رحلتى مع الالفاروميو 156

**أحمد الجندى** · 06-05-2014 09:53 AM

المشاركة الأصلية كتبت بواسطة jossi16

انا لسة جايبة عربيه الفا 156 جديدة بس الكهربا بتاعتها فجأه ضربت
لا الانوار اللي قدام شغاله ولا اللي ورا ولا الكاسيت

روحت بيها لكهربائي قاللي الفيوز كلها سليمة ...روحي لحد متخصص في الالفا روميو
ممكن تساعدوني اروح فين و تكون اسعاره كويسة ؟؟؟

أنا برضو عندى بعض المشاكل فى الكهربا ولما سألت فى الجروب الناس رشحتلى واحد اسمه حسام بيشكروا فيه وعارف الالفا

01229619970 - حسام كهربائي - التعاون، هرم

**khaled_k21** · 06-05-2014 11:56 AM

الاخ الكريم أ/ احمد

لو تكرمت ممكن اعرف الزجاج الامامي لل 146 بكام و منين و يكون احسن سعر ؟

بارك الله فيك

اخيكم
خالد

**أحمد الجندى** · 06-05-2014 12:27 PM

المشاركة الأصلية كتبت بواسطة khaled_k21

الاخ الكريم أ/ احمد

لو تكرمت ممكن اعرف الزجاج الامامي لل 146 بكام و منين و يكون احسن سعر ؟

بارك الله فيك

اخيكم
خالد

انا مش عارف السعر بس ممكن تلاقيه عند الثلاثية فى الحرفيين أو د. جريش أو دقدق فى الدقى... وانا حطيتهم بالترتيب من الاحسن لان المفروض اللى اعرفه ان الثلاثية عنده زجاج الالفا الاصلى بس يستحسن تسأل الأول

**khaled_k21** · 07-05-2014 02:47 PM

استاذنا الكريم أ/ احمد

مشكور علي ردك و جزاك الله كل خير

و ننتظر المزيد من خبراتك لتفيد الاخوة الكرام

اخيكم

خالد

**medhatassem** · 30-05-2014 11:45 AM

عمر الفا فى المقطم ممتاز و عنده قطع غيار استيراد كل حاجه٠١٢٨٠٩٩٨٨٥٥

**x_gomgom** · 07-06-2014 10:02 AM

يا جماعه بجد حبيت العربيه بسببكم و شكرا جزيلا لك يا استاذ احمد الجندي ....
انا معايا جيتا 2009 و للاسف ببيعها لظروف و يدور على حاجه في رينج ال 50 -60 و بصراحه ميال للالفا عن السوبارو و طبعا انا حاسس اني داخل على دنيا تانية....
يا ريت لو حد قدامه حاجه نظيفه يقولي و ايه اكتر حاجه الواحد ياخد باله منها؟ انا بسافر كتير و هل موتور الالفا من المواتير اللي بتعد كيلو متر كتير ولا؟؟
بجد اكرر شكري لكم جميعا

**ahmedfouad** · 14-06-2014 02:36 PM

انت راجل محترم بجد
الف شكر على الموضوع
بفكر فيها بشكل جدى
وحضرتك كلامك مطمئن عنها
بكرر شكرى لحضرتك

**أحمد الجندى** · 19-06-2014 07:07 PM

ربنا يكرمكم

**qeneber** · 13-10-2014 02:48 PM

في البدايه احب اقدم خالص الشكر لصاحب الفكره الرائعه في القسم
اود اني اعرفكم بنفسي لاني جديد عليكم ف القسم
انا م عبد الحميد مهندس ديكور
كان معايا فيات سيينا وبعتها وان شاء الله ناوي اجيب الفاروميو لاني بعشقها جدا .... وطبعا زي مانتو كاتبين ان فاتي الشعب المصري ف اسعار قطع غيارها كان مقلقني جدا ... لكن بعد الي قريته عنها عندكم هنا انا اتشجعت جدا جدا ان اشتريها
انا قدامي وحده 156 موديل 98 وهي من المالك الاصلي ليها واول يد هي معروضه ع 45 الف
يا تري ف رايكم اجبها ولا ادور ع واحده موديل 2000 تبقي اعلي ف السنين عنها لان الي معايا واقدر اشتري بيه ما يتعداش 50000
ومره تانيه بشكركم واتمنالكم التوفيق واذكر بالخصوص صاحب الفكره الرائعه ف عمل الموضوع ده
انا باستاذنكم الي ليه حد ف جروب الفيس لمحبي الالفا روميو يبلغمهم اني بعت انضمام ليهم واتمني يضيفوني عليه
اشكرك واعتذر ع التطويل وتحياتي ليكم واتمنالك كل التوفيق

**أحمد الجندى** · 14-10-2014 02:18 PM

المشاركة الأصلية كتبت بواسطة qeneber

في البدايه احب اقدم خالص الشكر لصاحب الفكره الرائعه في القسم
اود اني اعرفكم بنفسي لاني جديد عليكم ف القسم
انا م عبد الحميد مهندس ديكور
كان معايا فيات سيينا وبعتها وان شاء الله ناوي اجيب الفاروميو لاني بعشقها جدا .... وطبعا زي مانتو كاتبين ان فاتي الشعب المصري ف اسعار قطع غيارها كان مقلقني جدا ... لكن بعد الي قريته عنها عندكم هنا انا اتشجعت جدا جدا ان اشتريها
انا قدامي وحده 156 موديل 98 وهي من المالك الاصلي ليها واول يد هي معروضه ع 45 الف
يا تري ف رايكم اجبها ولا ادور ع واحده موديل 2000 تبقي اعلي ف السنين عنها لان الي معايا واقدر اشتري بيه ما يتعداش 50000
ومره تانيه بشكركم واتمنالكم التوفيق واذكر بالخصوص صاحب الفكره الرائعه ف عمل الموضوع ده
انا باستاذنكم الي ليه حد ف جروب الفيس لمحبي الالفا روميو يبلغمهم اني بعت انضمام ليهم واتمني يضيفوني عليه
اشكرك واعتذر ع التطويل وتحياتي ليكم واتمنالك كل التوفيق

أهلا بيك فى المنتدى وان شاء الله اقدر افيدك
العربية اللى معروضة عليك لو هى أول ايد فعلا وحالتها كويسة يبقى السعر اللى معروض عليك كويس المهم انك تكشف عليها كويس وتشوف ايه اللى فيها وبال 5000 الباقى تقدر تعمل السيرفس بتاعها وزيادة كمان لو عايز تظبطها .... موديل ال 98 مايفرقش حاجة عن ال 2000 العبرة بالاستخدام انت ممكن تلاقى واحد معاه موديل اقدم بس استخدامه مخلى حالة العربية احسن من الاحدث .... فاهم حاجة انك تكشف كويس على العربية

ولو انت عارف فتوكيل الالفا روميو رجع تانى مصر فالاحسن تكشف عندهم لو الموضوع حايبىق مكلف فعندك كار بويز فى صلاح سالم قبل الحرفيين لو الموضوع لسه مكلف يبقى تروح ورشة من ورش الناس اللى بتشتغل فى الالفا زى خالد الفا وغيره.

وربنا يوفقك

الموضوع: رحلتى مع الالفاروميو 156

LinkBack

أدوات الموضوع

عرض

-

-

-

-

-

المواضيع المتشابهه

اسعار قطع غيار الالفاروميو 156 ( الى بتتغير بصفة دورية )

افيدونى فى رحلتى الى تركيا

برافو عليكم يابتوع الفيات و الالفاروميو والماساراتي ( اوبشن حلو اوي في اللينيا )

قصة رحلتى مع بروتون و تقييم الـ 30 ألف 1-2

سؤال بخصوص الالفاروميو 1.46

الكلمات الدلالية لهذا الموضوع

المفضلات

المفضلات

ضوابط المشاركة