الموضوع: ماذا تفعل اذا صدمت شخص بسيارتك ؟؟( تجربة واقعيه )

انا عن نفسي لما حصل معايا الموقف ده كل تركيزي كان اني اطمن علي الشخص اللي انا خبطه ده وكل جسمي كان بيترعش مع انها خبطة بسيطة.
كنت ماشية وبطيئة يعني وفي شارع زحمة ومش عارفة ايه اللي حصل انا اتلخمت في حزام الامان كنت بركبه ولا العربية سرحت مني يمين ومخدتش بالي وكان في ناس ماشية جنبي علي رجليهم لاقيت نفسي خبطت واحد بجنب العربية في جنبه الشمال وارتبكت ومعرفتش افرمل بسرعة فوقع جنب العربية اتكعبل يعني بس الحمد لله جه جنب العربية مش قدامها وطبعا وقفت ونزلت من العربية جري وكنت مرعوبة جدا وخايفة عليه والله لايكون جراله حاجة والخضة كانت باينة عليا جدا وقعدت اتأسفله واترجاه يسامحني وفعلا اللي حصل كان غصب عني والناس طبعا اتلمت شوية وكان قام هو ونفض هدومه بس بجد صعب عليا جدا وكنت عايزة اعمله اي حاجة عشان يسامحني على الخبطة دي وكنت متوقعة طبعا اني انزل الاقي وابل من الشتايم والسب وهايبقي عنده حق ساعتها الا انه كان انسان ذوق جدا جدا وقالي خلاص محصلش حاجة ومشي وده اللي ضايقني اكتر و فضلت طول الطريق ولحد يومها باليل نفسيتي زي الزفت ومضايقة جدا عشانه وحاسة بذنب كبير اوي لمجرد اني خبطة خبطة بسيطة وقعدت ادعي ربنا انه يسامحني والحمد لله ربنا ستر والرجل محصلوش اي حاجة بس الكعبلة والخضة خلوني افضل أأنب نفسي واشتم في نفسي طول الطريق علي اللي عملته ده.
اللي عايزة اقوله ان لما بتحصل حاجة زي كده رد فعلك مبيقاش محسوب بعقلك ساعتها يعني انت مشاعرك هيا اللي بتحركك وتخيلك تنزل تطمن علي اللي خبطه ده بس ربنا يسترها معانا جميعا والقانون ساعتها ميظلمناش لمجرد اننا طلعنا محترمين ووقفنا عشان ننقل المصاب ده بغض النظر بقي عن مين المخطئ فينا.

اعتقد ان اسلوب المعاملة من المصاب بيختلف برضة لو اللي خابطاة واحدة ست و شافها نازلة مسوعه و مخضوضة بيتكسفوا شوية عن لو كان رجل هو شايف انة ممكن يستغلة و ياخد قرشين و الحقد الطبقى يبان

المشاركة الأصلية كتبت بواسطة MMamdouh

هو قام و كان ذوق لانه اصلا غلطان... ايه اللى ممشيه على الاسفلت؟؟؟؟؟؟؟؟؟؟ هى الارصفة اتعملت للزينة؟؟

MMamdouh

بصراحة بالنسبة للراجل اللي انا خبطه مش عارفة المكان ده كان فيه رصيف ولا لأ بس هو كان في روكسي وحتة كده ملعبكة متعرفش فين طريق العربيات من عبور المشاه يعني مقدرش احدد مين فينا غلطان بس ماعلينا الحمد لله اني طلعت من الموقف ده بسلام والراجل محصلوش حاجة :)

المشاركة الأصلية كتبت بواسطة Adham

اعتقد ان اسلوب المعاملة من المصاب بيختلف برضة لو اللي خابطاة واحدة ست و شافها نازلة مسوعه و مخضوضة بيتكسفوا شوية عن لو كان رجل هو شايف انة ممكن يستغلة و ياخد قرشين و الحقد الطبقى يبان

بالعكس بقي ده لو هو شخص فعلا وحش ومستغل او عايز يسترزق تبقي البنت في الحالة دي صيده سهلة بالنسبة ليه :embarrassed2: لإنه عارف ان البنات قلبها ضعيف وبتخاف اكتر من الرجالة وهايصعب عليها وممكن تديله كل اللي معاها عشان تخلص من الموقف كله وهايلعب علي نقطة انها هاتخاف ماهي مش حمل بهدلة الاقسام واللي بيحصل فيها بقي وكده :)

المشاركة الأصلية كتبت بواسطة محمدعيسى

يا ريت يا ممدوح باشا لو تعرف رصيف واحد يتمشي عليه تقولي
رصيف واحد مفيش حد فارش عليه بضاعة ولا مكسر و لا في عربيات راكنة عليه
الناس اللي نازلة ماشية في الشارع غالبا عشان اصلا مفيش رصيف يتمشي عليه

فعلا.. القاهرة فيها أزمة في الأرصفة اللي المفروض معمولة عشان المشاة.. مش عشان المحلات و القهاوي و اللي فارشين بضاعتهم عليه.. و دول بأه بيعتبروا المكان ده خلاص مكان أكل عيشهم و مش بيسمحوا للناس انهم يمشوا على رصيف "المشاة".