الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

المشاركة الأصلية كتبت بواسطة borio1704

بالنسبة لتغيير الزيت وهو سخن.. عادة مش بيبقى فيه مشكلة.. ما تقلقش.

طبعا صوت التكتكتة اللي حضرتك سمعتها هو صوت الـسكس بلف (Relief Valve) بتاع طلمبة الزيت.. وتقريبا الدوارة كانت سريعة شوية قبل ما كمية كافية من الزيت ترقد في الكارتيرة.. إن شاء الله مش هتسمعه تاني.

...

بصراحه موش فاهم ؟؟

- تغيير الزيت تم من يومين .. و مشيت من البنزينه للبيت حوالى 2 كم فقط .. ثم العربيه اتركنت لمده يوم كامل

- ثم التدوير البارد ( بعد يوم كامل من تغيير الزيت ) .. و هنا سمعت صوت التكتكه

- يعنى المفروض الزيت كله يكون فى الكرتيره .. ام انت تقصد ان مسافه 2 كم بعد تغيير الزيت غير كافيه لان الزيت الجديد يأخذ دورته فى الطلمبه و الموتور ؟

- موضوع سكس بلف الطلمبه ( موش الفلتر ) فهمى له كالاتى ..
لو ضغط الزيت زاد عن اللازم فيه بلف بيفتح لترجيع الزيت للكرتيره بدلا من ضخه لدوره التزييت
هل ده بسبب ان اللزوجه خفيفه بتخلى الضخ اسرع .. فبيحدث للحظه ارتفاع لحظى لضغط الزيت و االبلف بيفتح ؟؟

ملحوظه .. فلتر الزيت اللى ركبته كان المانى حسب كلام العامل ( اول مره استعمل النوع ده .. عاده باستعمل فلتر اللانسر ) .. لكن مقاس الفلتر مظبوط

عموما ان شاء الله اجرب بعد الافطار النهارده و ربنا يسهل الامور

بالنسبة لصوت الخبط.. بصراحة مقدرش أفيدك دلوقتي.. ومعتقدش الزيت القديم يكون أثر على حاجة..

يمكن يكون صوت التاكيهات/الكستبانات أو يمكن بردو يكون صوت نفس بلف طلمبة الزيت... مقدرش أحكم إلا لما أسمع الصوت.

عموما.. خلي ودنك مع الأصوات دي ولو ظهر الصوت تاني لازم توديها لميكانيكي كويس.

- لو هو نفس بلف الطلمبه .. ليه اختلاف الصوت بين الزيت القديم و الجديد .. و اختلاف التوقيت للصوت ؟؟

- عموما الزيت القديم كان نازل سيئ جدا .. لزوجه ضعيفه و رائحه شياط .. قدر الله و ما شاء فعل

- انا طول عمرى باغير الزيوت التصنيعيه على 60% من مدتها مع الاستعمال الطبيعى يعنى على 5 او 6 الاف بالكتير و المده بتكون 8 شهور مثلا .. بس المره دى نسيت ميعاد التغيير .. و اخرته بسبب الحيره فى اختيار الزيت و كنت فاكر انى اخرته اسبوعين او 3 عن ميعاده فقط ( حكم السن بقى )

المشاركة الأصلية كتبت بواسطة borio1704

رائحة العادم معناها احتراق غير جيد... وده غالبا جاي من البوجيهات.

يمكن يكون صوت التاكيهات/الكستبانات

اتأكد من إن نوع البوجيهات اللي استخدمتها مناسب للموتور.. وده موضوع ممتاز كان عامله أحد الزملاء بيشرح الفروق بين البوجيهات بالتفصيل:

http://www.nilemotors.net/Nile/168201-a.html


..

- الحمد لله عندى فكره كويسه عن موضوع البوجيهات .. و الموضوع ده قريته برضه فى المنتدى

- فيه حاجه انا عملتها و كنت متخوف شويه من تأثيرها على الكامه

- البوجيهات عندى مواصفه NGK BKR6E-11 نيكل عاديه .. سعر 70 جم

- البوجيهات المتوافقه هى اما V Power نيكل عاديه ( موش متوفر ) .. او اريديوم ( انا كنت عايز اجرب بس و لقيته غالى جدا للتجربه بيه ) .. البلاتينيوم موش موجود فى لائحه البوجيهات المتوافقه

- انا استعملت بلاتينيوم BKR6EGP و هو G Power ( موش ال V Power نيكل عاديه ) .. ده له نفس رقم البوجيه عندى بالظبط و لكن بلاتينيوم ( سعر 130 جم ) .. الفرق الوحيد هو ان ال Gap بتاعته هى 1 مم بدلا من 1.1 للاصلى النيكل ( مواصفه العربيه عندى ) ..

- جربته على Gap مقاس 1.1 ( مواصفه العربيه عندى ) .. ثم عدت مره اخرى الى 1 مم من 3 اسابيع

- اداؤه افضل و تسارع احسن .. بس دائما بأحس ان العربيه فى اول الدوسه ( بدء رفع ال ار بى ام ) ما يشبه غلطه خفيفه جدا ( عدم نعومه ) .. بعد تخطى هذه المنطقه ( 1000 او 1100 ار بى ام ) نعومه كامله

- دى ان كنت متخوف منها على الكامه بسبب الغلطه الخفيفه دى .. بس انا ماشى بالبوجيهات الجديده كذا شهر بدون حدوث الخبطه دى .. لكن من 3 اسابيع عدلت الفتحه الى 1 مم ( الفتحه الاصليه للبوجيه البلاتينيوم ) و الغلطه دى قلت عما كانت عليه لما كنت ظابط البوجيه البلاتينيوم على 1.1 ( المواصفه الاصليه المطلوبه عندى للبوجيه النيكل العادى )

- انا لما اخترت البوجيه البلاتينيوم .. تفكيرى كان ان فبه بوجيهات After Market .. و لانه كان واخد نفس رقم البوجيه عندى فده يعنى قدر كبير من التوافق .. بس طبعا مكنتش متأكد ان الكهرباء المتولده من الكويل عندى حتكون كافيه للبلاتينيوم ام لا ؟؟ لان مقاومته اعلى من النيكل .. و ده يمكن السبب اللى خلانى ارجع لفتحه 1 مم الاصليه للبوجيه البلاتينيوم لتعويض ضعف الكويل بالنسبه للبلاتينيوم .. و يمكن ده اللى خلى NGK تخلى فتحته 1 مم بدلا من 1.1 لنفس كود بوجيه

- على فكره انا موش من الصنف اللى بيحب تعديل المواصفات .. دائما باتبع مواصفه العربيه للامان .. بس استهلاك البنزين القاتل اللى عندى ( 120 كم فى الصفيحه داخل البلد ) هو اللى اجبررنى على التجربه .. سواء للبوجيهات او الزيت ..

و ربنا يستر

تحياتى و اعزازى