الموضوع: تجربة قيادة محبطة للسيارات الالمانى مقارنة بالكورى فى شم النسيم

المشاركة الأصلية كتبت بواسطة Hosam_Optrawy

شهدى باشا حمد الله على السلامه

فى رأيى ركوب وشرا البى ام ليه ناسه , بيكونوا بيدوروا على حاجات معينه تهمهم , ويستغنوا عن حاجات ويستحملوا حاجات , دا كفايه مصاريفها :)

عن نفسى اللى بيضايقنى فى ال E90

الباور تقيل اوفر بالذات فى السرعات القليله او وانت بتركن رخم رخم يعنى , فى السرعات المتوسطه والعاليه جميل

الكنبه ضيقه جدا

العربيه نفسها واطيه وتتعب فى المطبات والطرق المكسره , لكن القاعده الواطيه ماتعتبرش عيب فى اللى بيحبها وفى لأ

العفشه ناشفه لو الكاوتش Run-flat لكن بالكاوتش العادى على فكره عاديه جدا واطرى من السيراتو مش هاتضايق خالص

المرايات اللى فى الجنب مبشوفش منها كويس :)

واخيرا واولا مصاريفها

اى حاجه تانيه هى رقم 1 ماقولناش حاجه طبعا

وانا فاهم قصدك ومعاك فيه

ان العربيه اللى بنص تمن البى ام , وبلاش كورى خليها المانى فوكس او استرا مثلا هاتديك كل اللى انت عايزه بنسبه كبيره

وعشان تاخد ثبات وهاندلنج وفرامل احسن مع رفاهيه ومتعه قياده وبراند طبعا هاتدفع حوالى 150 الف زياده عشان تركب 316 الجديده مثلا

هنا الموضوع يرجع للاحتياجات والاراء , فى اللى محتاج الاحسن وشايف ان طبعا الفرق يستاهل , وفى اللى شايف ان لأ مش محتاج ويوفر الفرق او يجيب بيه عربيه تانيه مثلا , الاتنين صح

الله يسلمك ياحسام باشا انت جبت الخلاصة والله :))

Sent from my GT-N7100 using Forum Runner