الموضوع: تجربة قيادة محبطة للسيارات الالمانى مقارنة بالكورى فى شم النسيم

مع كامل احترامى لكل الاراء , اللى بتقول ان الفرق مابين الكورى بيبان عند سرعات مافوق ال140 , وان الكورى اتقدم ومابقاش زى الاول

طيب ماشى كلام زى الفل

يعنى هو اى حد عايز يفهمنى ان الاحساس بسرعة 130 بال bmw نفس الاحساس بسرعة ال 130 فى الهيونداى ؟؟؟؟

لو حبيت تعمل غرزة مقفولة على 130 كم , هل الكورى هيأديها زى ماهتأديها ال bmw وهتكون فى سيطرة على السيارة زى ماهتكون فى الكورى ؟؟؟؟؟

الالمانى منخفض , ومش عيب العربية دية عيب البلد

لا يمكن فى اى حال من الاحوال تقارن ماتور عربية 1600 سى سى بوزن خفيف , بماتور عربية وزنها يفوق ال1500 كم بمحرك 1600 مخصص للسوق المصرى فطبيعى الفرق فى الاداء لازم يكون واضح

لكن معلش تعالى كدة اركب ال bmw دية فى الخارج ساعتها هتلاقى نفسك قدام ( best car in the world )

- بالنسبة لان الكورى اتقدم ومابقاش الاكسيل بتاع زمااااااااااان

طيب احب بس اقول حاجة بسيطة كدة انا جربت الفيرنا 2012 وسوقتها لمسافات طويلة , وجربت الاكسيل تقريبا لمسافة 80 كم

كل اللى اقدر اقولة الاتى :

1- الراحة : لصالح الاكسيل

2- المساحة : لصالح الاكسيل

3- الجرى : عادى مش حاسس بفرق

4- الثبات : الاتنين خفاف

5- الفرامل : الاتنين ضعاف

6- الشكل الداخلى : الاكسيل افضل

7- المطبات : طبعا كانت لصالح الفيرنا بحكم ان العربية لسة جديدة

فين بقى الكورى اتقدم ؟؟؟؟؟؟؟ واى حد معاة اكسيل وجرب الفيرنا هيعرف اللى انا بقول فية

- عموما ياجماعة احساس الالمانى مش سرعة وخلاص لأ دة احساس عالى اوى لما تكون راكب عربية فيها كل وسائل الراحة - ثابتة ثبات السنين - تحس انك راكب عربية فعلا - لاقدر الله لو حصل اى موقف طارىء هتلاقى فرامل حاضرة معاك وكل الانظمة معاك بدعمك عشان تقف فى مسافة انت لا يمكن تتخيلها - برستيج - مواتير معمرة جدااااااااااا وبتعيش اوى لدرجة ممكن تزهق منها هههههه

الالمانى سيظل رقم واحد فى العالم ( first automaker )

الناس برضوا لسة مش فاهمة انا عايز اية من الموضوع !!!

انا داخل ال 320 وبحط رجلي فيها وبشوف فرق ال200الف حيدوني اية