رحلتى مع الالفاروميو 156

**أحمد الجندى** · 30-08-2013 07:11 PM

اسعار قطع الغيار الجديدة من الكيلانى

ماستر دبرياج علوى 750 جنيه
ماستر دبرياج سفلى 650 جنيه
جوز طنابير خلفى 500 جنيه
جوز طنابير امامى 500 جنيه

**egytamer** · 21-09-2013 02:25 AM

الصراحة اسعار قطع غيارها حلوة جدا وارخص بكتير من السعر الي كان الواحد بيتخيلو دا سعر الفتيس ارخص من ال 127 فيورا
هي العربية دي بينزل منها اتوماتيك 1600 ولا كلها منيوال؟

**أحمد الجندى** · 21-09-2013 07:32 PM

المشاركة الأصلية كتبت بواسطة egytamer

الصراحة اسعار قطع غيارها حلوة جدا وارخص بكتير من السعر الي كان الواحد بيتخيلو دا سعر الفتيس ارخص من ال 127 فيورا
هي العربية دي بينزل منها اتوماتيك 1600 ولا كلها منيوال؟

بيتهيألى الفتيس السيلسبيد الاوتوماتيك بينزل فى ال 2000 سى سى بس ... انما ال 1600 و 1800 بيبقوا مانيوال

**أحمد الجندى** · 04-10-2013 11:46 AM

تم تغيير الفتيس نظرا لانه كان مليان مشاكل وختمها من يومين بان عصاية الفتيس بقت بتقفش ومترضاش تاخد غيار ولقيت ان تكلفة التصليح توازى سعر فتيس فقررت التغيير

الفتيس جيبته من بورسعيد من تاجر اسمه أشرف ب 400 جنيه شامل الشحن للقاهرة والحمد لله تم التركيب والتجربه عند يحيى الميكانيكى

**casper_600** · 08-10-2013 02:57 PM

مبرووووووووك بحبها جدااا
الله يحفظك
فلتر البنزين بكام ومنين لو سمحت اناقريت انه مالهاش وبيتركب بديل له

**أحمد الجندى** · 08-10-2013 04:47 PM

المشاركة الأصلية كتبت بواسطة casper_600

مبرووووووووك بحبها جدااا
الله يحفظك
فلتر البنزين بكام ومنين لو سمحت اناقريت انه مالهاش وبيتركب بديل له

الله يبارك فيك ويحفظك

انا سألت على موضوع فلتر البنزين اتنين ميكانيكة وقالولى ان الفلتر جوا التانك ومبيتغيرش بيتنضف فقط ... ان شاء الله حاحاول اشوف القصة دى بتتم ازاى فى اقرب وقت

**casper_600** · 08-10-2013 08:29 PM

طيب هل تنصحني اشتري واحده
للعلم اناعايزهااتوماتيك او سيلسبيد بس الناس حذرتني منه جدا
هل له مخاطر او اعطال
هل له بدائل او حلول
تحياتي

**أحمد الجندى** · 08-10-2013 11:16 PM

المشاركة الأصلية كتبت بواسطة casper_600

طيب هل تنصحني اشتري واحده
للعلم اناعايزهااتوماتيك او سيلسبيد بس الناس حذرتني منه جدا
هل له مخاطر او اعطال
هل له بدائل او حلول
تحياتي

بص يا باشا الالفا عربية محترمة جدا ومن وجهة نظرى يمكن هى العربية الوحيدة فى السوق اللى حسيت ان قيمتها اكبر من ثمنها ولك ان تتخيل ان العربية دى أول ما نزلت كانت بتتباع ب 160 الف لموديل 98 لغاية 2000 اما موديلات 2003 لغاية 2500 وصلت ل 200 وشوية كمان شوف دلوقتى بتتباع من اول 45 لغاية 90 لما تكون اجمد حاجة فيكى يا الفا ... ده غير مواصفات الامان وانظمة الثبات اللى فيها واللى فى نظرى اهم كتير من مسند الدراع والفاميه والزينون اللى التوكيلات بتضحك بيها على المستهلكين

بالنسبة لقطع الغيار فالجديد غالى سنة بس دى مسألة نسبية من شخص للتانى وحتلاقينى حاطط عينة من الاسعار اما الاستيراد فواقع فى الارض ولو شوفت انا لسه مغير الاسبوع اللى فات الفتيس ب 400 جنيه وده بعد ما الميكانيكى قالى الفتيس القديم حنغيرله الجلب ب 300 جنيه فقلتله ارمى يا عم وهات فتيس احسن والحاجة جاتنى من بورسعيد فى نفس اليوم اللى طلبتها فيه ... شوفت دلع اكتر من كده؟

بالنسبة للسلسبيد فأنا اتعرفت على واحد لما كنت بدور على الالفا وركبت معاه العربية بسم الله ما شاء الله نقلات ولا انعم وسحب تحفة وكمان موضوع الشفتات اللى فى الدركسيون تحس كأنك فى عربية سباق هو بيقول ان الفتيس ده عايز عناية زيادة لانه مقرف فى صيانته وبيبوظ بسرعة ومسألة بوظانه دى كانت معروفة والمفروض انها اتحلت فى الجيل اللى بعده ..... ونفس الشىء فى الموتور ال 2000 اصعب فى انك تلاقى قطع غياره بس ده اهون شوية من الفتيس ... فأنت لو غاوى وتعرف تسلك امورك مع اعطاله وقطع غياره فتوكل على الله اما لو عايز تبقى فى المضمون خليك فى المانيوال مش حاتغلب فيه ان شاء الله

على فكرة فيه 156 معروضة للبيع فى الجروب عندنا اعلى فئة vip لو حابب تشوفها

**casper_600** · 09-10-2013 09:41 PM

شكرا استاذ احمد اخ كريم وفاضل تحياتي لك
انافعلا حبيت الالفا كتير وحبيت اكتر الفتيس السيلسبيد
فعلا كده قطع الغيار ارخص بكتير من سيارات تاني الفتيس كله بالمبلغ دا شئ رائع جدا وكدا طمنتني
يبقي اناهدور علي اعلي فئه سيلسبيد وهعامل فتيسها باحترام
اناسمعت ان مشكلة الفتيس هي ان الناس بتنقله من مانيوال لاوتوماتيك والعربيهماشيه وهنا تكمن المشكله هل الكلام دا صح وهي دي بس مشكلته ولا في حاجه تاني
لو سمحت فين الجروب اللي فيه السياره ال vip
ممكن تعملي انفايت ليه وهل هي سيلسبيد
اشكرك

**max_ziro** · 09-10-2013 11:36 PM

المشاركة الأصلية كتبت بواسطة أحمد الجندى

انت بالذات يا احمد اخر واحد تتكلم عن الالفا

.... بقى يا مفترى تبيع وتشترى 3 عربيات الفا فى اقل من 6 شهور منهم اتنين كانوا حالة ماتتعوضش :n_no[1]:

وكمان ايه الاشاعات المغرضة اللى انت بتقولها دى ما الاسعار انا كنت قايلها والحاجات لسه جايبها من قريب واقل من اللى انت كاتبه كمان ده بالنسبة للجديد زائد انها بتعيش يعنى البوجيهات بحوالى 550 جنيه بس بتتغير بعد 80 الف ...اما لو اتكلمنا عن الاستيراد فالاسعار هبل وحتلاقيها اقل من اسعار عربيات اقتصادية كتير زى الموتور والفتيس مثلا

هو الموضوع عشان يتقاس صح لازم بتعمل مقارنة بين حاجات كتير.

نفس الموضوع فى البى ام تحس ب الراحة النفسية ,, تدخل بقى فى الجديد يجيلك جلطة هههههه

الموضوع: رحلتى مع الالفاروميو 156

LinkBack

أدوات الموضوع

عرض

-

-

-

-

-

-

رائع -

-

المواضيع المتشابهه

اسعار قطع غيار الالفاروميو 156 ( الى بتتغير بصفة دورية )

افيدونى فى رحلتى الى تركيا

برافو عليكم يابتوع الفيات و الالفاروميو والماساراتي ( اوبشن حلو اوي في اللينيا )

قصة رحلتى مع بروتون و تقييم الـ 30 ألف 1-2

سؤال بخصوص الالفاروميو 1.46

الكلمات الدلالية لهذا الموضوع

المفضلات

المفضلات

ضوابط المشاركة