الموضوع: بخصوص قوة موتور السيفيك فى الشد و الجرى .. لاصحاب التجربة فقط !!

المشاركة الأصلية كتبت بواسطة yoko

عشان البحر يحب الزياده وانا حاطت جرين على نفس أبعاد التي والديسكات مكبرتش
وعشان انا بجري بإفتراء ومعدل شويه في الموتور والتيل معملش fade out مني غير مرتين (الأصلي) والمرتين كنت واخد من مصر الجديده لحلوان في 20 د

!!
أومال الناس كانت بتشتكي ليه من الفرامل و طلبيه EBC و ناقص نفتح الباب نوقفها برجلينا !

أيوا الكلام ده في موضوع عن ال EBC و جوه فيات و بالذات التربو و لو عندي وقت كنت جبتلك الكلام بالنص !


[QUOTE=semsem kane;3874352501]مظبوط كلام سعادتك يادكتور

هما بس الاعضاء مش قادرين يقتنعوا اننا مش بنتضهط الكورى اكتر من اننا بس بنشوف المبالغة فى التقييمات

يعنى عايز اقولك حاجة ومش هتصدقنى ولا حد هيصدقنى
اتنين اصحابى معاهم سيفيك 1990 الجيل الرابع محركها اتوماتيك 4 سرعات ماتور كربراتير 92 حصان تخيل ان واحد جرى مع النترا 2012 وظبطة على الدائرى ظبطة السنين وبعد موقفوا الراجل بتاع الالنترا بيسأل صاحبى اللى معاة السيفيك بيقولة انت مسقط ماتور اية قالة ياباشا دية 1500 كربراتير ماحصلتش 100 حصان , بيقولى الراجل وشة اتخض كدة وراح سابة ومشى وقالة ربنا يباركلك

92 و كاريراتير و علمت علي ال 2012 !

طيب حلو أوي الكلام ده , هات بقي صاحبك ده بردو بس مش علي الدائري بقي علي الصحراوي لغايه واحه عمر (مسافه) أهو عشان يجمع براحته علي الاخر بس معلش قله النترا الشكل القديم علي قدها !
ده السيفيك الجديده ما عرفتشي تطلع يا عم انت بس معاه عذره عشان انا مانيوال !

وصاحبى معاة النترا بس هو مش متحيزززززز ليها نهائى وبيقول كل عيوب وكل حاجة عادى

يعنى احنا بس نفسنا يبقى فية حيادية فى الكلام

يا ريت بصراحه بس الكلام ليكوا يا هوندا و ل بتوع هيونداي بردو !

ناس تقولك واسعة بحرررررررررر وانا اركبها الاقيها يدوبك على القد واجيلهم فيديوهات يدوبك طيب فين بحر دية ياعم

ما انت ما ترجعشي الضهر و الكرسي و عاوزها بحر هي مش GMC في الاخر !

ناس تقولك تقولك بتقف من اللمسة وهية اصلا فراملها بتزحف

فرامها بتكلبشها في الارض و العربيه بتزحف ده عشان المحترم غبور منزلها من غير زفت ABS

ناس تقول ثباتها عالى جدا , واحنا لما جربناها نلاقيها بتخف , وثباتها ضعيف
مقارنه بالهونده (نسبه و تناسب) هي مش ستابل زي الهوندا و شوف هي عاليه ازاي عن الارض و الهوندا نايمه علي الارض ازاي !

[]ياباشا لا يمكن تكون قوة الفرامل او تحكمك فيها على نفس السرعة وسرعة اعلى يكون واحد لازم يحصل leak فى الفرامل نتيجة الحرارة العالية اللى بتحصل , سرعة العربية نفسها ومدى ال sensevity بتاعة الفرامل , وخفة العربية نفسها , ومدى اتزانها على الطريق كل دة مش بيبان غير فى سرعات عالية والله

+1+1+1+1

وبردة عشان تبقى عارف ال quality اللى بيتصنع منها التيل هل هو فعلا مستعد انة يتحمل braking power ب lock على سرعة 180 مثلا هنا بقى هيفرق

يعنى انا الحمد لله بعربيتى كنت مرة بجرى مع x3 على المحور ووصلت لسرعة 180 وهو كان ورايا بفرق شوية لقيت رادرا على مسافة قليلة جدااااااااااا تكاد لا تتعدى ال10 متر والحمد لله عملت lock كامل بالفرامل العربية الحمد لله ماتحركتش ولا شمال ولا يمين ونزلت فى اقل من 8 متر تقريبا تقريبا كنت خلاص عند الرادار لسرعة 95 كم وطبعا بتاع ال x3 لبس الرادار وش بس هو ماكنش همة راكب x3 بقى هيهمة رادار ب 200 جنية لكن انا يهمنى طبعا ويولع السباق
وعلى فكرة التيل كان فية نصة وماشى بية اكتر من سنة

الفرامل من 180 ل95 في 10 متر !

انت علي كده غلبت ال S5 اللي بتنزل من 100 -0 في 2.7 !

انا شايف الموضوع بقا عن فرامل العربيتين ..
بس انا اقدر احكيلكم عن تجربتى الشخصية ..
كان معايا هيونداى الانترا 2011 هااااااااى لاين كاملة كل حاجة ..
فراملها فى منتهى السوء و بتزحف بغباء ..
و ضربت الفرامل على 130 بتخلى العربية مراجيييييييح اقسم بالله عن تجربة ..
علشان كده قررت ابعد عن اى عربيات كورى لانى بطبيعة الحال سوقت فيرنا و سيراتو والليله دى كلها
بصراحة لا يعلى على الهوندا .. وباذن الله هشترى واحده قريب جدا 2009 و هجبلكم تقرير عنها ..
لانها بالفعل عربية محترمة فى جميع النواحى ..[/quote]


السيفيك ال 2010 vti و يا سلام لو فيراني /سودا/نبيتي

بس 2011 كامله و بتزحف ؟!!!طب ازاي هو abs بايظ ؟!

اضبط كاوتشها 32 و شوف فراملها انا بأعرف الكاوتش ناقص من قوه الفرامل و صوت الكاوتش مع الفرمله !

المشاركة الأصلية كتبت بواسطة abdulkhaleq

طيب بالنسبالي انا بقى الشكل ده مش اكتر من 20% من تقييمي لعربيات زي بتاعتنا كللها :)
وبصراحه هو بالنسبالي برضه مش من أهم العوامل خالص
يمكن يكون العامل رقم 3 أو 4 :) (اختلاف اراء مش أكتر)

وحضرتك بتقارن التورشن بيم في الجيتا باللي في الالانترا مع ان الفرق شاااااسع وعن تجربه جيتا DSG 2010 هو باختصار من مميزاته انه ممكن يدي تماسك شويه في الملفات لكن عيوبه التنطيط في المطبات
فشركه زي فولكس بتتغلب على الموضوع ده بتوزيع حمل مدروس ونوعية مساعدين وقياسات تانيه بدون الدخول في تفاصيل بيبان أثرها على ارض الواقع والواضح ان هيونداي لسه قدامها حبه على ماتحصل هما بصراحه لحد دلوقتي حطوه استرخاص مش اكتر
وعلى فكره انا كمان كنت في التوكيل (بالنسبه لموضوع الديسكات اللي قدام بس) والقصه ان احنا كنا رايحين نشوف الكامله ولاقيناها ديسكات قدام بس وباقية القصه انت عرفتها بقى :) :)
نقطه اخيره
سعر ايه اللي كويس بال 160 الف دول ساعتها جبنا جيتا كمفورت لاين (اعلى من الهاي لاين) 2010 ماشيه 20 ألف !!! ياراجل حرام عليك بجد

على فكرة الجيتا 2010 كانت ملتي-لينك مش تورشن بيم
وفولكس حطته برضه استرخاص مش اكتر واقرا عنه , هي خلتها تورشن بيم وخامات بلاستيك عشان سعرها ينافس ويبقى زي الكوري والياباني , قوم ايه بقى التوكيل هنا ينزلها ب 225 الف وهي اصلا تجميع مكسيكي وتورشن بيم ( مفروض سعرها زي الالنترا اصلا ) فلما تيجي تقولي سعر الالنترا غالي امال سعر الجيتا ايه ؟ وبعدين متدخلش المستعمل في الموضوع , انا ب 225 الف اجيب بيهم BMW 320i 2009 ماشية 30 الف كيلو :)
وب 200 الف اجيب بي ام برضه بدل السيفيك :)

المشاركة الأصلية كتبت بواسطة semsem kane

* ياباشا الاخ اللى كان بيقارن كان بيقارن اللالنترا hd ب ال md عشان كدة انا جاوبتة

* معلش ياباشا انا ماوضحتش ( الفتايس الكورى) , معلش هو حضرتك هتجيب فتيس bmw ,merc زى الهيونداى , شوف الفتيس ال6 سرعات بتاع الفئة الثالثة وشوف الفتيس الست سرعات بتاع الهيونداى واحكم انت !!!!!!!!!!!!!!!
معلش يعنى فية فرق واضح قوى مابين الخمس سرعات بتاع السيفيك ومابين الست سرعات بتاع هيونداى
يمكن الميزة الوحيدة اللى انا شايفها فى ال6 سرعات هو ان الماتور صوتة اهدى وبيوفر بنزين فى السفر اكتر لكن كااداء لأ استحالة

طب معلش انا مشفتش حد بيقول ان ال 5 سرعات بتاع الهوندا احسن من ال 6 سرعات بتاع هيونداي , الفتيس استجابته ممتازة وعلى الاقل فيه steptronic وتقدر تتحكم في النقلات وده مش موجود في السيفيك
ولو في فرق هيبقى فرق بسيط وطبيعي لان السيفيك رياضية اكتر بس مش فرق مراحل يعني :)
ويا سيدي عشان متقولش متحيز
الكلام ده من ريفيو edmunds
the six-speed automatic transmission shifts smoothly and willingly downshifts
وده من ريفيو kbb
the 2012 Hyundai Elantra's 6-speed automatic transmission shifts as smoothly and accurately as any we've tested, and its Shiftronic manual-shift mode makes driving the automatic car almost as much fun as that with the 6-speed manual
ولا كمان في امريكا بينزل فتيس غير هنا ؟

أهااااااااااهاهاهاها هههههههههههههه
هيونداى أيه اللى فيها مواتير يا باشا، هو عشان أى مواتير على بودى خفيف يجرى العربية.. يبقى خلاص مواتير الهيونداى جامدة؟؟؟!! لأ طبعا.
ولا عشان بتطلع من الصنى والنوبيرا والأوكتافيا والمازدا3.. يبقى مواتيرها أصلى؟؟!!!
- وعلى فكرة مش بقارنها بمواتير تربو، ولا مواتير 2.0 TS بتاع ألفا أو 1.8 بتاع فولكس مثلا، لأ..
قارنها بمواتير السيفيك والكورولا (مع إنى مبحبش العربية دى)، أو مواتير الفورد الجديدة (اللى جربوها بيقولوا موتور حاتى)..؟!!
السيفيك و الكورولا يروحوم يلعبوم بعيد و بعيد خالص كمان لو 1.6 قصاد 1.6
الفورد ما جربتش بالامانه عشان أبقي واقعي

لكن مواتير الهونضاى دى لو ركبت فـ عربية ثقيلة (زى الأوروبى)، غير أنها هتتشخرم.. مش هتقدر تجرى العربيات دى.. وهتتشنبر وش.

يعني هيونداي منزله العربيه خفيفه و الموتور عفي ايه المشكله معاك في كده !
لو علي الفرامل اللي مش عجباكم و الستابيليتي عشان بتتقارن بالاوروبي الفيات و الرينو اللي بينزلوم بره زي هنا
أحب أقولك ان ال HD بره في ال GLS فيها ESC, EBD,ABD , و جنطها 205/55/16 !
STANDARD OPTION !

أموت أنا فـ الفرامل من عـ العالى دى (ولو ان التيل والديسكات بيصعبوا عليا)، بس هى دى اللى تبين الفرامل على حق..!!
- عارف لما تنزل من 170-180 لـ100-110 مثلا فـ مسافة قليلة (فرملة إفترا).. وتحس كده ان العربية بترجع لورا من شدة الفرامل؟؟!!!

هي حلو ه الفرمله ديه الصراحه بس مش مع أي عربيه و أي تيل و الشطاره انك تعرف امكانيات عربيتك و تلعب في الرانج بتاعها !


يامان جربت كتيييييييييييير سايق وراكب.. هو أنا يا أحمد بيه كل ده ولسه ماجربتش؟؟ انت تعرف عنى كده برضه؟؟!!! ههههههههههههههههههه،
السيراتو سيدان وكوبيه.. خليجى وتوكيل، وإلانترا القديمة كذا واحدة.. إلانترا الجديدة مرة واحدة فقط، ولسه ماجربتش الفوليستار (بس مش هتروح بعيد يعنى) ههههههههههههههه

أصحابى بيقولوا عليا مابتكسفش أطلب من حد أسوق عربيته، حتى لو مش واخد عليه أوى؟!!
hehehehehehe ههههههههههههههههههه
بس عادى والله، مانا برضه اللى بيقوللى أسوق عربيتك بقوله إتفضل.. أجرى وأحرق وفرمل زى مانت عايز (إنفخها)..
بس ماتأكلش مطب ولا حفرة أو بلاعة.. (أهم حاجة بطن العربية من تحت)،

+1+1+1

بالنسبالى: أنا بس غاوى وبحب أجرب وأشوف الفروق بين العربيات.

مانا بقول ده اللى بنتكلم فيه، التقييم نسبى وبيختلف من شخص لآخر..
لما ركبت الـ530 عـ الصحراوى حسيت إن أنا كنت بركب عربيات لعبة (الجولف والبرافو)، فعلا ياأخى الخلفى أصلى.
وسوقت إيفو-8 وجولف GTI فـ الإمارات.. عرفت إن أحنا فـ مصر مش راكبين عربيات، وفهمت ليه اللى بيسافروا وعايشين فـ الخليج بيقولوا كده.
+1+1+1

]معلش اسمحلى اجاوبك على اسألتك

1- materials لم تختلف
نفس الكلام بالضبط علي السيفيك ان لم تكن للأسوأ
2- كل الفئات ديسكات قدام وطنابير ورا والقديمة كدة بردة ماعدا اخر فئة هية بتبقى كلها ديسكات طبعا هو بيقولك اتقدمت وواضح من التقدم انها مغيرتش السياسة بتاعتها

3- فعلا الكاملة اللى قبليها كانت ب121 الف جنية الى 125 الف جنية ودية ب156 الف جنية يعنى الفرق فعلا 31 الف جنية بعد الخصم اللى حصل و 34 الف جنية قبل الخصم
سياسه تسعير تحرق الدم بس هنعمل ايه !
4 - فعلا القديمة كانت عفشة مستقلة وكانت كويسة نوعا ما عن العفشة ال torision beam اللى موجودة طبعا ودة بهدف الاسترخاص
هي ال TORSION BEAM بقيت استرخاص دلوقتي !
5- معلش ال6 سرعات مش حلو وال4 سرعات بردة مش حلو اللى ممتاز هو ال5 سرعات عشان دة اقل فتيس يديك عزم وتجاوب مع عدم الاحساس بالنقلات يعنى انا لما ركبت الالنترا وال rb حسيت بالنقلات بعكس فتيس السيفيك ال5 نقلات كان مختفى تماما
لكن الاربع نقلات بتحس بالنقلات بية بردة , وكمان الفتيس ال6 سرعات انا حاسس انة مالوش اى لزمة فى العربية لان محرك العربية مش قوى اصلا انة يتركبلة فتيس 6 سرعات دية منظرة فاضية
ده DESIGN بتاع هيونداي و نازله كده أكيد ليهم وجهه نظر ايه ما أعرفش بس لو كان ينفع الجير ال 4 أو ال 5 سرعات كانوا نزلوه !

6- معلش ياباشا هيونداى مش بتخترع هيونداى بتقتبس فقط
تقتبس من الهوندا مثلاا ّ

7 - على فكرة مش العربية بقت اعرض واتقل واطول وبردة خفيفة على السرعات مابعد 150
ما جربتش بس ما تجيبشي SIR و مجنطه و كاوتش عريض (ما شاء الله لا قوه الا بالله عليها اللهم لا حسد) و تقارنها بستوك ولا ايه الكلام !