نتشة في 307

**EHABssssss** · 23-07-2011 05:30 PM

السلام عليكم
انا كنت متابع الموضوع باهتمام جداً لانى معايا sw 2007 عاملة 60 الف ولسة المشكلة دى بالضبط حاصلة معايا من حواى اسبوع

**eng_asd2000** · 04-08-2011 10:21 AM

انا عندى نفس المشكلة وسألت م هيثم شغال فى مركز خدمة بيجو الموجود فى الجيزة و كانت اجابتة كالتالى

المشاركة الأصلية كتبت بواسطة eng_asd2000

عندى مشكلة غريبة لما بكون واقف فى اشارة و اجى اطلع بالعربية بفضل اضغط على البنزين و العربية مابتستجيبش وبعدين تتطلع فجأة كأن حد خبطنى من ورا ......الموضوع دة احيانا بيحصل و احيان كتيرة بتكون عادية جدا و ماشية تمام ......العربية 307 sw اتوماتيك
شكرا لمتابعتك يا باشمهندس هيثم

المشاركة الأصلية كتبت بواسطة hisam2010

المهندس أســــد.... المشكلة الى حضرتك بتتكلم عليها دى تعتبر من المشاكل المتكررة فى فتيسات البيجو الموجودة فى الــ 406 أو 307 وعامة لازم الفتيس يكشف عليه أولا بجهاز تشخيص الأعطال وبعدين ممكن تعمل صيانة فتيس ( غيار زيت فتيس وبلف فتيس)

المشاركة الأصلية كتبت بواسطة A.Lotfy

طيب وتكلفة الصيانة دي كام والمفروض ضمانها أد ايه

المشاركة الأصلية كتبت بواسطة hisam2010

تكلفتها حوالى 1800 جنية بالمصنعيات وضمانها 6 شــهور

ودة اللينك بتاع الموضوع
http://www.nilemotors.net/Nile/188597-a-14.html

**MuhamedNabil** · 12-08-2011 01:47 AM

المشاركة الأصلية كتبت بواسطة EHABssssss

السلام عليكم
انا كنت متابع الموضوع باهتمام جداً لانى معايا sw 2007 عاملة 60 الف ولسة المشكلة دى بالضبط حاصلة معايا من حواى اسبوع

مشكلة النقلة البترجع متأخر دى و انت بتهدى او و انت بتطلع دى بتحصل لمل الجير بوكس يسخن و مؤشر الحرارة مش حيعلى عن 90 برده بص على مياة العربية حتلاقيها ناقصة و متنساش لو العربية سخنة تزود المية و هى دايرة , الموضوع دة حصل معاية قبل كدة و لسة حاصل معايا تانى من يوميين و المياة فعلا كانت ناقصة كتير.

و المشكلة دى مش بتاعت البلوف و مش بتظهر gearbox fault

@ eng_asd لو المشكلة اتحلت انا مش حاخد منك 1800 ممكن بس 10%

**shark_3li** · 12-08-2011 01:56 AM

انا نزلت بصيت علي المية دلوقتي لقيتها مظبوطة بس هو واضح فعلا ان المشكلة دي بتحصل لما الفتيس يسخن لان العربية بتعمل كدة لما بفضل سايقها فترة مش في المشاوير القصيرة. بس بيتهيالي برضو الزيت ليه علاقة بتبريد الفتيس

**MuhamedNabil** · 12-08-2011 03:18 AM

المشاركة الأصلية كتبت بواسطة shark_3li

انا نزلت بصيت علي المية دلوقتي لقيتها مظبوطة بس هو واضح فعلا ان المشكلة دي بتحصل لما الفتيس يسخن لان العربية بتعمل كدة لما بفضل سايقها فترة مش في المشاوير القصيرة. بس بيتهيالي برضو الزيت ليه علاقة بتبريد الفتيس

الزيت اكيد ليه علاقة طبعا بس الاعرفه و حصلى ان الزيت لو قل بيقصر على الضغط جوه الجير و بيديلا جير بوكس فولت فى الناقة التالتة و يفضل على الثالث و مينقليش الا لو بطلت العربية و دورتها تانى. على العموم ممكن تقيس الزيت برده ميخصرش و تتأكد انه الزيت بتعها ابيض مش الزيت الاحمر العادى و ممكن تبص من تحت العربية لو بتصرب زيت من الجير.

على العموم لو حصل الموضوع معاك تانى بص فى سعتها على المية و فى حاجة كمان مورحة التبريد ليها سرعات بتتظبط من الكمبيوتر بتاع العربية انا كانوا عندى عمنها 2\3 عشان التبريد يبقى افضل و تتأكد من درجة الحرارة البتشتغل عندها.

**shark_3li** · 12-08-2011 05:33 AM

هو مقياس زيت الفتيس بتاعها منين؟
معلش هو سؤال غريب بس انا دورت عليه كتير ملقيتهوش و طبعا في الصيانة مبيخلونيش اجي ناحية العربية ف مش بعرف هما بيقيسو ازاي

**MuhamedNabil** · 12-08-2011 11:18 PM

المشاركة الأصلية كتبت بواسطة shark_3li

هو مقياس زيت الفتيس بتاعها منين؟
معلش هو سؤال غريب بس انا دورت عليه كتير ملقيتهوش و طبعا في الصيانة مبيخلونيش اجي ناحية العربية ف مش بعرف هما بيقيسو ازاي

المقاس عبارة عن طبة من تحت فى الجير و لما بتفكها فى صوبع تحتيها بيتفك و الزيت بينزل , غالبا البينزل من فك الطبة 4 لتر و بيكون فيه 3 متر لسه فى القربة الجوة الجيربوكس بس لو بتغير فى التوكيل المفروض يكون الزيت يكون مضبوط

**waleedabbas** · 13-08-2011 12:18 AM

المشكلة دي ف الغالب مشكلة زيت فتيس وبلوف حلها انك تغير زيت فتيس وماتحطش غير زيت فتيس بيجو الاصلي وتغير البلوف لو محتاجة تغيير وممكن ماتكونش محتاجة تغيير بتتنضف ويتبدل اماكنهم بس لو عملت كده وغيرت الزيت في معاده باستمرار ان شاء الله مش هتعمل حاجة معاك
هي المشكلة دي حلها مكلف شوية بس بصراحة تهون مقابل امكانيات بيجو الرائعة
ماشاء الله ثبات وامان وفرامل ورفاهية واداء محرك محترم

عموما من الناس المحترمة ال ممكن تتعامل معاهم بره التوكيل وان شاء الله يقدر يحل المشكلة دي المهندس صلاح في السواح

**Unendlich** · 13-08-2011 03:02 AM

يا جماااعة محدش يسترخص و يحط أي زيت و خلاص
في علبة زيت مخصوصة مكتوب عليها بيجو ستروين هي دي بس اللي تستخدم

**shark_3li** · 13-08-2011 05:06 PM

طب انا كنت في التوفيقية امبارح و سالت علي زيت الفتيس لقيته ب ١٤٠ العلبة فيها كيلو لونها رمادي فاتح و مكتوب عليها بيجو و ستروين
مش عارف بقي هو دة الزيت بتاعها ولا ليها نوع تاني؟