الموضوع: قالك أبو رواش مافيش احسن منه " حسبي الله و نعمه الوكيل "

كل ما تسمع كلمتين عن وكيل
يجي حد تعامل معاه يغير الفكرة تماماً
الواحد مبقاش عنده ثقة في أي وكيل أو مركز صيانة

ده سوء حظ مش اكتر , انت وقعت مع صنايعي حمار جوا التوكيل وبصراحه كنت المفروض ما تستعجلش من اول مره وتسيب العربيه لحد ما تاخدها راضي تماما , لان اللي حصل بعد كده وضايقك محدش له ذنب فيه سواء انت او التوكيل .

المشاركة الأصلية كتبت بواسطة mshmshm3

اومال الناس اللي بتقول شعر في المنتدي عن توكيل نيسان ده ايه !!!
انا كدة ممكن اعيد تفكير قبل ما اشتري نيسان

ماتحكمش على التوكيل من سمكره ودوكو لان مافيش توكيل في مصر محترم في الحته دي لانها مش فنيات بتتعلم في اكاديميه زي الميكانيكه والكهرباء وخلافه , دي محتاجه مهاره ناتجه عن خبره واللي يوصل للمرحله دي هيروح يفتح ورشه بنفسه .

المشاركة الأصلية كتبت بواسطة youssef.awad

انا معاك يا محمد ..
لكن انا طبعى ما اسلمش لأى حد كده يعنى لازم اشوف مقايسة اكتر من مكان وانا احكمها وليا نظرة وفى الاول والاخر ده نصيب
وماتنساش ان ناس تانية راحت المركز ده وغيره وبتشكر فيه جداااااا واخدت شغل زى الفل واللى حصل مع شخص واحد مش قاعدة ممكن تتكرر مع حد تانى
لأنى شوفت بعينى شغل طالع من نفس المركز وغيره فى عربيات صنى قديمة وليفينا وفيه غلطات وشغل تانى مافيهوش هفوة

(انا كان ليا تجربة برضه مع خبطة فى الرفرف الامامى يمين فى عربيتى السبورتاج فى السعودية وانتوا عارفين تنفيخة السبورتاج اكتر بكتير من القاشقاى وكمان الخط اللى داير مع الرفرف
المهم عندى تأمين شامل للعربية وفضلت انى ما اروحش اعملها فى التوكيل بدون فلوس لأنهم هايغيروا الرفرف والاكصدام الامامى ويرشوهم بالكامل !!!!!
وانا عارف الصنايعية اللى هنا شكلهم عامل ايه من الصيانات ..
المهم قعدت الف وادور على ورشة فيها مصريين عشان اعملها ع البارد بدون رش .. فيه اللى قالى استحالة وفيه اللى قالى ممكن والاسعار تفاوتت من واحد للتانى
وفى الاخر عملتها عند واحد مصرى ب100 ريال ووقفت على راسه ومعايا رسومات فك وتركيب كل مسمار فى الرفرف والاكصدام والى حد ما رجعت مع طقطقة بسيطة فى البوية لكن ما رشتش عشان احافظ على فابريقة العربية)

وفى مصر الصنى اتخبطت من بطن الشنطة وعملتها برضه عند سمكرى اعرفه عن طريق صديق ليا وخد 70ج وما بتبانش غير فى الشمس
وواحدة تانية فى شنب الكبوت وعملتها ب50ج

فى الاول والاخر هى مسألة نصيب وقدر .. وموضوع اللى بيفهم ده مش شرط ان التوكيل يفهم فى كل حاجة وضرورى الواحد يكون عنده خبرة فى العربيات عشان المواقف اللى زى دى
وربنا يسترها علينا جميعا ..

متهيألى هناك بيرشوا نفس البوية الاصلية !! مش زى مصر كده انا لما كنت في الكويت والميجان اتحكت وديناها التوكيل وكان الرفرف مطبق بس البوية سليمة بس كان في خدش من فوق !

بعد الرش بصراحة شغل عالى اوى ! متعرفش تفرقها انا نفسي معرفتش انه اترش غير لما لقيت الخربوش ده مش موجود :d

وتوكيل تويوتا وفولكس فاجن ورينو نفسهم كشفوا على العربية وقالوا مافيهاش الهوا !

.................................

صاحب الموضوع حضرتك قدر الله وماشاء فعل وواضح من كلامك انك انسان محترم ومش بتاع مشاكل ومتزعلش نفسك