الموضوع: الفرق بين زيت المحرك التخليقي والمعدني وايهما انسب

المشاركة الأصلية كتبت بواسطة medo_sirion

طيب فى مشكلة انا حاطت فى التيوتا كرولا موبيل وان 0w-40
ولسة راجع طريق شرم امبارع الساعة 12 باليل
بس لاحظت حاجة ممكن يكون الاستهلاك عالى شوية
بس دة فى ضرر منة اللى هوة 0w

لا يوجد مشكلة من الرقم الاول 0w درجة اللزوجة 0 مسؤالة عن بداية التشغيل فقط
الرقم التانى 40 هو المسؤال عن التزيت عندما ترتفع درجة الحرارة لو ارتفع الاستهلاك تقع المسؤلية على الرقم 40
وديه ميزة الزيت ثنائى الدرجة
بس الزيت مش المسؤال فقط عن ارتفاع استهلاك الوقود يوجد عوامل اخرى

المشاركة الأصلية كتبت بواسطة medo_sirion

ماانت لسة قايل ان 0 w مش كويس فى الشتاء
حاجة تانية يعنى اية ثنائى الدرجة
حاجة تالتة الكتالوج موصى بالدرجة دية استمر عليها ولا اغيرها
معلش حاجة رابعة امشى مع كل سيارة بكتالوج العربية والموصى ليها وكدة هنقع فى مشكلة السول اللى الكتاب كاتب 20w-40 او 15w-50 يبقى امشى على الموصى بية ازاى وهوة غلط

اولا انا مقولتش ان 0w مش كويس فى الشتاء فين الرد الى انا قلت فيه 0w مش كويس فى الشتاء
ثانيا زيت ثنائى الدرجة او متعدد الدرجة الى هو sae 5w-40 ليه درجة لزوجة فى بداية التشغيل و درجة لزوجة فى الحرارة العالية

زيت احدى الدرجة يسمى زيت ثقيل مثل sae 50

ثالثا استمر على لزوجة 0w-40 كوبسة ولعلمك درجة 0w تعمل فى درجة -25 تحت الصفر
رابعا موضوع اللزوجة الموصى بها اتبعها او الاحسن لان مفيش زيت تخليقى بدرجة 20w-50
شوف درجة اللزوجة الى تناسب درجة الحرارة لان المصنع وضع هذه اللزوجة علما ان درجة الحرارة لاتصل 0 فى الشرق الاوسط هتلاقى كاتب لا تستخدم اللزوجة 5w-20 فى الشرق الاوسط
لو نزلت اليوزير مانيوال بتاع العربية النسخة بتاعت اوربا هتلاقى اللزوجة الموضى بها هى
0w-20 و 5w-20 و 5w-30

المشاركة الأصلية كتبت بواسطة zezozezozezo

طيب انا لى سؤال اولا انت اية رأيك فى زيت كاسترول ايدج 5w40هل فعلا كويس سحب العربية بيفرق صوت الموتور اهدى ولا اية رأيك ومعلش سال تانى درجة 40 دى هل تكفى فى الصيف لان فى الصيف درجة الحرارة فى القاهرة بتوصل ساعات لحد 45 درجة دة يتحمل

انا مجربتشى الكاسترول ايدج لان الكاسترول الى بيجى مصر ال api sl وده منخفض فى زيوت فى مصر sm و sn الفرق بين sl و sm و sn نسبة ZDDP وضيفتها حماية الكامات من التاكل
ممكن يكون الزيت اداء كويس بس بيسبب تاكل فى الكامات
درجة 40 كافى لدرجة حرارة 40 و 50 كمان

المشاركة الأصلية كتبت بواسطة medo_sirion

لا مع شل صيف وشتاء مافيش مشكلة لانة 5w-40

متشكر يا فندم

المشاركة الأصلية كتبت بواسطة ls1090

لا مفيش مشكلة
تاثير اللزوجة العالية sae 40 فى البرد ارتفاع استهلاك الوقود انخفاض الاداء
اهم حاجة فى البرد الاهتمام بالرقم الصغير 5w او 0w علشان بداية التشغيل بيكون المحرك درجة حرارة منخفضة لازم يكون درجة السريان عالية

متشكر يا فندم , طيب حضرتك بتقول ان sae 40 مداه من 40 لـ 50 درجه طيب مش درجه حراره المكنه بتوصل لـ 90 درجه الزيت هيستحمل ازاى ؟

المشاركة الأصلية كتبت بواسطة ganash

متشكر يا فندم , طيب حضرتك بتقول ان sae 40 مداه من 40 لـ 50 درجه طيب مش درجه حراره المكنه بتوصل لـ 90 درجه الزيت هيستحمل ازاى ؟

انا يتكلم عن درجة حرارة الجو الدرجة الخارجية وليس درجة حرارة المحرك
وللعلم درجة اللزوجة بتقاس داخل المحرك عند درجتين بالنسبة لزوجة sae 40
Viscosity at 40 °C بيكون اللزوجة من 89 الى 94 mm²/s
Viscosity at 100 °C بيكون اللزوجة من 14 الى 15 mm²/s