الموضوع: ماذا تفعل اذا صدمت شخص بسيارتك ؟؟( تجربة واقعيه )

حتى من غير ما يسمعوا اى حاجة.... ودلوقتى تقولوا انها حالة فردية لاكن ما تمنعش ان الانسان لازم يقف لو عمل حادثة عشان الانسانية والاحترام والضمير لكن جوابى زى مانا قلت فى الاول .. لو الزمان رجع تانى اختار انى اجرى ومش مهم اى حد تخيلو ان كل واحد يقولى فين رخصك ولا كأنة البية الضابط وحاولو يكسروا الزجاج حتى الزبال بيقولى فين رخصك وواحد منهم حاول ياخد المفتاح من العربية فكانت النتيجة انة تناة جوة الكونتاك

نفس إللي حصل معايا بالضبط والله أما خبطت حتى واد شحات من إللي بيقفوا بالمناديل بيقلي فين رخصك (طبعا إديته بالجزمة) وغيره وغيره كأني إرتكبت عملية إغتصاب في الشارع وكأن إللي بتعدي الشارع كانت ماشية في حالها على الرصيف وأنا سبت الشارع إللي مخصص للعربيات وطلعت على الرصيف بتاع المشاة والتاني خد المفتاح وكان عايز يوصلهم المستشفى رحت مديه على قفاه ومطلعه من العربية وبجد يوم مش حنساه من إبتزاز من إللي خبطهم والحجز إللي إتحجزته وغيره وفعلا الشعب المصري ********
زطبعا لو الزمن رجع تاني مكنتش حقف نهائيا


================
تنبيه للعضو من استخدام الفاظ مسيئة في المنتدى
ويرجى احترام الذات المصرية لأن كلنا مصريين هنا

وشكرا

الادارة 3

واضح من اللي قرأته في الموضوع ده ان ان الحوادث شيء لابد منه في مصر
انا حاسس من كمية القصص ان كل اعضاء المنتدي مروا بالفعل بالموقف ده
بجد ربنا يسترها معانا

ياجماعة اولا ميصحش اننا نشتم علي اي شعب مهما كان وخصوصا اننا مصريين يعني مينفعش نشتم علي شعب مصر كله ونقول عليهم الكلام اللي اتقال ده.
اينعم احنا عندنا سلوكيات كتير غلط بس محدش فينا ملاك يعني ومبيغلطش ابدا ومحدش فينا مهما كان غلطان يقبل ان حد يشتمه لإن مش من حق اي حد انه يهين غيره حتى لو أخطأ في حقه كل اللي ليك انك تاخد حقك منه وبس يعني لو خبطك بعربيته وهو اللي مخطئ يبقي كل اللي ليك عنده إنه يعالجك علي حسابه فقط لكن تهينه وتشتمه أ تتسببله في خراب عربيته مينفعش وكلنا لاحظنا ان اللي بيهينوا حد أو بيشتموه غالبا بيكونوا الناس اللي مالهمش دعوة بالحادثة اصلا يعني المارة العاديين اللي لا ليهم في الطور ولا الطحين بس بيحبوا اي موقف يهيصوا فيه وخلاص.
انا قبل ماجيب عربيتي كنت بعدي شارع مع صاحبتي انا اخطأت فعلا لما عديت الشارع ده لإنه كان سريع ومينفعش حد يعدي منه بس صاحبتي بقي كانت هاتعمل ده بحذر بس انا اتربكت وسبت ايديها وعديت وكانت النتيجة ان عربية خبطتني لحد ماطلعتني على الكبوت بتاعها ونزلت على الارض تاني وطبعا لولا ستر ربنا كنت ممكن اروح فيها بس الحمد لله انا خرجت سليمة تماما من الموضوع
كل اللي عملته اني اعتذرت للي خبطني وهو نزل يطمن عليا ويشوف حصلي حاجة ولا لأ وطمنته اني بخير انا وصاحبتي والحمد لله الموضوع عدي من غير ماستغله ولا اشتمه ولا اعمل اي حاجة لأني عرفت وقتها ان انا اللي اخطأت من الأول ولاقدر الله لو كان حصلي حاجة مكنتش هادينه هو لأن انا المخطئة ده بيرجع للتربية والسلوك العام في الحياة يعني لو حد بطبيعته مستغل سواء انت غلطان او مش غطان هايستغلك.
والشخص اللي انا خبطته بعربيتي ده الحمد لله طلع محترم لا استغلني ولا حتى زعقلي دليل علي ان لسة فيه ناس متربية كويس وعارفة انها لازم تعتذر لو اخطأت وبتقدر اخطاء الاخرين كمان ومش لازم يهينوهم عشان خطأ غير مقصود ده غير ان واحد من المرة تبرع وقالي انتي بتعرفي تسوقي طبعا انا فهمتها في الاول اهانة ليا اني مبعرفش اسوق ( مع انها مش اهانة ولا حاجة لحد مبتدئ عادي انا بقبلها يعني) محدش اتولد بيسوق يعني بس قالي اركني علي جنب لحد ماتهدي عشان تعرفي تكملي طريقك.
بس احنا مشكلتنا اننا شعب عاطفي اكتر من اللازم والشهامة والنخوة ممكن تاخدنا في بعض الموقف وتخلينا نتصرف بتهور ونجيب الغلط علي اللي سايق مع ان في رأيي الشخصي ان اللي ماشي علي رجلة يقدر يتحكم اكتر بكتير من اللي سايق وممكن الفرامل تخونه أو يفقد السيطرة علي العربية في لحظة لكن اللي ماشي علي رجليه يقدر يتحكم فيهم اسهل واسرع.