الفرق بين زيت المحرك التخليقي والمعدني وايهما انسب

**ls1090** · 24-01-2012 03:23 PM

المشاركة الأصلية كتبت بواسطة mahmoudalaa

ده بيتغير كل اد اية وسعره كام والاقية فين وهل ده يناسب عربيتي والحرق والشد وكده

بيتغير كل 12 الف مع الحرق كل 10 تلاف
سعره 295 ل 5 لتر مفيش 4
او 70 للتر
ساكن فين وانا هقولك اقرب حته

**mahmoudalaa** · 24-01-2012 03:24 PM

سا كن في حدائق القبة

**ls1090** · 24-01-2012 03:30 PM

المشاركة الأصلية كتبت بواسطة mahmoudalaa

سا كن في حدائق القبة

عندك فى شارع دمشق 27 سامى فخرى لقطع غيار الفورد راجل محترم جدا
وده رقم الشركة ممكن تسالهم 01224961111
http://www.nilemotors.net/Nile/254684-liqui-moly.html

**zezozezozezo** · 24-01-2012 04:34 PM

المشاركة الأصلية كتبت بواسطة ls1090

مستوى الزيت كويس الحمد الله مفيش بخر
البوجيهات ngk كويسه (المدى الحرارى مظبوط) يعنى 6 مش 5
استخدمت منظف رشاشات لانها متاثر على البوجيهات ؟
اعتقد منصور بيستخدم بوجيهات بوش
البوجيهات كانت كويسة طول 10 تلاف ؟

اة كويسة جدا جدا ومعملتش معاية اية مشكلة خالص يعنى دوارة كويسة جدا طيب ممكن يكون العيب فى اية طيب هل البجويهات الوش كويسة طي هى بكام بس اللى عندى مفيهاش اية مشكلة خالص انا عارف انة من الزيت لان لزوجة يعنى تعبانة قوى دلوقتى يكاد يكون مفيش لزوجة اصلا

**ls1090** · 24-01-2012 04:38 PM

المشاركة الأصلية كتبت بواسطة zezozezozezo

اة كويسة جدا جدا ومعملتش معاية اية مشكلة خالص يعنى دوارة كويسة جدا طيب ممكن يكون العيب فى اية طيب هل البجويهات الوش كويسة طي هى بكام بس اللى عندى مفيهاش اية مشكلة خالص انا عارف انة من الزيت لان لزوجة يعنى تعبانة قوى دلوقتى يكاد يكون مفيش لزوجة اصلا

خلاص غير الزيت ...

**kempel** · 26-01-2012 09:33 AM

السلام عليكم انا شارى عربية مستعملة عاملة 180000 كم بس مغيرة الموتور وكبس الموتور 85%الراجل اللى قبلى كان بيحط شل الاصفر وانا حطيت ليكوى موللى 20/50 وكنت بحط معاه اضافة زيت بيقلل الاحتكاك وبيقلل من صوت الموتور وهو زيت تايلاندى كانو بيعملوا عليه تجارب فى معرض السيارات حتى اللى بيعمل التجربة ديه واحد اسيوى المهم انا فاكر الاسم اكستريم اعذرنى مش فاكر اسمه اوى المهم الاداء كان جيد وصوت الموتور قليل وغيرته على 3000 بس حبيت اغير لنص تخليقى علشان يقعد أكثر استعملت فالفولين 10/40 ماكس لايف بعد ما غسلت بفلاش وغيرت الفلتر واضفت برضه نفس الاضافة اللى هو الزيت التايلاندى كل ده من 300 كم هل اللى عملتو ده صح ولا ايه رايك علما بانى لما قريت تعليمات الزيت الموجوده على الموقع بتاع فورد فوكس واحد لاقيته بينصح بزيت 5/30 على طول حتى بعد ال100000 كمان فعشان كده غيرت ايه رايك فى الكلام ده وشكراً

**zezozezozezo** · 26-01-2012 11:08 AM

بس بجد موضوع متميز وجميل جدا

**wael ahmed** · 26-01-2012 11:17 AM

انا قريت الموضوع كله وفهمت حاجات كتيير مكنتش فاهمها ... ربنا يجازيك خير يا باشا :)

دلوقتى انا كنت بستخدم كاسترول ماجنيتك لمده 20 الف كيلو ( غيرته مرتين كل 10 تلاف ) تانى مره حطيته لقيت الزيت بينقص بطريقه رهيبه ... قبله استخدمت فيسكو 3000 مرتين برضه ( كل 7000 تلاف) بس مكنش بينقص

المهم سمعت عن فالفولين وبالفعل استخدمت فالفولين ماكس لايف وماشى عليه لحد دلوقتى 6000 الاف كيلو
الزيت مش بينقص جوه البلد بس لما بسافر على سرعات عاليه ( 160 : 190 ) بينقص وهنزله النهارده علشان نقص واتحرق شويه وهحط ماكس لايف برضه

الميكانيكى بيقولى طقم شنبر مع ان العربيه مش بدخن والكبس 75 % والسحب زى الفل ومفيش اى مشكله ولا تسريب .. هل طبيعى ان الزيت ينقص كده علشان الموتور عندى عامل 210 الف كم

افهم من مشاركات حضرتك ..
1-انى كده لازم اغير زيت معدنى علشان الموتور بدأ يقدم والخلوصات بدأت توسع ؟؟

2-سمعت عن استخدام الفلاش بيضر المواتير القديمه علشان بيزيل الراوسب وبيوسع الخلوصات اكتر ما هى واسعه اصلا :)) .... الكلام ده صح ( يهمنى اعرف النقطه دى جدا ) وهل هيفيد لو عملت الموضوع ده علشان فيه فيديو ليكوى مولى بيوضح منظر الموتور قبل وبعد الفلاش !!!

3- انا مش عارف احط زيت معدنى لانى مش لاقى حاجه كويسه .. لقيت ليكوى مولى Super Formula 20W50 بس انا فهمت من كلام حضرتك ان الرقم اللى جنب w بيوضح لازم فى الشتا يكون قليل ؟؟ حاسس ان 20 دى كتيير اوى على العربيات البنزين تنفع للعربيات الديزل الفان والكلام ده ؟

واسف جدااا انى طولت عليك :)

**hany63** · 26-01-2012 11:31 AM

انا معايا سيفيك عامله 23000 كم وبعد ماغيروا الزيت في التوكيل بموبيل 1 (مش عارف ارقامه )على 20000 كم حسيت بخشونه و السحب قل
و في الكتالوج بتاع العربيه كاتب لحد درجه حراره خارجيه 40 درجه 5w30 و 5w40
احط مين فيهم بحيث السحب مايقلش و الموتور ميتاثرش
سؤال اخير هو لو حطيت 5w30 في الشتاء اغير ل 5w40 في الصيف؟

**ls1090** · 26-01-2012 03:30 PM

المشاركة الأصلية كتبت بواسطة kempel

السلام عليكم انا شارى عربية مستعملة عاملة 180000 كم بس مغيرة الموتور وكبس الموتور 85%الراجل اللى قبلى كان بيحط شل الاصفر وانا حطيت ليكوى موللى 20/50 وكنت بحط معاه اضافة زيت بيقلل الاحتكاك وبيقلل من صوت الموتور وهو زيت تايلاندى كانو بيعملوا عليه تجارب فى معرض السيارات حتى اللى بيعمل التجربة ديه واحد اسيوى المهم انا فاكر الاسم اكستريم اعذرنى مش فاكر اسمه اوى المهم الاداء كان جيد وصوت الموتور قليل وغيرته على 3000 بس حبيت اغير لنص تخليقى علشان يقعد أكثر استعملت فالفولين 10/40 ماكس لايف بعد ما غسلت بفلاش وغيرت الفلتر واضفت برضه نفس الاضافة اللى هو الزيت التايلاندى كل ده من 300 كم هل اللى عملتو ده صح ولا ايه رايك علما بانى لما قريت تعليمات الزيت الموجوده على الموقع بتاع فورد فوكس واحد لاقيته بينصح بزيت 5/30 على طول حتى بعد ال100000 كمان فعشان كده غيرت ايه رايك فى الكلام ده وشكراً

فى الاول مالك العربية الاول كان بيستخدم زيت معدنى (اكبر غلط) ثقيل15w-50 (اكيد وسع خلوصات الموتور )
اصبح استخدام زيت 5w-30 مستحيل 1-بسبب انه خفيفي 2- ان زيت تخليقى
فى زيت واحد ممكن ينفع معاك نصف تخليقى اسمه موتور كرفت من صنع فورد 10w-30
بس للاسف مش مواجد فى مصر وجميع الزيوت الموجودة فى مصر بدرجة SAE 30
تخليقة
الانتقال الى زيت نصف تخليقى مبنى على التجربة
حضرتك تابع مستوى الزيت مع ماكس ليف حتى 5000 ك لو محصلشى بخر ممكن تجرب زيت تخليقى بالكامل بدرجة 5W-40
بدون اى اضافات
الانتقال من زيت معدنى الى نصف تخليقى خطوة كويسة

الموضوع: الفرق بين زيت المحرك التخليقي والمعدني وايهما انسب

LinkBack

أدوات الموضوع

عرض

-

-

-

-

-

-

المواضيع المتشابهه

ايه الفرق بين الزيت المعدني و التخليقي ؟

تقرير رائع ومميز للعضو ls1090 عن الفرق بين زيت المحرك التخليقي والمعدنى وايهم انسب

ايه الفرق بين الزيت التخليقي والصناعي ؟؟؟؟

أيه الفرق بين الزيت المعدني و التخليقي ؟

ايه الفرق في البروتون سيرونا والواجا 2009 ؟؟ وايهما افضل

الكلمات الدلالية لهذا الموضوع

المفضلات

المفضلات

ضوابط المشاركة