القواعد الذهبية لاختيار زيت العربية.... موسوعة مبسطة لأساسيات زيوت المحركات

**rotanamasoud** · 10-01-2017 09:46 PM

باشا مردتش على سؤالى الخاص بزيت الفتيس الشائع التزويد ولا انزل كل الزيت واغيره وايه الزيت الافضل للفتايس القديمه انا بستخدم mobel hd80w-90 ايه راى حضرتك
وشكرا على نصيحه الXPL-SM 20W50 وكمان طلع بيتغير على 5000
t.jpg

**borio1704** · 11-01-2017 12:04 AM

المشاركة الأصلية كتبت بواسطة rotanamasoud

باشا مردتش على سؤالى الخاص بزيت الفتيس الشائع التزويد ولا انزل كل الزيت واغيره وايه الزيت الافضل للفتايس القديمه انا بستخدم mobel hd80w-90 ايه راى حضرتك
وشكرا على نصيحه الxpl-sm 20w50 وكمان طلع بيتغير على 5000

حطها دايما قاعدة في دماغك: اللي يحدد نوع السوائل وعمرها في العربية هو كتالوجها.... بس

كتالوج عربيتك طالب مواصفات زيت الفتيس كالتالي:

زيت بمستوى أداء gl-5 ولزوجة sae 80 أو sae 75w
أو زيت مطابق لمواصفة فولزفاجن رقم g50.. بلزوجة sae 75w-90

على كلام فولزفاجن... الزيت المفروض بيتزود بس.. بس فيه ناس اشتكت إنه مش بيعيش كل ده ولازم يتغير كل 50 ألف كم تقريبا.

أنا شخصيا أفضل التغيير بالكامل

لو لقيت عند موبل زيت بلزوجة sae 75w-90 يبقى ده مناسب جدا.. خصوصا إن حتلاقي مستواه عالي (gl-5)

بالنسبة لزيت التعاون.. إن شاء الله تتبسط معاه لإنه معمول بالمواصفات اللي تريح موتور عربيتك..

بس مسألة الـ5000 دي ما تحطهاش في دماغك... الزيت بيتغير حسب المدد والمسافات اللي في كتالوج عربيتك بس..

المشكلة إن جدول الصيانة بينزل في كتيب منفصل.. وده مش موجود على النت :(

عموما.. احتياطي خليك ماشي على الـ5000 كيلو.. ولو إني أظن إنه الكتالوج حيقوللك الزيت ممكن يتغير على أكتر من كده..

وما تنساش بردو إنك لو بتمشي مسافات قليلة في السنة (أقل من 5000 كم في 6 شهور) يبقى لازم تغير الزيت بالمدة الزمنية.. مش بالمسافة..

والزيوت المعدنية بتتغير كل 6 شهور.. حتى لو ما عملتش المسافة بتاعت الكتالوج.

...

**rock_we9** · 14-01-2017 10:46 AM

المشاركة الأصلية كتبت بواسطة borio1704

الله يكرمك :) المهم تكون استفدت فعلا منه

المسألة تعتمد على حسب أسلوب سواقتك وأولوياتك المادية..

عموما.. الكتالوج طالب مواصفات محددة وأي زيت يغطي الطلبات دي هيبقى ممتاز
والطلبات كما يلي:
مستوى الأداء.. Api sm على الأقل و ilsac gf-4 على الأقل... أو acea a5
اللزوجة.. 5w-30 أو 5w-40 أو 10w-30 أو 15w-40 أو 20w-50

والكتالوج بيفضل أخف لزوجة للتوفير في البنزين.. إنما ممكن نحط زيوت أتقل لو ما لقيناش أخف لزوجة أو لو كانت استخدامات العربية محتاجة لزوجة أتقل.

للأسف .. الزيوت المطابقة للكتالوج تعتبر قليلة نسبيا في السوق المصري..

موبل1 x1 بلزوجة 5w-30
بترومين a-1 سوبر سنثيتك بلزوجة 5w-30
آمسويل oe بلزوجة 5w-30
آمسويل xl بلزوجة 5w-30
آمسويل سجنتشر بلزوجة 5w-30
آمسويل oe بلزوجة 10w-30
آمسويل xl بلزوجة 10w-30
آمسويل سجنتشر بلزوجة 10w-30
التعاون xpl-sm بلزوجة 20w-50

أنا شخصيا باستخدم زيت بترومين a-1

...

بجد تسلم ايدك موضوع ممتاز وانا استفيدت من حضرتك جدااااااااااااااااااااااا ااااااااااااااااااا بجد ربنا يبارك لك

**عمرعبدالله** · 19-01-2017 05:03 PM

السلام عليكم استاذنا جزاك الله خير انا قرأت موضوعك باهتمام واستفدت منه في حاجات كتير بس ليا سؤال انت ذكرت ان الزيت المكتوب على الكاتلوج هو اقل نوع زيت مفروض تستخدمه لسيارتك . انا في سيارتي موصى ب 5w40 هل معنى كدا انه الانسب لي هو 0w40 ؟؟

**borio1704** · 20-01-2017 02:43 PM

المشاركة الأصلية كتبت بواسطة عمرعبدالله

السلام عليكم استاذنا جزاك الله خير انا قرأت موضوعك باهتمام واستفدت منه في حاجات كتير بس ليا سؤال انت ذكرت ان الزيت المكتوب على الكاتلوج هو اقل نوع زيت مفروض تستخدمه لسيارتك . انا في سيارتي موصى ب 5w40 هل معنى كدا انه الانسب لي هو 0w40 ؟؟

المقصود هنا طبعا هو مستوى أداء وجودة الزيت... وده ما لوش دعوة نهائي بلزوجة الزيت

الخطأ الشائع بين الناس إن مواصفات الزيت هي لزوجته...

وده خطأ كـبـــيييييييييييييير

مواصفات الزيت دايما بتبقى حاجتين.. لزوجة ومستوى الأداء...

ومستوى الأداء أهم بكتيييير من لزوجته..

راجع الموضوع تاني.. هتلاقي كلام كتير عن مستوى الخدمة (الأداء)... وهو ده اللي تراعي إنه يبقى أحسن من الموصى في الكتالوج بتاعك.

...

**عمرعبدالله** · 21-01-2017 10:16 AM

تسلموا كتير يا اساتذة
عندي سؤال متعلق بزيت الجير انا نزلتله موضوع في الورشة لكن لسة ماحصلت رد .. هو واني بغير المكينة نزلوا معاها الجير وغيروا الزيت الخاص به بزيت مطابق المهم حصلت لي نتعة عند الانتقال من ال n لل d فقط النتعة دي ماكانتش موجودة زمان باقي التبديلات مافيها صوت والقيادة سلسة والتسارع طبيعي
وازيدكم النتعة دي مابتحصلش في الصباح الباكر او السيارة باردة بتحصل بس لما السيارة تحمى .. فايه رايكم اغير زيت الجير مع الفلتر ولا ايه ؟
بس المشكلة تغيير زيت الجير المتكرر ممكن يبوظه غير انه التغيير في حد ذاته غالي حبتين

**borio1704** · 22-01-2017 03:01 PM

المشاركة الأصلية كتبت بواسطة عمرعبدالله

:ta_clap[1]::ta_clap[1]: تسلموا كتير يا اساتذة
عندي سؤال متعلق بزيت الجير انا نزلتله موضوع في الورشة لكن لسة ماحصلت رد .. هو واني بغير المكينة نزلوا معاها الجير وغيروا الزيت الخاص به بزيت مطابق المهم حصلت لي نتعة عند الانتقال من ال n لل d فقط النتعة دي ماكانتش موجودة زمان باقي التبديلات مافيها صوت والقيادة سلسة والتسارع طبيعي
وازيدكم النتعة دي مابتحصلش في الصباح الباكر او السيارة باردة بتحصل بس لما السيارة تحمى .. فايه رايكم اغير زيت الجير مع الفلتر ولا ايه ؟
بس المشكلة تغيير زيت الجير المتكرر ممكن يبوظه غير انه التغيير في حد ذاته غالي حبتين

هو حضرتك متأكد غن الزيت مطابق للكتالوج؟؟؟

لو انا فاهم صح .. عربية حضرتك فولزفاجن.. وفولزفاجن بتطلب زيوت حسب مواصفاتها هي.. والمواصفات دي بيبقى ليها كود معين .. بيبدأ بحرف g

أرقام زي كده: G 052 162 a2 (لعربيات فولزفاجن بين 1995 و 2005) أو g 052 182 a2 (لعربيات فولزفاجن من 2005 لحد 2012)

معظم العربيات الأوروبية والألمانية بالذات بتركب فتايس من إنتاج شركة zf الألمانية... بس أحيانا بعض الفتايس الأوتوماتيك بتبقى من إنتاج شركة أيسن اليابانية (تابعة لتويوتا)... وفي الحالة دي زيوت تويوتا هي اللي هتشتغل ..

لازم نعرف الأول نوع الزيت اللي اتحط عندك.. ولازم نعرف الكتالوج عندك طالب إيه علشان نتأكد من إن الزيت اللي عندك كان فعلا مطابق للمواصفات ولا لأ.

-

الموضوع: القواعد الذهبية لاختيار زيت العربية.... موسوعة مبسطة لأساسيات زيوت المحركات

LinkBack

أدوات الموضوع

عرض

-

-

-

-

المواضيع المتشابهه

مواصفات زيوت المحركات

زيوت المحركات

ما هو الافضل فى زيوت المحركات

سؤال عن زيوت المحركات

أسعار زيوت المحركات في مصر والخليج (مقارنة)

الكلمات الدلالية لهذا الموضوع

المفضلات

المفضلات

ضوابط المشاركة