الموضوع: شاب و حيران و محتاج استشارة الناس فى موضوع الجواز

يعنى ايه تتجوز ليه
يتجوز عشان ميتفتنش
يتجوز عشان ربنا قال
يتجوز عشان يخلف ولد صالح يدعو له وهو فى قبره
يتجوز عشان 100000000 حاجه
جنوط ايه واصحاب ايه

الشكل مهم طبعا بس الأهم ان يكون مقبول بالنسبه ليك يعني مش لازم تبقي ملكة جمال واعلم جيدا انك لازم هتلاقي ناس سخيفه تسخف عليك وتقولك مثلا ليه مخدتش واحده حلوه عشان مش عارف ايه ده علي اساس انهم عند البقال مش بيطلع عين الشاب عشان يلاقي واحده فيها المواصفات اللي بتقول عليها

توكل علي الله وسيبك من موضوع دكتوره والكلام الفاضي ده اهم حاجه تكون علي خلف وعارفه ربنا ومتعلمه علام كويس وخلاص ومثقفه
في بنات دكاتره كتير وميعرفوش الالف من كوز الدره

ممكن كل اللى انت طالبه ده تلاقيه بس هى بقى هتبقى عايزة ايه انت فيك المواصفات اللى هى هتبقى عايزاها وحقها بصراحة تطلب مواصفات كتير وبعدين مفتكرش واحدة فيها كل ده هتقول طيب وحاضر من غير مناقشة واذا كان زوجات الرسول عليه الصلاة والسلام كانوا بيراجعوه ويخاصموه لبليل !!

المشاركة الأصلية كتبت بواسطة azmeralda

ممكن كل اللى انت طالبه ده تلاقيه بس هى بقى هتبقى عايزة ايه انت فيك المواصفات اللى هى هتبقى عايزاها وحقها بصراحة تطلب مواصفات كتير وبعدين مفتكرش واحدة فيها كل ده هتقول طيب وحاضر من غير مناقشة واذا كان زوجات الرسول عليه الصلاة والسلام كانوا بيراجعوه ويخاصموه لبليل !!

انا مع كلام حضرتك فعلا كانوا زوجات الرسول صلى الله عليه وسلم كانوا بيراجعوه ويخاصموه ويجادلوه ويغيروا عليه وزوجات الرسول علية الصلاة والسلام منهم المبشرات بالجنة ومن بيت النبوة ونزلت سورة المجادلة بسبب المراة التى كانت تجادل الرسول صلى الله عليه وسلم فى شان زوجها
يعنى الاسلام مش بيحرم على الزوجة مناقشة زوجها فى امور حياتهم وان المفروض يكون الامر شوارة
يعنى الطاعة العمياء مش مزكورة فى الدين ومش صح لان الزوجة ممكن تقول حاضر وماشى وهى مش مقتنعة بالكلام واول ماالزوج يغيب تعمل اللى هى عايزاه من غير مايعرف ده اللى يكون صح ولا الماشورة والاخد بالراى والاقناع احسن
بالنسبة لموضع الجمال ممكن الراجل يتجوز واحدة جميلة جدا جدا وتحصل للبنت دى حادثة وجمالها ده يروح ساعتها حايعيش معاها برغم ان جمالها راح علشان فى حاجات حلوة بيبنهم وهى الروح
اهم حاجة فى الجواز الروح والاخلاق لان ممكن تكون بنت جميلة وروحها وحشة تخليك تكره تشوف وشها الجميل
وبعدين من الكلام اللى شوفته انها بنت ناس محترمة ومركزها عالى ومقبولة الشكل مش زميمة يعنى صفاتها الحلوة غالبة عليها حاول حضرتك تبص على الصفات الحلوة لان دى اللى حاتعيش وماتبصش للنصف التانى لان الكمال لله

المشاركة الأصلية كتبت بواسطة Hegazio

نصيحة من واحد مدوبهم اتنين !!!
( حـــــاضر ) .. ابحث عن هذه الكلمة .. و اعمل اختبارات عنها في فترة الخطوبة كما تشاء
الطاعة تعطيك كل ما تبحث
ابتسامة + حاضر من عينيا يا حبيبي ولا مارلين مونرو ضاربة بووووووووز
حاضر في المشتروات و المصروفات أو حتي تساعد في شغلك = فلوس
حاضر في العلاقات مع الأهل = مكسب علاقات اجتماعية
حاضر حاعملك شعري زي ما بتحب او حاخس 10 كيلو زي مانت عاوز حالبس اللبس اللي بيعجبك = الجمال

حــــــــــــــــــــــــ ـــــــــــــــاضر .. و كفي !!

طيب يا استاذ حجازيوا بما اننا لازم نسمع كلمة حاضر قبل الجواز علشان تختار عروستك
طيب اللى لم يحالفه التوفيق ومعرفش يسمع كلمة حاضر حتى ولو على سبيل المجاملة
يعمل ايه ؟؟؟؟؟

المشاركة الأصلية كتبت بواسطة ringoo

طيب يا استاذ حجازيوا بما اننا لازم نسمع كلمة حاضر قبل الجواز علشان تختار عروستك
طيب اللى لم يحالفه التوفيق ومعرفش يسمع كلمة حاضر حتى ولو على سبيل المجاملة
يعمل ايه ؟؟؟؟؟

ربنا يكون في عونه :)