هاغير لزيت فيسكو ان شاء الله

**swordleee** · 02-09-2010 05:56 AM

يعني يا جماعة مافيش طريقة الواحد يقدر يعرف بيها ان الزيت عاوز يتغير؟؟؟؟؟؟؟؟؟؟؟؟؟؟؟؟؟؟؟؟ ؟
اصل لو الزيت لسه كويس حرام انزلة علي الفاضي كده ولا إيه؟

**swordleee** · 02-09-2010 06:02 AM

المشاركة الأصلية كتبت بواسطة eng_ahmedryad

أنا بصراحة ماجربتش شيل الأصفر بس جربت total وموبيل xhp (زبالة)

وهو عندي عمل فارق كبير وملحوظ

عموما لو تحب تجرب مش هاتخسر حاجة وطالما بتستعمل شيل الأصفر يبقى فيسكو 3000 الأنسب

وغيره مع الفلتر كل 10,000 كم زي ماهعمل عن نفسي

توكل على الله و انا معاك

**bakkarahmed** · 02-09-2010 07:06 AM

المشاركة الأصلية كتبت بواسطة karimfahmy99

انا متابع الموضوع بقالى كام يوم بس مبردش اشوف الناس بتقول اية . و عندى كام حاجة عاوز اقولهم :

ممكن حد يقولى اية الضرر فى تغير نوع الزيت ؟؟؟؟

عن نفسى بقول مفيش اى ضرر و اللى بيقول كدة يقولى لية . دا كلام و شغل المسوقين عشان تتبت فى المنتج بتاعهم سياسة بيع مش اكتر . العملية نفسية اكتر منها تسويقيا و كمان استخدامك للعربية يعنى مثلا مهندس مشاويرة فى الصحرا ولا شخص بيستخدم العربية فى سفريات و لا شخص بيستخدم العربية لانتقالاتة . الاختلاف هنا و مدى اختيار الزيت المناسب ليك . الزيت فى العربية وظيفتة محددة الاختلاف فى الجودة و نسب الشوائب الموجودة فى الزيت من نوع الى اخر . بقالك كام شهر بتتكلمو على الزيت مفيش حد جاب سيرة زيت مصر للبترول اسمة مصر وان مع انى كنت بستعملة 5 سنين طبقا لاحتياجاتى و بغيرة على 9000كم و زى الفل . و قلت قبل كدة العلامة التجارية ليها حساب مجرد اسم موبيل على العبوة ليها سعر مع ان الزيت ممكن يكون زبالة او مستواة زى اى زيت عادى بس اغلى لية عشان اسم موبيل على العبوة و نفس الكلام على شل . زميل قال كلة زيت واحد و كل شركة تاخد حصتها و تحط الخلطة السرية بتاعتها !! هيحطو اية مواد لتحسين لزوجة الزيت و لا كثافة الزيت المهم تحطها فى عبوتها الخاصة للربح من العلامة التجارية و اعتقد انة الاضافات بتتحط فى جميع الشركات و لها معايير . زى ما قلت الاختلاف فى الشوائب و درجة انحلال و فقدان اللزوجة اللى يفرق انا اذا كنت بشجع الفيسكو و لا زيت الامارات فدا لانة مصتع و معبأ فى الخارج و ظروفهم اقسى من ظروفنا فاكيد هيكون زيت كويس . و بكرر تغير الزيت على فترات متقاربة هو دا الاهم مش يعنى كل 3000كم و لا 25000كم انما الوسط 9000 او 10000 على الاقل عشان تغير الفلتر الفلتر لوحدة كارثة فى العربية و ممكن يطير موتور و مش معقول مثلا هتجط زيت 25000 و تيجى تفك الفلتر تغيرة على 10000كم و تسيب الزيت . طبعا كل واحد و دماغة انا كلامى عن اكتر من 30 سنة فى العربيات و كنت بغير الزيت كل 1500كم فى الاول و بعدين ظهر زيت ال 5000كم و بعدين زيت ال 7500كم و بعدين زيت ال 10000كم و دلوقت زيت ال 15000 و ال 25000 يمكن بكرة هيعملوا زيت ال 40000 يعنى فى تطوير مع موضوع الزيت كويس . المحافظة على الموتور انك متوصلش بالزيت للحد الاقصى لية لان حط فى دماغك انها عملية تسويقية خلليك فى المنتصف راحة الموتور فى تغير الزيت و الفلتر . طبعا كلامى هيلاقى ردود المهم الاختلاف فى الرأى لا يفسد للود قضية . لكم اراء و لى اراء. تقبلوا تحياتى

ملحوظة الفلاش ليس لة اى تائير ضار بالموتور و اللى قال كدة يتفضل يقول السبب الافلاش فايدتة غسيل الموتور من اثار الزيت القديم مش اكتر

اللي قالي ان كتر تغيير الزيت من نوع لاخر يتعب الموتور كان الفنيين اللي في محطات موبيل ونفس الحكايه شيل لما كنت مع صاحبي & الميكانيكه(ممكن مانصدقهوش) ومهندس محمد تازي والكل لما كان بيقول كده ماكانش كلامهم فيه نيه سيئه او تلميح علي الاستقرار علي نوع الزيت بتاعهم بس لكن بشكل عام الكلام انك تستقر علي نوع معين وتثبت عليه (الله اعلم الصح فين؟)
اما بالنسبه للفلش في ناس بتقول انه بيعمل تسليخ للبساتم وبرده ماحدش عارف الصح ايه؟؟؟؟

**karimfahmy99** · 02-09-2010 07:42 AM

المشاركة الأصلية كتبت بواسطة bakkarahmed

اللي قالي ان كتر تغيير الزيت من نوع لاخر يتعب الموتور كان الفنيين اللي في محطات موبيل ونفس الحكايه شيل لما كنت مع صاحبي & الميكانيكه(ممكن مانصدقهوش) ومهندس محمد تازي والكل لما كان بيقول كده ماكانش كلامهم فيه نيه سيئه او تلميح علي الاستقرار علي نوع الزيت بتاعهم بس لكن بشكل عام الكلام انك تستقر علي نوع معين وتثبت عليه (الله اعلم الصح فين؟)
اما بالنسبه للفلش في ناس بتقول انه بيعمل تسليخ للبساتم وبرده ماحدش عارف الصح ايه؟؟؟؟

زى ما قلت 99% عملية تسويقية بحتة عشان تفضل تستعمل الزيت بتاعهم برضة الله اعلم فين الصح

اما عن موضوع التسليخ لية يحصل تسليخ ؟؟ هوانت هتحط ميية ؟؟ ما هو زيت برضة و يفضل طبعا نفس الزيت اللى هتطحط منة بعد كدة يعنى مثلا تجيب 2 عبوة كيلو و تعمل الفلش و تنزلهم و تحط الزيت كامل بس طبعا مكلفة شوية فيفضل انك تحط الزيت كامل بس متكملش مدة الزيت مع انى مش مقتنع بالموضوع دا يعنى هنزل الزيت و هنغير فلتر و الباقى اللى هيفضل فى العربية ميكملش ربع كيلو هودا اللى هيبوظ ال 4 الجداد !!!!!

زى ما قلت كل واحد و دماغة و راحتة النفسية كلام الناس كتير المهم تسمع لمين و تصدق مين

**M.Zaher** · 02-09-2010 12:54 PM

ياجماعه تغير الزيت مافيهوش اي مشكله طالما بتحط زيت مابيقلش عن نفس مواصفة زيت اللى بيوصي بيه صانع السياره

يعني زيت فيسكو 2000 مثلا مواصفه api sj
والعربيات الدايو في الكتالوج بيقولك حط زيت مواصفه api sj

يبقى طالما حطيت زيت من نفس المواصفه او اعلى مافيش ضرر لكن ماينفعش احط اقل من مواصفه الزيت بتاعي

وبرضه الفكره نفسها من تخليقي لمعدني

**eng_ahmedryad** · 03-09-2010 12:45 AM

المشاركة الأصلية كتبت بواسطة m.zaher

ممكن نعرف ايه هيا مساوئ الفلش

المشاركة الأصلية كتبت بواسطة mmamdouh

+999

mmamdouh

من سؤالي للبشمهندس سمير عن الفلش لعربيتي قالي بلاش طالما الموتور حالته كويسه !!!!

كمان سألت البشمهندس محمد التازي قال بلاش فلش !!!!

لو كان فيه فايدة ماكنوش نصحوني بالبعد عنه ، والله أعلم

ولو في حد عنده معلومات تانيه ياريت يفيدنا

**eng_ahmedryad** · 03-09-2010 01:07 AM

المشاركة الأصلية كتبت بواسطة bakkarahmed

الف الف شكر علي مشاركتك بتجربتك

العفو ياباشا ، لا شكر على واجب

المشاركة الأصلية كتبت بواسطة bakkarahmed

انا كنت متوقع برده ان الفيسكو 2000 اقل من الموبيل xhp

أن مش متأكد تماما من النقطة دي ، فياريت لو حد ينفع يأكدها

المشاركة الأصلية كتبت بواسطة bakkarahmed

(من حيث البخر العالي واللزوجه بعد المشاوير الطويله)

حكمت منين إن البخر عالي ؟

أنا عن نفسي الكتالوج بتاع عربيتي بيقول طالما البخر مش بيزيد عن لتر كل 1000 كم يبقى مافيش مشكلة

المشاركة الأصلية كتبت بواسطة bakkarahmed

واللي بافكر فيه دلوقتي ارجع للموبيل xhp(علشان عارفه ومجربه وبنزله علي فترات قريبه) ولا انقل لفيسكو3000 (مع اني مقتنع انه زي مواصفات الموبيل xhp بس يعتبر

اغلي)؟ وموبيل شركه محترمه ( طالما بتجيب من مكان موثوق منه)؟

تجربيتي مع موبيل ده كانت سيئة جدا

واللي شجعني إني أغير لفيسكو 3000 أنه مصنع ومعبأ في الإمارات

أكاد أجزم إن موبيل خارج مصر أنضف من عندنا بمراحل

المشاركة الأصلية كتبت بواسطة bakkarahmed

سؤال كمان : امشي بالزيت اللي فيها دلوقتي (2000 فيسكو) لحد كام كيلو ويكون امان؟

البشمهندس محمد التازي بيقول من 7000 كم لـ 10,000 كم

وأنا لو مكانك وبالسعر ده هقعده لـ 5000 أو 7000 كحد أقصى

ده الموبيل كان بـ 95 جنيه ونزلته بعد 3000 كم وكان ضايع والموتور صوته جايب أخر الشارع

**bakkarahmed** · 03-09-2010 05:19 AM

المشاركة الأصلية كتبت بواسطة eng_ahmedryad

[size=4][color=black]

حكمت منين إن البخر عالي ؟

أنا عن نفسي الكتالوج بتاع عربيتي بيقول طالما البخر مش بيزيد عن لتر كل 1000 كم يبقى مافيش مشكلة

ا

الزيت في اول 3000 كيلو مش بينقص وصوت الموتور مش عالي نسبيا ولكن بعد 3000 كيلو بتلاقي الزيت نزل حاجات بسيطه علي المقياس وكمان خرطوم الفايظ بتاع الزيت بيبقي معرق زيت حوليه ساعتها باعرف ان الزيت فك من بعضه واصبح في صوره اشبه بالسائله مع الحراره العاليه وظهر البخر. انا مش بستي اساسا علي الزيت لما بيوصل كده لاني بغيره بدري بس الكلام ده حصل مع موبيل1