الموضوع: الفرق بين محرك ياباني و ألماني

يا جمااااااااااااعه السحب مش متوررررر بس

المشاركة الأصلية كتبت بواسطة PRO-DRIVE

يا جمااااااااااااعه السحب مش متوررررر بس

+1

دى الخلاصة

مننساش المعادلة المهمة..

شكل العربية (ايرو ديناميكس)
قوة الموتور و استجابة الفتيس.. وده مهم جدا..
وزن العربية
توزيع الوزن و مركز الثقل..
مدي مقاونة العربية للقوي الخارجية زي احتكاك بالارض و ما الي ذلك..

اصرب كل المذكور اعلاه في الخلاط.. تطلع نتيجة ممكن تقارن بيها بقي..
معادلة بمتغيرات كتير.. مينفعش قارنها بناتج معادلة مفيهاش نص المتغيرات دي..

المشاركة الأصلية كتبت بواسطة MMamdouh

يبقى فى الاخر حنلف و نلف و نرجع للنقطة اللى كنت كتبتها من شهر فى موضوع القدرة و العزم.... اللى يفرق عربية عن التانية هو السرعة القصوى اللى تقدر توصل لها و زمن التسارع من صفر الى 100 كيلو

لا يهم هى المانى ولا تايوانى ولا امريكانى ولا كام سى سى ولا اى حاجة فى الدنيا... احنا عمالين نلف فى جاير واحدة و هى القدرة بالحصان و بلد الصنع و الوزن الخ الخ الخ... طيب ما نبص على الناتج النهائى للمعادلة اللى فيها الكلام دة كلة شغال مع بعضة---> الاداء على الطريق... هو دة الفيصل

و عندى مثال بسيط جدا... حد فيكم عندة اى نوع من انواع الشك ان الBMW E92 M3 جامدة و تقطع اى حد؟؟ احنا بنتكلم فى عربية سيدان متوسطة الحجم فيها موتور بيطلع 412 حصان.... شوفوا الفيرون بتعمل فيها ايه... اكن الBMW بقت زستافا بالرغم من ان الBMW حديثة و تكنولوجيا من الاخر و كل حاجة فى الدنيا... اللى يفرق بجد الاداء... اللى يهم بجد الاداء... ثم الاداء ثم الاداء

http://www.youtube.com/watch?v=VEL5ABddZ0k

خلص الكلام...

MMamdouh

هو ده الكلام يا باشمهندس
أنا مش عارف ايه اللي دخل بلد الصنع في قوة موتور و أدائه

برة الموضوع بس بما أنة تم ذكر الفيرون و BMW , أحب أضيف أن ال 4 تيربو فى الفيرون من مييتسوبيشى و ال 2 تيربو قى ال N54 بتاع كل ال 335i بردة من ميتسوبيشى :).

المشاركة الأصلية كتبت بواسطة SlvrLan99

أزاى ؟؟؟؟....هى الفكرة بتبقى عشان التسويق و الدعاية.

و ال MR2 وضعية وسطية, و معلش أزاى الفاقد 40%؟!؟!؟ . و هى موديل كام ؟ عشان أى عربية بتفقد جزء من قوتها مع الاستعمال و مرور الزمن.

معلش فى التأخير فى الرد، عندى امتحانات و مهيص

بالنسبه للدعايه، مفيش حد بيكتب القرايه من العجل...بس سمعت قبل كده ان المتسوبيشى ايفو بتكتب قرايه اقل من الحقيقه، و فى ناس جربت العربيه على الداينو و جابت اعلى من الارقام المعلنه، انا مشفتش بعينى بس سمعتها من كذا واحد، بس معرفش اذا كانو جربوها على داينو كرنك ولا عجل...
بس قياس قوة الموتور و اللى الشركات بتكتبه فى العربيات العاديه مش دايما صادق، بيبقى فى قرايات اللى بيتوقعها الكمبيوتر و فى gross و فى net و متقاسه من الموتور فى الظروف المثاليه جوه معمل و فى عند اسوأ الظروف... بس دايما الالمان بيكتبوا اقل رقم جابه الموتور... لاكن اليابانيين معروف انهم بيهيسوا، و الرقم اللى بيكتبوا صعب تجيبه...

بالنسبه لل MR2، هيه موديل 92، انا كان قصدى الفاقد 40 حصان مش فى الميه، معلش عالخبطه...بس حكاية ان الموتور يطلع 105 حصان و انت تاخد 100 من العجل ده مستحييل...
انا سمعت اراء كتير فى موضوع الفاقد ده...
فى ناس بتقول انه ثابت، و الجيربوكس بياخود حوالى 35 حصان و لو عندك كورونا شوف هيا كمان هتاخد كام و بعد الموتور عن العجل هيزود الفاقد ، عشان كده انا قولت ان المتور اللى قدام هيبقى الفاقد اعلى من الموتور ورا و الناس اعترضت معرفش ليه...

الرأى التانى بيقول ان الفاقد ده بيبقى نسبه من قوة الموتور، علشان الفاقد ده جاى من الاحتكاك بين الاجزاء سواء جيربوكس او كلتش، و معامل الاحتكاك ده بيعتمد على قوة المتور، زى الفرامل، عندك متور اكبر يبقى عايز احتكاك اكبر يبقى عايز فرامل اكبر...و بيقال ان نسبة الفاقد من 15-20% للمانيوال و 18-25% للاوتوماتك... و انا مسمعتش عن ال 15% ديه غير فالبى ام M3 و M5.
و انا مقتنع بالرأى التانى اكتر، محدش يضرب :D

بالنسبه للدعايه، مفيش حد بيكتب القرايه من العجل...بس سمعت قبل كده ان المتسوبيشى ايفو بتكتب قرايه اقل من الحقيقه، و فى ناس جربت العربيه على الداينو و جابت اعلى من الارقام المعلنه، انا مشفتش بعينى بس سمعتها من كذا واحد،

علي فكره كمان Sti , Gt-r ارقامهم الرسميه اقل من الحقيقيه و كما ارقام التسارع الرسميه بتاعتهم اقل من الحقيقيه

الرأى التانى بيقول ان الفاقد ده بيبقى نسبه من قوة الموتور، علشان الفاقد ده جاى من الاحتكاك بين الاجزاء سواء جيربوكس او كلتش، و معامل الاحتكاك ده بيعتمد على قوة المتور، زى الفرامل، عندك متور اكبر يبقى عايز احتكاك اكبر يبقى عايز فرامل اكبر...و بيقال ان نسبة الفاقد من 15-20% للمانيوال و 18-25% للاوتوماتك... و انا مسمعتش عن ال 15% ديه غير فالبى ام M3 و M5.

شخصيا مقتنع بالرأي دا اكتر :)