الموضوع: قالك أبو رواش مافيش احسن منه " حسبي الله و نعمه الوكيل "

للاسف مصوتهاش لما البويا اتقشرة لأني كنت فاكر ان كل حاجة هتتحل , و للأسف العربية مجعتش زي الاول , لو واقفة فالشمس هاتلاحظ على طول ان اللون حتى مش نفس الدرجة الرفرف افتح عم البودي .

للاسف انا كان عندى امل فى توكيل فى مصر يكون بجد محترم بس للاسف انا اتعملت مع اتوا ايجيبت ابوا رواش لاول مرة و بدون الدخول فى التفاصيل ملاحظاتى مهندسى الاستقبال محتاجين يذكروا كويس العربيان الى بيقدملوها الصيانة لانهم اهم ما فى التوكيل هما همزة الوصل بين العميل و الورشة عيب لما يكون العميل فاهم العربية اكتر منهم :( تانى حاجة وجود المهندس الفنى المسؤل باستمرار لان بعدم وجودة تصبح الورشة بلا عقل لانة الوحيد الى قرا Technical manual

المشاركة الأصلية كتبت بواسطة mollaelolla

مع احترامى الكامل لانك بتقول كلمة حق بالرغم من انك ضد نيسان و هذا ان دل على شىء فيدل على انك شخص عاقل و محترم
لكن ممكن اعرف اسباب رفضك لنيسان
للفضول و منكم نستفيد
ولو انى عارف ان ده مش مكان مناسب للسؤال

بص يا سيدي السؤال والجواب مكانهم مش هنا بس انا هقولك اسبابي الشخصيه وبعتذر ليك لاني مش هقدر اناقش الاسباب علشان صاحب الموضوع ما يزعلش ومايتحولش الموضوع لخناقه .
شخصيا شايف نيسان بقى سعرها في عربياتها في نفس سعر العربيات الياباني (متسوبيشي - كورولا ) لكن ككفاءه من نواحي مقارنه كتير هي اقل خصوصا ان اسعار قطع الغيار تقريبا متماثله . باختصار هو اقل ياباني في السوق .
التوكيل واخد سمعه انا حاسسها اكبر من حجمه وده مش هيبان من الناس اللي بتشكر فيه لكن راقب شكاوى الناس اللي حصلها مشكله منه هتلاقيه بيسقط فنيات كتير خصوصا لما المشكله تبقى معقده ((بيرجع يبقى زي اي توكيل مصري بسيط)) .
حاجه اخيره مش فاهمها من نيسان .... يعني ايه تنزل عربيه بنفس الشكل لاكثر من 10 سنين , واللي هيقول متسوبيشي عملت كده هقوله لا هي غيرت بس الشكل القديم كان لسه بيبيع بعنف فاضطروا يستمروا على شكلين .

واخيرا لاي حد هيزعل من الكلام ده انا بفكره .... احنا في منتدى , يعني عالم افتراضي , يعني لما اكتب رايي في نيسان مش بعيب في الذات الالاهيه ولا بعيب في حضرتك , والهدف الاساسي من المنتديات هي تبادل الخبرات , يعني مش عايز الموضوع يقلب خناقه وتتشد وتتعصب لان الكلام راي شخصي بحت , من الاخر بناقص شخص يكون رايه زي رايك .

المشاركة الأصلية كتبت بواسطة youssef.awad

انا معاك يا محمد ..
لكن انا طبعى ما اسلمش لأى حد كده يعنى لازم اشوف مقايسة اكتر من مكان وانا احكمها وليا نظرة وفى الاول والاخر ده نصيب
وماتنساش ان ناس تانية راحت المركز ده وغيره وبتشكر فيه جداااااا واخدت شغل زى الفل واللى حصل مع شخص واحد مش قاعدة ممكن تتكرر مع حد تانى
لأنى شوفت بعينى شغل طالع من نفس المركز وغيره فى عربيات صنى قديمة وليفينا وفيه غلطات وشغل تانى مافيهوش هفوة

(انا كان ليا تجربة برضه مع خبطة فى الرفرف الامامى يمين فى عربيتى السبورتاج فى السعودية وانتوا عارفين تنفيخة السبورتاج اكتر بكتير من القاشقاى وكمان الخط اللى داير مع الرفرف
المهم عندى تأمين شامل للعربية وفضلت انى ما اروحش اعملها فى التوكيل بدون فلوس لأنهم هايغيروا الرفرف والاكصدام الامامى ويرشوهم بالكامل !!!!!
وانا عارف الصنايعية اللى هنا شكلهم عامل ايه من الصيانات ..
المهم قعدت الف وادور على ورشة فيها مصريين عشان اعملها ع البارد بدون رش .. فيه اللى قالى استحالة وفيه اللى قالى ممكن والاسعار تفاوتت من واحد للتانى
وفى الاخر عملتها عند واحد مصرى ب100 ريال ووقفت على راسه ومعايا رسومات فك وتركيب كل مسمار فى الرفرف والاكصدام والى حد ما رجعت مع طقطقة بسيطة فى البوية لكن ما رشتش عشان احافظ على فابريقة العربية)

وفى مصر الصنى اتخبطت من بطن الشنطة وعملتها برضه عند سمكرى اعرفه عن طريق صديق ليا وخد 70ج وما بتبانش غير فى الشمس
وواحدة تانية فى شنب الكبوت وعملتها ب50ج

فى الاول والاخر هى مسألة نصيب وقدر .. وموضوع اللى بيفهم ده مش شرط ان التوكيل يفهم فى كل حاجة وضرورى الواحد يكون عنده خبرة فى العربيات عشان المواقف اللى زى دى
وربنا يسترها علينا جميعا ..

هقولك على حاجه انا كان معايا النترا 2011 وبعد كده بعتها واشتريت تيدا ولحد شهر فات مكنتش افهم اي حاجه في العربيات فمش معنى اني مش فاهم انهم يشتغلوني ده المفروضانه توكيل مش ورشه تحت الكوبري وانا حصلت معايا حادثه من شهرين وروحت اوتو ايجبت بناء على توصيه من احمد مصطفى بس للاسف اسوء تجربه مريت بيها في حياتي من انعدام خبره لاهمال لشغل اقل جوده من ورشه تحت كوبري بين السرايات

المشاركة الأصلية كتبت بواسطة peaceman

هو اللي اعرفه ان التوكيلات عامة مش بتسمكر البودي .. يعني بتشيل القديم و تركب جديد فورا و لو لاحظت هتلاقي ان الصاج متربط ببعضه ببنط و ده لما عربيتي اتخبطت من الخلف وودتها للتوكيل .. مسمكرش اي حاجه .. لكنه فك البنط و ركب جديد و بنط مرة تانيه و رش علي الفابريكة
ديه اول مشكلة فعلا تحصل مع اوتوايجيبت و انا مستغرب جدا من رد الفعل لكن يمكن لو كنت صورت لينا العربية بعد الحادثة كنا شاركناك و قولنا رأينا قبل ما تاخد قرارك ده ..
علي العموم المهم انك بخير و العربية رجعت زي الاول ..

انا عاوز اقولك يابشوي انه مش اول واحد انا ليه تجربه مريره معاهم اقولك على حاجه كمان لاني ليا حبايبي في تأمين الليانز غالبا هيدخلوهم بلاك ليست بعد التجربه بتاعتي معاهم دول عملو ملحق مقايسه 4 مرات وبرده العربيه مش مظبوطه وقارفان اروحلهم اكمل اللي في العربيه وعملت كل اللي ممكن يتعمل من شكوى ودخلت لمدير الصيانه اكتر من مره واحمد مصطفى الله يباكله كلمهم كتير بس في الاخر قولت انا مش هوجع دماغي في حاجات هما مش هيعملوها لان دي امكانينهم