Getz Club

**looloo1000000** · 23-12-2013 10:48 PM

السلام عليكم
انا عضوة قديمة بس اول مرة اخد بالى من الموضوع دا
انا محتاجة مساعدة يا جماعة ياريت ال يعرف ميكانيكى كويس انا معايا جيتز 2004 وعندى مشكلة مش عارفة اية هى والميكانيكى بتاعى جبت اخرى معاه

ركبت الاسبوع ال فات ترس سير الكاتينة ومن يوميها صوت الموتور بقى عالى وكمان الجديد من يومين كل لما ادوس على اللدبرياج يطلع صوت مع العلم انا من اقل من اسبوع كاشفة بالكمبيوتر وكان طقم الدبرياج تمام
انا عايزة حد بيفهم فيها وياريت يكون قريب من الحلمية الجديدة او عابدين

**Samir Elshahawy** · 24-12-2013 12:36 AM

المشاركة الأصلية كتبت بواسطة looloo1000000

السلام عليكم
انا عضوة قديمة بس اول مرة اخد بالى من الموضوع دا
انا محتاجة مساعدة يا جماعة ياريت ال يعرف ميكانيكى كويس انا معايا جيتز 2004 وعندى مشكلة مش عارفة اية هى والميكانيكى بتاعى جبت اخرى معاه

ركبت الاسبوع ال فات ترس سير الكاتينة ومن يوميها صوت الموتور بقى عالى وكمان الجديد من يومين كل لما ادوس على اللدبرياج يطلع صوت مع العلم انا من اقل من اسبوع كاشفة بالكمبيوتر وكان طقم الدبرياج تمام
انا عايزة حد بيفهم فيها وياريت يكون قريب من الحلمية الجديدة او عابدين

للاسف أنا لا أعرف أحد في المناطق المذكورة و لكن أنصحك بالاتصال أو زيارة المهندس / هاني (مركز سبيد سيرفيس)

أو نقل شكواكي من العربية الي الموضوع المخصص لمركز سبيد سيرفيس بالقسم
http://www.nilemotors.net/Nile/28764...r-enghany.html

**looloo1000000** · 24-12-2013 09:04 PM

المشاركة الأصلية كتبت بواسطة samir elshahawy

للاسف أنا لا أعرف أحد في المناطق المذكورة و لكن أنصحك بالاتصال أو زيارة المهندس / هاني (مركز سبيد سيرفيس)

أو نقل شكواكي من العربية الي الموضوع المخصص لمركز سبيد سيرفيس بالقسم
http://www.nilemotors.net/nile/28764...r-enghany.html

ميرسى لحضرتك بس المشوار دا بعيد اوى عليا ف جسر السويس طب مفيش حد فى مدينة نصر او المعادى كويس ؟؟؟؟

**Samir Elshahawy** · 24-12-2013 09:40 PM

المشاركة الأصلية كتبت بواسطة looloo1000000

ميرسى لحضرتك بس المشوار دا بعيد اوى عليا ف جسر السويس طب مفيش حد فى مدينة نصر او المعادى كويس ؟؟؟؟

حضرتك ممكن تروحي كارافان و ده مركز خدمة معتمد من هيونداي
ده لينك فيه عناوين و أرقام تليفونات مراكز الخدمة

http://www.nilemotors.net/Nile/359457-2013-2.html

**bareeq300999** · 26-12-2013 05:11 PM

المشاركة الأصلية كتبت بواسطة yoyome

بندحرج التماسي علي الأخوة الجيتزاوية اللي عاملين بيات شتوي بقالهم كام اسبوع

امبارح اشتريت شوية حاجات كدة قولت برضة أقولكم سعرها من شارع دمشق

روحت اجيب فلتر بنزين من غبور .. طبعا الرزالة في التعامل وكأنهم بيدونا الحاجة ببلاش، ورغم انهم كانوا قايلين انة موجود، روحت الفرع قالي لا دة خلصان، وسعرة 195 .. علي الناحية التانية لاقيت الأصلي برضة عند محمد عاصم وأرخص 20 جنية ودخلت تاني للبية بتاع غبور قالي ايوة هو الأصلي ... علي فكرة، محمد عاصم عندة قاعدة الموتور الأصلي أرخص بـ 330 جنية من غبور وسعرها كان 650 جنية لكن خلصانة وهتيجي في خلال أسبوع للي محتاجها ... علي فكرة محمد عاصم موزع معتمد هيونداي، كيا، رينو

اشتريت كمان القاعدة الكوري بتاعت الموتور بـ 230 من عند واحد اسمة المصرية تقريبا .. كانت خلصانة من عند الكل بما فيهم نافع كمان !

الخبر الكويس بقي اني عديت علي عشم نوار يظبطلي السنتر علشان كان في باب مش شغال، غير الطلمبة وخد 60 جنية (دة طبعا الجزء اللي مش كويس) .. الجزء الكويس بقي انة بقي بيعمل اخيرا الشنطة ضمن السنتر، تفتح السنتر تفتح معاها، تقفلة تتقفل معاها، ودة بيعملة بـ 120 جنية بالظبط.

سؤال بقي للشباب .. حد يعرف اجيب منين صباع الولاعة علشان ضايع وطلع عيني علية مش لاقية ... وبتاع الفيرنا مش بيشتغل عليها لأني جربت من كذا فيرنا مفيش فايدة

طيب ممكن حضرتك تساعدنى من فضلك :)
مساء الخير
والله انتو جيتولى من السما
انا عندى عربيه جيتز ٢٠٠٩ والاكصدام الخلفى شبك فى كاوتش عربيه نقل كان مرمى على الطريق الصحراوى وخده وطار :)
المهم انا مش لاقيه الاكصدام ده فى حته بره التوكيل وسعره عال اوى فى التوكيل، ممكن تدلونى الاقيه فين؟
وشكرا والله
وكنت عاوزه كمان اقوى نور العربيه بس مش عاوزه اركب الزينون علشان بيأذى اللى سايق قدامى و كمان عاوزه اركب مسند جمبى و حاجه ترفع الازاز مع اللوك بتاع العربيه والسنتر كمان فيه مشكله :)
معلش بقى استحملونى مهو انا جبت العربيه دى بناء على نصايح نايل موتورز :)
شكرا مقدما

**bareeq300999** · 26-12-2013 05:13 PM

المشاركة الأصلية كتبت بواسطة samir elshahawy

enghany.html

ممكن اطمع فى مساعده من منسق القسم؟
مساء الخير
والله انتو جيتولى من السما
انا عندى عربيه جيتز ٢٠٠٩ والاكصدام الخلفى شبك فى كاوتش عربيه نقل كان مرمى على الطريق الصحراوى وخده وطار :)
المهم انا مش لاقيه الاكصدام ده فى حته بره التوكيل وسعره عال اوى فى التوكيل، ممكن تدلونى الاقيه فين؟
وشكرا والله
وكنت عاوزه كمان اقوى نور العربيه بس مش عاوزه اركب الزينون علشان بيأذى اللى سايق قدامى و كمان عاوزه اركب مسند جمبى و حاجه ترفع الازاز مع اللوك بتاع العربيه والسنتر كمان فيه مشكله :)
معلش بقى استحملونى مهو انا جبت العربيه دى بناء على نصايح نايل موتورز :)
شكرا مقدما

**Samir Elshahawy** · 27-12-2013 08:54 PM

المشاركة الأصلية كتبت بواسطة bareeq300999

انا عندى عربيه جيتز ٢٠٠٩ والاكصدام الخلفى شبك فى كاوتش عربيه نقل كان مرمى على الطريق الصحراوى وخده وطار :)
المهم انا مش لاقيه الاكصدام ده فى حته بره التوكيل وسعره عال اوى فى التوكيل، ممكن تدلونى الاقيه فين؟
وشكرا والله
وكنت عاوزه كمان اقوى نور العربيه بس مش عاوزه اركب الزينون علشان بيأذى اللى سايق قدامى و كمان عاوزه اركب مسند جمبى و حاجه ترفع الازاز مع اللوك بتاع العربيه والسنتر كمان فيه مشكله :)
معلش بقى استحملونى مهو انا جبت العربيه دى بناء على نصايح نايل موتورز :)
شكرا مقدما

أولا.. بالنسبة للاكصطدام :
حضرتك ممكن تسالي عليه في الحرفيين استيراد و برضه أن شاء الله هاسأل لحضرتك عليه لما أشوف السمكري اللي باتعامل معاه

ثانيا .. بالنسبة لتقوية النور:
ممكن حضرتك تركبي لمبات ألماني بامبير أعلي بس لازم معاها كتاوت تقوية علشان ماتحرقش المفتاح
اللمبات دي ممكن تلاقيها في شارع دمشق بس أهم حاجة الكهربائي اللي هايشتغل فيها يكون كهربائي كويس و نظيف
و نصيحتي لحضرتك تشوفي المهندس هاني (مركز سبيد سيرفيس) هو بيتعامل مع كهربائي كويس ممكن يعدل لك الانوار دي

ثالثا .. بالنسبة للمسند :
ممكن برضه تسألي عليه في شارع دمشق عند محلات الاكسسوارات زي السجان أو التوفيقية
و ممكن تشوفي علي رضا في مدينة نصر (تقاطع شارعي الطيران - اسماعيل القباني) بالقرب من جامعة الازهر

رابعا .. بالنسبة للزجاج مع السنتر :
ممكن حضرتك تركبي وحدة أنذار جديدة بدل من اللي راكبة أصلا في العربية و تكون ماركة كويسة زي الوولف مثلا و تركبي معاها وحدة رفع
دي ممكن تلاقيها في التوفيقية أو شارع دمشق (السجان) أو كلاريون مصر الجديدة أو المهندسين

و أحنا تحت امرك في أي طلب و أي خدمة

**mada_76** · 28-12-2013 12:03 AM

المشاركة الأصلية كتبت بواسطة yoyome

طلب سريع يا جماعة

ممكن حد يقولي الكود بتاع قاعدة الموتور اللي بتسبب اللإهتزاز والزنة في الجيتز علشان مسافر كمان يومين وعايز اجيبها معايا من برة ويا ريت لو يقولي هي دية صورتها ولا لأ ؟

hyundai getz tb 9 02 on 1 3l 1 6l rh auto manual engine mount | ebay

هي يا باشا نفس الشكل كده بالظبط .
ياريت تكون لسة هناك وتجيبها ان شاء الله .

**mada_76** · 28-12-2013 12:04 AM

المشاركة الأصلية كتبت بواسطة lost2008

mada_76 بجد الف شكر انك كنت السبب الى عرفتنى بالمهندس هانى

يا باشا لا شكر على واجب

**mada_76** · 28-12-2013 12:19 AM

المشاركة الأصلية كتبت بواسطة bareeq300999

مساء الخير
والله انتو جيتولى من السما
انا عندى عربيه جيتز ٢٠٠٩ والاكصدام الخلفى شبك فى كاوتش عربيه نقل كان مرمى على الطريق الصحراوى وخده وطار :)
المهم انا مش لاقيه الاكصدام ده فى حته بره التوكيل وسعره عال اوى فى التوكيل، ممكن تدلونى الاقيه فين؟
وشكرا والله
وكنت عاوزه كمان اقوى نور العربيه بس مش عاوزه اركب الزينون علشان بيأذى اللى سايق قدامى و كمان عاوزه اركب مسند جمبى و حاجه ترفع الازاز مع اللوك بتاع العربيه والسنتر كمان فيه مشكله :)
معلش بقى استحملونى مهو انا جبت العربيه دى بناء على نصايح نايل موتورز :)
شكرا مقدما

طالما مش لاقياها في التوكيل يبقى مافيش حل تاني غير استيراد . يعني الحرفيين او عزبة شلبي ( اماكن صعبة عليكي اكيييييييييد ) .
بس ان شاء الله لو في حد مننا نزل الحرفيين هايسالك وانا اعرف واحد كده مستورد قطع غيار هيونداي هاساله .
بالنسبة للنور لو مش عايزة تركبي زينون يبقى عليكي وعلى تغيير لمبات الفوانيس بلمبات فيليبس من عند محل المدينة اللى في شارع دمشق . هاتيجيبي لمبتين انا مش فاكر اسمهم ايه بالظبط بس هما بيدوا ضعف الاضاءة اللى بتديها لمبة العربية وعن تجربة بصراحة فرقت معايا كتير واللى هايفرق كمان بقى في واحد بيقف قدام المحل ده بيلمع الفوانيس وممكن تديله 50 جنيه بصراحة رجعلى الفوانيس زيييييييرو .
المسند ده مش قصة اي محل اكسسوار هاتلاقي فيه اشكال والوان . انا عن نفسي جبت مسند اسود جلد عبارة ان مخدة مستطيلة ومش بتتركب ولا حاجة بتتحط كده مابين الكرسيين وطرية وبشيلها برميها ورا لو عايز احط حاجة مكانها ولووووووز العنب .
الازاز بقى برضه في شارع دمشق في ناس كتير بس انا جربت عشم نوار وجربت ابراهيم وجربت سيد على وبصراحة ( وده راي الشخصي ) عشم نوار غالي وشغله مش نمرة واحد وابراهيم شرحه . سيد على عنده واحد اسمه عمرو استاذ ومعايا تليفونه وومكن اوصيه عليكي لو هاتروحي . هاتركبي وحدة رفع امامي تعمل حوالى 75 او 100 وزيها خلفي وتريحي دماغك من موضوع رفع الازاز ده . وانا بصراحة كل فترة لازم باب عندي يعلق في الفتح او القفل مع السنتر بروح لعمرو دقيقتين يرجلش الطرمبة ويشتغل الباب .
وربنا يوفقك ان شاء الله