة هي بين نضافه تنك محطة البنزين فقط يعني ممكن تفول 95 من بنزينة تنكها وحش ويبقى في شوائب وانا ديما بعمل حسابي اول ما التانك ينزل عن النص التاني بفول كل الفرق الملحوظ ان في فرق طبعا في لاتسارع ولو حسبناها ماديا انا ماشي بي 52 الف كيلو في متوسط الصفيحة 200 كيلو ما بين جو البلد وسفر
يعني
52000+200=260 صفيحة
260*18 ج(سعر صفيحة ال80)=4680
260*35ج(سعر صفيحة ال90)=9100
الفرق الي وفرتة =4420
يعني لو غيرت الموتور كامل بطقم الرشاشات مش هيعمل 2000 جنية دة بفرض ان الموتور هيتأثر اصلا
على فكرة من زمان كان نفسي اعمل الحسبة دي شكرا ليكوا
بجد مهما كان فرق التسارع والكلام دة ميضاهيش فرق الفلوس دي حتى على الاقل بلنسبالي انا والي مقدرتهم المادية زيي

أية رئيكوا ف الحسبة دي مش مغرية برضة

**samirayad** · 06-08-2010 07:29 AM

المهم انت ايه رايك بالكلام اللي بقول غلط تتستعمله مع النوبيرا

ماهو دليله

فالحلال بين والحرام بين وبينهما أمور مشبهات

انا لوفكرت احط غير ال80 هيجيلي برد وانفلونزا جيبوب البنطلون وما ادراك ببرد الجيوب

ربنا فعلا يكفينا شر برد الجيوب
ويجعلها دائما
عامره بالمهدئات والدفايات ( ألا وهى الفلوس )

بس انا عايز رايك من خلال تجربتك بعدين لاقيت حل لموضوع التسقيف وانت مشغل التكيبف وماشي بزحمه وكل شويه تمشي وتقف مع الطلعه بتسف ايه رايك ممكن تتحل ازي ؟

الحقيقه الى الآن حالفنى الحظ

وركبت جامبر لفيشة الأوكتان

للألتزام بالجانب العلمى المقنن للتحكم فى تقديم زمن الشراره المرسله للبوجيهات

وهناك حدث خفى أيضا ( أعتقد بأن له دور فى عدم أحساسى بتلك المشاكل الخاصه بالتسقيف التى تذكرها أنت

والعربيه مع التكييف زى الفل ولا توجد مشاكل سحب ولا تسقيف )

تقريبا كأننى حاطط 90 فى تنك البنزين

وهو تغييرى لنوع البوجيهات اللى جايه بيها العربيه

من بوجيهات ذات مدى حرارى 6
الى بوجيهات ذات مدى حرارى 5 ( أكثر سخونه )

وبالتالى فعلا

حاسس أن الأمور ستسير الى الأفضل

ومسافر النهارده طنطا بالسياره

للحكم أكثر وأكثر على الأمور

وبعد العوده لنا تكمله أخرى ( بأذن الله )

لأن أستعمالى بال 80 كله للآن داخل نطاق الأسماعيليه
ويادوب أقصى سرعه جبتها مع نفسى ( حوالى 90 )

**pro_samir** · 06-08-2010 05:41 PM

المشاركة الأصلية كتبت بواسطة samirayad

:s_thum1[1]:

فعلا لازم تاخد حقك فى الدعم

ههههههههههههههههههههههههه ههههه

وجهة نظر جديده ، فعلا التوفير النص بالنص

وحتي البي إم موديل 91 بنحطلها 80

التانك 80 لتر يعني التفويلة ب 72 جنية
لو 92 هتبقي ب 148 جنية

واحسب بقي علي الأستهلاك الشهري و السنوي

بس اللي عايز يجرب يجرب علي مسئوليتة الشخصية وميرجعش يقول بوظتو العربية لأن ممكن يتصادف التغيير ل80 مع حدوث مشكلة في العربية ويفتكر انه السبب وده حصل معايا ايام الانوس وحساس العادم باظ والميكانيكي كان بيفتي انه بسبب ال80 كلام مش منطقي

**ahmad--ezzat** · 06-08-2010 08:09 PM

المشاركة الأصلية كتبت بواسطة walidadel81

فين الردود يارجاله ولا ماحد جرب ال80

اصل ال 80 دة غبى اوى.....انا جايب عربيتى غاليه ودافع دم قلبى...بحط زيت موبيل وبنزين 92 او 90 لكن 80 دة بجد حرام

**M.Zaher** · 06-08-2010 08:13 PM

المشاركة الأصلية كتبت بواسطة ahmed_nubira

اصل ال 80 دة غبى اوى.....انا جايب عربيتى غاليه ودافع دم قلبى...بحط زيت موبيل وبنزين 92 او 90 لكن 80 دة بجد حرام

اكيد حضرتك ماقريتش الكام صفحة اللى فاتوا

**Sherif Khalifa** · 06-08-2010 09:55 PM

المشاركة الأصلية كتبت بواسطة samirayad

الحقيقه الى الآن حالفنى الحظ

وركبت جامبر لفيشة الأوكتان

للألتزام بالجانب العلمى المقنن للتحكم فى تقديم زمن الشراره المرسله للبوجيهات

( حوالى 90 )

الفيشة دى فين ؟؟

**M.Zaher** · 06-08-2010 10:05 PM

المشاركة الأصلية كتبت بواسطة sherif khalifa

الفيشة دى فين ؟؟

جنب الكنترول في النوبيرا

الموضوع: بنزين 80 للنوبيرا عن تجربه 11 الف كيلو باربعه اشهر

LinkBack

أدوات الموضوع

عرض

-

-

-

-

-

-

-

المواضيع المتشابهه

تجربه بخصوص دواسة بنزين السيفيك 07-10

حد جرب يحط بنزين 80 للنوبيرا وبتعمل كام فى الصفيحة

استهلاك بنزين للنوبيرا اوتوماتيك

بنزين 90 ولا 92 للنوبيرا؟

بنزين 80 للنوبيرا

الكلمات الدلالية لهذا الموضوع

المفضلات

المفضلات

ضوابط المشاركة