رحلتى مع الالفاروميو 156

**qeneber** · 24-10-2014 05:00 PM

المشاركة الأصلية كتبت بواسطة أحمد الجندى

أهلا بيك فى المنتدى وان شاء الله اقدر افيدك
العربية اللى معروضة عليك لو هى أول ايد فعلا وحالتها كويسة يبقى السعر اللى معروض عليك كويس المهم انك تكشف عليها كويس وتشوف ايه اللى فيها وبال 5000 الباقى تقدر تعمل السيرفس بتاعها وزيادة كمان لو عايز تظبطها .... موديل ال 98 مايفرقش حاجة عن ال 2000 العبرة بالاستخدام انت ممكن تلاقى واحد معاه موديل اقدم بس استخدامه مخلى حالة العربية احسن من الاحدث .... فاهم حاجة انك تكشف كويس على العربية

ولو انت عارف فتوكيل الالفا روميو رجع تانى مصر فالاحسن تكشف عندهم لو الموضوع حايبىق مكلف فعندك كار بويز فى صلاح سالم قبل الحرفيين لو الموضوع لسه مكلف يبقى تروح ورشة من ورش الناس اللى بتشتغل فى الالفا زى خالد الفا وغيره.

وربنا يوفقك

شكرا جدا استاذ احمد واسف ع الرد المتاخر جدا لسه شايفه حالا واشكرك ع اهتمامك
الحمد لله ربنا كرمني بواحده ٢٠٠١ كويسه جدا وكشفت عليها والحمد لله الحاجات الي فيها لو محتاجه تتظبت مش هاتكلفني كتير ان شاء الله وانا ناوي احافظ عليها جدا واخلي بالي منها
الالفا روميو فعلا ركوبه بجد غير عربيات كتير وانا مرتاح فيها جدا
وربنا يكرمنا بيها ويديني خيرها ويكفيني شرها
اشكرك مره تانيه واعتذر عن التاخير ف الرد تحياتي ليك ولكل اعضاء المنتدي والقائمين عليه فعلا منتدي ممتاز استفدت منه وبستفيد وان شاء الله هاستفيد اكتر
اشكركم جميعا

**hisham ammar** · 09-11-2014 04:56 PM

انا هشتري الفا ١٥٦ الحاله العامه جيده جدا
وكنت عاوز اسأل علي درجة حرارة الميه كام لأن العربيه ٢٠٠٠ سي سي و بتقرا ١٠٠ درجه علي عداد الحراره و بتعلي لما اشغل التكييف و مش عارف حلها ايه و هل يوجد صباع للحراره للتحكم و مين احسن ميكانيكي في رأيكم و كهربائي اتعامل معاه و شكرا مقدما لمعرفتكم

**qeneber** · 10-11-2014 03:19 PM

المشاركة الأصلية كتبت بواسطة hisham ammar

انا هشتري الفا ١٥٦ الحاله العامه جيده جدا
وكنت عاوز اسأل علي درجة حرارة الميه كام لأن العربيه ٢٠٠٠ سي سي و بتقرا ١٠٠ درجه علي عداد الحراره و بتعلي لما اشغل التكييف و مش عارف حلها ايه و هل يوجد صباع للحراره للتحكم و مين احسن ميكانيكي في رأيكم و كهربائي اتعامل معاه و شكرا مقدما لمعرفتكم

اولا ربنا يوفقك ويكرمك بعربيه كويسه ويباركلك فيها ويكفيك شرها اللهم امين
هو حضرتك الحراره المفروض تبقي اعلي حاجه ع 95 وتنزل بعد كده لل 90 او اقل حسب ماشيك بالعربيه ف طرق زحمه او طرق مفتوحه
ولما تشغل التكييف السرعه العاليه للمروحه بتشتغل فاتبرد الماتور يعني لو الحراره بتعلي مع التكييف ممكن يكون فيوز المروحه الي بيشغل السرعه العاليه مش شغال والله اعلم يعني خلي حد يبصلك عليها
وهل عندك الحراره بتعلي ف السرعه العاليه وانت بتجري ولا ده بس وانت ف الزحمه
وممكن يكون الرديايتير محتاج تنضيف ودورة الميه عايزه تتغسل
اما اماكن الصيانه والكشف والمكانيكيه والكهربائيه فاموجود موضوع عليهم هنا مخصوص ممكن تقراه وتعرف عناونهم
واتمنالك التوفيق

**saladien** · 03-01-2015 09:18 PM

موضوع جميل والمجهود رائع كنت عايز اسأل عن 164موديل94 2000 ccاسعارها وعيوبها والضريبة وقطع الغيار

**محمد عبدالغنى** · 18-01-2015 02:40 AM

مفيش حد عنده الفا روميو 156 حاله ممتازه للبيع شكرا

**أحمد الجندى** · 31-05-2015 06:48 PM

للاسف رحلتى مع الالفا روميو انتهت من حوالى 4 شهور بعد ما اضطريت ابيعها لظروف السفر .... بس الحاجة اللى اقدر اقولها ان العربية دى كانت احسن عربية ربنا كرمنى بيها فى حياتى واتمنى فى يوم من الأيام ارجع اجيبها تانى

**elokle** · 25-06-2015 12:50 PM

بجد موضوع رائع واكيد هيبقي سبب اني عربيتي الجايه هتكون الفا 156

**egyplan** · 28-07-2015 04:08 PM

استاذ احمد المحترم
للاسف جروب الفيس لا يضيف الاعضاء الجدد وحاولت التوصل الى الادمن ومحدش مهتم

اريد منك النصيحة فى شراء سيارة 156من احدى السيارتين:
السيارة الاولى :
الفا روميو موديل 156 مو2002 - موتور 1800 سي سي
عداد الكيلو متر 302 الف كم
فئة VIP بفتحة سقف وفرش جلد مومو جنوط سبور ورشة برة واللون فضى
الرخصة منتهية وبها توكيل وصاحب السيارة سيقوم بتحديدها حتى 2016 ميعاد الفحص - مرور الدقى
بها اكرة مكسورة والبائع سيقوم برش الاكصدام وتركيب الاكرة المكسورة واى بكتات بايظة

السيارة الثانية:
الفا روميو موديل 156 مو2004 - موتور 1800 سي سي
عداد الكيلو متر 185الف كم
فئة face lift جنوط سبور وغالبا رشة برة واللون اسود
الرخصة شغالة باسم صاحب السيارة ويملكه منذ اربع سنوات - مرور الاسماعيلية تقريبا (لان البيانات كانت تليفونية لحين المعاينه)

السيارتين بنفس السعر 67 الف جنية (كلام مبدئى)

برجاء النصيحة ايهما افضل.