فتيس dsg حقائق ومعلومات !

**bobozoro** · 08-07-2012 04:12 AM

المشاركة الأصلية كتبت بواسطة amr salah eldin

الجيتا الشكل الجديد نازل هنا في السعودية 2000cc و الفيتيس s-tronic

شكرا للايضاح يعني بيستخدم فتيس زي بتاع اودي

المشاركة الأصلية كتبت بواسطة mody3on

ستيب ترونيك يعني ستيبترونيك ! مش دوال كلتش زي ال dsg

والله حضرتك انا اعرف ان ستيبترونيك تطلق علي امكانية التحكم في النقلات مع الفتيس الاتوماتك من خلال + و - اسف لو كنت فاهم غلط وبرده من معلوماتي ان S-Tronic بتاع اودي برده دوال كلتش

**amr salah eldin** · 08-07-2012 09:45 AM

الفيتيس ستبترونيك صرف بدون اي لعب

**akrumcs** · 08-07-2012 12:06 PM

اخي الفاضل
انا لسه سايق امبارح Audi A1 ملك زميل ليا وفتيسها S-Tronic فعلا بس الملحوظه المهمه ال S-Tronic هوا هوا فعلا ال DSG مع اختلاف التركيب الداخلي كل حااااجه موجوده في ال DSG لاقيتها في ال S-Tronic من رجوع السياره لو على طلعه لطريقة النقل في الحرق لكل حاااجه من الأخر اركب الإثنين مش حاتلاقي فرق بينهم تماما

**جيتاوي على طول** · 19-08-2012 01:46 AM

خبر الموسم لجميع عملاء فولكس فاجن

شركة فولكس فاجن الصين
تمديد فترة الضمان على الجير بوكس دي اس جي لمدة 10 سنوات او 160 الف كم
وده اللينك بتاع الخبر
Car owners revved up over VW gearbox glitch | Top News | chinadaily.com.cn
المفروض ان الوكيل بمصر يتبع نفس الإجراء مع باقي الوكلاء على مستوي العالم
[OVERLINE][/OVERLINE]

**Astra200** · 19-08-2012 04:52 PM

المشاركة الأصلية كتبت بواسطة جيتاوي على طول

خبر الموسم لجميع عملاء فولكس فاجن

شركة فولكس فاجن الصين
تمديد فترة الضمان على الجير بوكس دي اس جي لمدة 10 سنوات او 160 الف كم
وده اللينك بتاع الخبر
car owners revved up over vw gearbox glitch | top news | chinadaily.com.cn
المفروض ان الوكيل بمصر يتبع نفس الإجراء مع باقي الوكلاء على مستوي العالم
[overline][/overline]

حضرتك التوكيلات في مصر بتيقي واخدة ضمان أكتر من سنة في بعض السيارات وبتديلك ضمان سنة

غير كده لما حاجة بتبوظ في الضمان بيلففك حوالين نفسك قبل ما يغيرها رغم انها مش حتكلفه غير مصنعية وجمارك القطعة ( وهو واخد حقهم في تمن السيارة من ألأول و عاملين مندبة علشان العربيات الأستيراد بيبقي تمنها أقل بحجة انهم بيزودا السعر علشان مصاريف الضمان ومركز الصيانة )

**mohamed eladawy** · 03-10-2012 12:42 AM

والله يا جماعة الحمد لله انا معايا جيتا 2010 dsg 7كامله خليجي الحمدلله عملت 100000 كم ومغيرتش فيها غير ديسك واسطوتنه عند 95000 وكله تمام و الحمد لله بس انا ديما مش عتيف علي الفتيس و مشي علي طريق سريع مش وسط البلد ومش بمشي علي الاستبترونيك غير مرات معدوده و في الاشارات بجيبو علي n مش بسيبه علي d بس والحمد لله ماشي معايا زي الفل اللهم لا حسد و اطلع عي طريق الساحل او العين السخنه اجيب 200 زي الفل تقيمي ليه فتيس محترم بس يحتاج لتعامل معين مش زي اللانسر ونفس المعامله بتكون في كل العربيات الالماني حتي المرسيدس و ال bmw

**seso100100** · 27-10-2012 08:00 PM

شكرا استاذ فرحات على هذا الموضوع القيم و على ردود الاعضاء المفيدة و المحترمة

**my3fox** · 13-11-2012 01:28 PM

أنا لسه مكلم التوكيل في الاسكندرية و قالي معلومة جديدة لما سالته هو لسه فيه مشاكل في فتيس ال dsg ...... قام رد و قالي ده كان في سنة واحدة فقط منذ 3 أو 4 سنين و المشكلة إنتهت خلاص....
ده كلام الراجل بتاع المبيعات......

بس المعلومة الجديدة اللي قالها لي إن فولكس فاجن علشان ترجع الثقة في سيارتها.... زودت فترة الضمان ل 3 سنين أو 100 الف كم

أيه رأيكم في الكلام ده....؟؟؟؟

**محمد جمعه محمد** · 14-12-2012 04:26 PM

بقدر ما انا سعيد جد بالحوار مع حضراتكما و مقدر قيمه هذه المعلومات ، بقدر ما انا حزين جدا على سماع هذا الكلام ، انا كنت ناوى اشترى باسات موديل 2007 اوتوماتيك بس بعد ما سمعت كلامكم ده خوفت جدا و مش عارف اعمل اى و خاصه و انى من اشد المعجبين بالباسات 2007
ياريت لو حد عنده اى حل او فكره لمشكله الفتيس دى يقولها لى ، مع الشكر

**محمد جمعه محمد** · 15-12-2012 06:00 PM

المشاركة الأصلية كتبت بواسطة farahat

وعليكم السلام ورحمة الله وبركاته

أخي العزيز، أولاً أحب أشكرك على ذوقك وكلامك المشجع دة

ثانياً بالنسبة للعربية إلي حضرتك بتتكلم عليها فهي باسات استيشن موديل 2008 يعني فيها الموتور ال-fsi العادي ال-115 حصان ، والفتيس الاوتو إلي فيها هو الفتيس ال ٦ نقلات العادي وليس dsg ، وبالتالي من الناحية دي لا تقلق .

من ناحية العربية والأداء فهي في نفس مستوى الأداء بتاع الميجان الستيشن (115 حصان يعني نفس القوة ، بس وزن أكبر شوية من الميجان ، ولكن فتيس ٦ نقلات ونسب بتاعته أحسن كتير يعني هيعوض الفرق ده ،وبالتالي هتكون نفس الأداء تقريباً ) ، ونفس جودة الخامات في الداخل والخارج .

أخر نقطة موضوع السعر والحالة ، السعر شكله كويس جداً لكن ده لزم يقارن بالحالة بتاعت العربية ، ودي مش هقدر أفتي فيها لأن دي معتمدة على المعاينة والكشف ودي مش في ايدي ، لكن انصح حضرتك تكشف عليها كويس في مركز معتمد ويكون عنده الأجهزة والمعدات بتاعة الفولكس الجديد ، مش مجرد كشف ميكانيكا وعفشة وسمكرة وخلاص ، وأكيد حضرتك فاهم كلامي لأن كان معاك ميجان . وبعد كدة تحدد السعر المناسب حسب المطلوب عمله فيها لأن ١٢٠ ألف أكيد محتاجة شوية صيانات ودي بتكون مكلفة في العادة .

واتمنى لك التوفيق إن شاء الله ونبارك قريب على العربية الجديدة :)

أ/فرحات انت منور المنتدى و انت بجد بذلت مجهود كبير
باشا انا كان عندى ليك سؤالين
الاول : اعرف منين ان الفتيس اللى راكب فى السياره الباسات او الجيتا او الاوكتافيا انه استبترونيك عادى مش dsg
الثانى : هل يحدث اى مشاكل للموتور ال fsi or tsi لو انا استخدمت البنزين ال 92 معاه على طول
مع خالص تحياتى