عايزة اتجوز-------------------------(1)

**azmeralda** · 12-09-2010 11:48 PM

يعنى اول مرة تتفقوا تتفقوا عليا ان الموضوع مش مرتب ومش مفهوم
ماشى
اهو الأعضاء مشكورين شرحوا
نرد بقى
1=حكاية المرتب من 600 ل 1000 وعنده 25 سنة

اولا رغم حجة الظروف الاقتصادية د ىامال ايه الناس الل بتتجوز كل يوم دى وايه قناة الأفراح اللى فيها افراح بمئات الألاف 24 ساعة دى ما علينا

معروف ان اللى بيتجوز اما عنده شقة فى بيت اهله او سافر دولة من دول الخليج يكافح وبكده هيقدر يجيب ايجار مؤقت او تمليك
لكن محدش بيقعد هنا ويعتمد على ال 1000 ج ويقول اصرف كده ازاى ولو حصل برضه ربنا هيرزقه وجرب وهتشوف

2=الشعور بالأشفاق بيحسسها بالضعف والفشل طبعا وللأسف هو عادة اشفاق مصطنع وحقيقته شماتة لأن اللى بيشفق على حد بيحاول ميجرحش مشاعره

#وبمناسبة البنت اللى رفضت ناس كتير بوجه سؤال لو انت من الناس اللى اترفضوا ولقيت عريس مناسب ليها وسألك على عروسة هترشحها خصوصا لو عارف انه كويس ولا يمكن احسن منك ولا دى فرصة تنتقم منها وخليها كده وانت شمتان فيها احسن#

3=ان الأيطاليين ترجموا المدونة كصورة متخلفة عن الشرق يعنى هو اللى بيحصل هنا سر اكتب الكلمة فى جوجل هتلاقى فضايح
وانا شايفة ان غادة كانت نيتها خير انا قريت بعض المدونة مش كلها و كانت نقد للمجتمع لمنع كلمة عانس ومنع اعتبار البنت لم تنجز اى شىء لو وصلت لأعلى الأنجازات طالما مفيش زوج واولاد
معرفش ايه اللى حصل فى المسلسل العجيب ده كان محتاج محمد صبحى مش رامى امام

4=حكاية انسات كتير تعدوا ال 50 وكتيييييير بكام ي دى انت خضتنا وعلى قدر من العلم والجمال
انا لله وانا اليه راجعون

لكن احب الفت انتباهك ياما هى بتمثل وبتعمل مش زعلانة لما بتغلط وتقول يا مدام لأن مش معقول مش زعلانة
يا اما هى فعلا عايزة الناس تقول يا مدام وتريحها وخلاص وتفتكرها مدام بدل م تعانى من الله اعلم ايه

5=كلمة عانس على نوعيات معينة دى مفهمتهاش
ولو هى عابسة متراعى نفسيتها ياسيدى انا قلت انتو مش هتربوها
انا صاحبتى يتيمة الاب من وهى طفلة ومن سنتين والدتها اتوفت وعايشة لوحدها و اخواتها مسافرين بره ومعدية التلاتين مفروض تبقى نفسيتها عاملة ازاى
ارحموا من فى الأرض يرحمكم من فى السماء

6= بنت ناس تقعد فى بيتها معززة مكرمة احسن مليون مرة مترجع بعد جوازة اى كلام شايلة عيل

هو ده اللى بيحصل فعلا واللقب هيتغير لمطلقة وهتخش فى دوامة جديدة من نوع اصعب بكتير

7= المسلسل مش بيحل مشكلة وهيضايق اى بنت متأخرة فى الزواج

فى هم يضحك وهم يبكى
وفى دقايق كده من المسلسل بتبعت رسالة هقولكو عليها ان شاء الله بس طبعا المعالجة بتاعته ذفت ده كان ممكن يبقى حاجة تانية خالص وكان يعمل فرق فعلا وياسلام لو حتة للشباب زى ما هشام قال لعلا انا شفت كتير زيك بالضبط

8=الزواج ناتج عن اسلوب البنت وثقتها بنفسها

اطلاقا المعايير اختلت دلوقتى خالص

**icehearted girl** · 12-09-2010 11:58 PM

حضرتك ليه مش مستوعب انها ممكن تكون رفضتهم عشان مفيش قبول رغم انه من عيلة وفلوس ومركز زى مبتقول هى مش انسانة من حقها تحس انها تقدر تعيش مع الشخص ده باقى حياتها هل شققت عن قلبها

فعلا..مش معني انه شخص نسبيا كويس يبقي مينفعش ترفضه مثلا ولو مقبلتوش تبقي بتتبطر علنعمة

انا منكرش ان فيه بنات كتير بتعمل كدا أملا او طمعا في الاحسن

بس برده فيه ناس كتير بترفض لعدم القبول ..معني كدا انهم مش حاطين الماديات قدام عنيهم كأولويات... وللاسف اللي بيترفضوا مبيكونوش عاوزين يشوفوا ان فيهم غلط..وبالتالي يبتدوا يجرحوا فلطرف الاول

**Dr Zezo** · 13-09-2010 12:29 AM

فعلا..مش معني انه شخص نسبيا كويس يبقي مينفعش ترفضه مثلا ولو مقبلتوش تبقي بتتبطر علنعمة

رفض الفتاة للرجل - السوي نفسيا - لا يعنيه و لا يؤثر فيه بشئ ..

الرجل مارس حقه في الاختيار عندما قبل ان يتوجه الي اهل هذا الفتاة كي يطلبها للزواج

أليس من حق الفتاة ان تمارس ايضا هذا الحق

و يكون بالرفض

الذي من غير الضروري ان يكون لعيب

**icehearted girl** · 13-09-2010 12:34 AM

المشاركة الأصلية كتبت بواسطة Dr Zezo

رفض الفتاة للرجل - السوي نفسيا - لا يعنيه و لا يؤثر فيه بشئ ..

الرجل مارس حقه في الاختيار عندما قبل ان يتوجه الي اهل هذا الفتاة كي يطلبها للزواج

أليس من حق الفتاة ان تمارس ايضا هذا الحق

و يكون بالرفض

الذي من غير الضروري ان يكون لعيب

exactly..that's wot i wanna say

**maka** · 13-09-2010 01:20 AM

azmeralda ردودك طويلة فحت

راعى العواجيز اللى زيى بيتعبوا من كتر القراية

كلامك صح و ملخصه الجواز قسمة ونصيب و توفيق من عند الله

**sara2001** · 13-09-2010 01:29 AM

المشاركة الأصلية كتبت بواسطة shiko85

هم دول اللى هيقولوا " هى لسه مخلفتش لحد دلوقتى " يعنى لو الزوجين متفقين على تأجيل الأنجاب سنه او 2 مثلا لحد ما يبقى معاهم المصاريف اللازمه للمولود تلاقى ناس قاعده تزن و خلاص و تبقى سبب مشاكل بين الزوجيين و خلاص و بعد كده يزنزا و يدخلوا فكل حاجه و للأسف النتيجه هى الطلاق
يبقى لو سمحتوا تعالوا على نفسكم شويه و سيبوا الناس فحالها, لما الزوجه او الزوج يطلب النصيحه منكم ماشى انصحوهم مش اكتر

Hell is the other
اعرف واحده ابنها في آخر سنه جامعه دلوقتي
مرت بكل مراحل المعايره
ليه ما اتخطبتيش لغاية دلوقتي .... كانت 26 سنه
ليه الخطوبه طولت كده ...... المده يمكن اقل من سنه
ليه لسه ما خلفتيش......
ليه ما خلفتيش اخت او اخ لإبنك
حاجه غريبه انك انجبتي طفل واحد بس
تكوني متبنياه ....... ربنا يكون في عونها

المشاركة الأصلية كتبت بواسطة azmeralda

انا هقولك حاجة شفتها بنفسى الشاب اللى بيترفض مبيرضاش يصدق ابدا ان السبب ف شخصه هو بيدور على اى حجة تانية

القبول ده حجة كويسة قوى
وهو فعلا من عند ربنا لو هى مش بالعاه تعمل ايه ولو هو مش قابلها يعمل ايه كده ليمون البلد مش هيكفى

طيب ولما اهل العريس والدته مره واخته مره والوسيط مرتين تلاته
يقولولك يعني ايه قبول مفيش حاجه اسمها كده
ده مش سبب للرفض ابداااااا

وممكن ترفضي واحد للسبب ده تلاقيه بيطلعلك تاني زي عفريت العلبه كل فتره
عن طريق حد آخر من أهلك ........... حاجه تجيب شلل

المشاركة الأصلية كتبت بواسطة Dr Zezo

رفض الفتاة للرجل - السوي نفسيا - لا يعنيه و لا يؤثر فيه بشئ ..

الرجل مارس حقه في الاختيار عندما قبل ان يتوجه الي اهل هذا الفتاة كي يطلبها للزواج

أليس من حق الفتاة ان تمارس ايضا هذا الحق

و يكون بالرفض

الذي من غير الضروري ان يكون لعيب

قليل جداً اللي بيفكروا بالطريقه دي

**zago** · 13-09-2010 01:41 AM

اول مره الاقي حد بيوصل فكره بلأسلوب بتاعي
الف مبروك
محدش حيفهمك في الغالب
لكن انا فاهمك ومن فرحتي مليش تعليق على الكلام ههههههههههههههههههه

-

-

-

الموضوع: عايزة اتجوز-------------------------(1)

LinkBack

أدوات الموضوع

عرض

-

-

-

-

المواضيع المتشابهه

انا ايه خلانى اتجوز ..... !!!؟؟؟

عايزة اتجوز---------------------(3)--------النقد

عايزة اتجوز---------------------------------(2)

انا عايزة اتجوز واجيب بيبى واطلق!!!!!!!!!!!!!

عاوز اتجوز.............. اة عاوز اتجوز فيها حاجة ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة