الموضوع: ماذا تفعل اذا صدمت شخص بسيارتك ؟؟( تجربة واقعيه )

ممكن اوي اخد حد من الشهود معايه او لو محدش رضي ييجي اخد نمر تليفوناتهم
ولو كل ده منفعش ادخله المستشفى وامشي فورا بس اخد نمرته عشان اطمن عليه بعد كده من تليفون غير تليفوني
ولو حد عنده طرق تانيه يا ريت يقولنا :)

المشاركة الأصلية كتبت بواسطة NAHR_ELGANNAH

الخلاصة انا مع الراي اللي بيقول اني اوديه المستشفى لو الموضوع يستاهل بس اخد احتياطاتي عشان انا كمان متبهدلش

في حادثة عربيات مع بعضها خلاص مفيش مشاكل المشكلة انك تنقل واحد مرمي في الشارع للمستشفى وتلبس مصيبة لومات ولو مماتشي يمكن يتبلى عليك !!ودا الجديد في الموضوع طول عمري اخاف يموت وهو في الطريق للمستشفى وأول مرة اسمع ان ممكن يرمي بلاة على اللي نقله للمستشفى ولو عملت استفتاء لحوادث العربيات الناس كلها وانا متأكد بنسبة مائة في المائة هتقول هننزل نساعد ونودي المستشفى وكل اللي ممكن يعمل حاجة هيعملها !!عارف ليه ؟ عشان مفيش مسئولية على حد تماماومحدش يقدر يرمي بلاة !!هيقول ايه ؟

ما هو يا جماعة مينفعش اسيبه وامشي برضه لازم يبقى ليها حل تاني
ده حتى تبقى ندلاة وعفانة وحقارة ودناءة من هنا لبكره الصبح
وبعدين الصح والغلط ده امر تقديري يعني ممكن تكون انت شايف نفسك مش غلطان وهو برضه شايف نفسه مش غلطان ولو الباب على اخره حنلاقي اي حد يقول على نفسه مش غلطان ويمشي ويسيب المصاب يبقى مفيش تحمل لاي مسؤولية وده ميرضيش ربنا طبعا
فحتى لو انا مش غلطان لازم اساعد الراجل ده لانه بني ادم زيي زيه
ده رايي والله اعلم

mafeesh dameer wallahy 3alam...... 2asta3'fer allaho el 3azeem

على فكره الناس كتير بتقول لو ضربت واحد اجرى انا كان والدى ماجر عربيه ميكروباص المهم وهو راجه كان ماشى فى نص البلد عندنا وكانت فى بنت معديه فجاه بتجرى يعنى السواق اتفاجى بيها فى اللحظه دى سمع صوت حاجة زى ما تكون انفجرت فبابا قالو اجرى بسرعه لان البنت شكلك دوست على دمغها واو استنيت هيقتلولك المهم طلع يجرى كان فى زحمه والناس بتجرى وراه اضطر يسيب العربيه طبعا ونزل منها وطلع يجرى منها الناس وراه وطبعا مصدقوى اللى يعرف الموضوع واللى ميعرقوش نزلوا ضرب فيه وعدموا العافيه خصوصا ان اهل البنت شكلهم ناس شكليه وبعد ما خد العلقه التمام وكانو هيموتوه جه الشرطه وطلعوه بالعافيه واتظح ان البنت مش هى اللى فرقعت كانت حاجه بلاستيك واو ما شابه المهم البت كل اللى كان فيها خربوشين وخلاص عملوا محضر واتصالحوا وخلاص المهم الشعب بتاعنا بيتعامل بمدا يا عايزين جنازه يشبعوا فيها لطمى حاجه فيها ضرب كانها عزومه وكمان يوضح ان موضوع الجرى ده لو فى حته زحمه اكيد حتبقى انتا الغلطان بدون تفكير وهتثبت التهمه على نفسك الحل ان الواحد يتوكل على الله ومينساش (اللهم انى اعوذ بك ان اذل او اوذل او اضل او اوضل اواظلم او اوظلم بسم الله توكلت على الله ولا حول ولا قوة الا بالله

انا حصل معايا نفس الموقف وده كان شهر اغسطس 2008 ولسة مش قادر انسى الحادثة دى لحد دلوقتى لانى كنت من عشاق القيادة وبعد الصدمة دى بقت سواقتى كلها حظر فى حظر لان كل شئ ممكن يحصل فى مصر واحد كان بيعدى شارع الاوتوستراد امام فندق القوات المسلحة بمدينة نصر ومعاه اربعه اصحابه هو الوحيد اللى حاول يعدى ومن اوسع جزء فى الشارع مع ان قبله فيه بمسافة قليلة جدا جزء ضيق ممكن يعدى بكل امان منه لكن بما ان نحن فى مصر فكل شئ جايز المهم كنت فى يسار الطريق وماشى على حوالى سرعة 50 وامامى على اليمين سيارة اخرى بحوالى سرعة 60 راح معدى من قدامها بسرعة لانها كانت ممكن تخبطه لانه رامى نفسه فى وسط العربيات فى طريق سريع ومظلم فى هذا المكان وبعد ما عدى من العربية لاقانى فى وشه انا فكرت انه هيقف روحت كاسر شمال عالاخر لحد ماكنت هطلع عالرصيف وفى نفس الوقت بستخدم الفرامل ولكن للاسف هو كمان خد نفس القرار وهو انه يلحق الرصيف قبل ماجى وحصل اللى حصل ولقيته على الزجاج الامامى المهم الحمد لله ربنا ستر و كانت اصاباته بسيطة وهو اتنازل معرفش ليه يمكن عشان عارف انه غلطان الله اعلم
بس لازم يكون فى قانون يعاقب المشاه المستهترين لانهم ممكن يتسببوا فى حوادث كتير