الموضوع: رحلتى مع الالفاروميو 156

شكرا ليك وكل عام وانت بخير

بقالى فترة ما شاركتش فى الموضوع ده نظرا للانشغال وبما انى مؤخرا لسه عامل طقم شنبر للعربية فدى اسعار الحاجات اللى كانت فى سكتى

طقم شنبر المانى: 250 جنيه
طقم شنبر اصلى: 1000 جنيه
طقم سبايك جديد: 850 جنيه
طقم سبايك استيراد: 250 جنيه
فلتر زيت: 25 جنيه
طقم بوجيهات: 530 جنيه
طقم كاوتش صباب: 50 جنيه
جوان وش سلندر: 225 جنيه
دسك واسطوانة جديد: 1000 جنيه
دسك استيراد: 150 جنيه
اسطوانة جديد: 250 جنيه

المشاركة الأصلية كتبت بواسطة asd asd

مشكور يا ابو حميد وعايزين منك تفاصيل اكثر عن اسباب فك الموتور وعند مين الصيانة واسعار الصنايعية

الموتور عندى كان بيطلع دخان كتير اول الدواره وبيروح مع المشى زائد ان الشكمان كان بينقط زيت فكان لازم اعمل كاوتش صباب ولما شيلنا وش السلندر عشان نعمل الكاوتش الميكانيكى قالى لو عايز الصح يبقى بالمرة نفتح البلوكه ونشوف بقية الموتور وننضفه كله

وفعلا فتحنا الموتور حته حته ولقيت السبايك مجرحة لكن الكرنك سليم والحمد لله فروحت جيبت طقم سبايك جديد ب 850 من أولاد يوسف فى فيصل لكن لقيت المقاس مش نفس اللى عندى زائد ان الخامة مش كويسة زى الاصلى فجيبت طقم استيراد من خالد الفا نفس الخامة وحالة كويسة ب 250 جنيه

بعد كده جيبت اسطوانة جديدة ب 250 جنيه ودسك استيراد من خالد الفا وركبناهم

القصة كلها قطع غيار بمصنعيات اتكلفت حوالى 2000 جنيه والشغل كان عند يحيى اللى فى الحرفيين شغله ممتاز وبينجز وزى ما فتح زى ما قفل ... وأنا حاليا فى مرحلة التليين

المشاركة الأصلية كتبت بواسطة asd asd

واماكن قطع الغيار

قطع الغيار جديد الكيلانى فى شامبليون وأولاد يوسف فى فيصل واستيراد خالد الفا فى فيصل برضو

المشاركة الأصلية كتبت بواسطة mwanted

معلش ياباشا انت كاتب طقم بوجيهات بكام ......... !!!!!!!!

أنا عارف الشعور ده لما حد بيشوف السعر لأول مرة ، وعلى فكرة دى كده رخصت أنا اسمع انها كانت اغلى من كده بكتير

على العموم السبب فى السعر ده ان الطقم عندنا 8 بوجيهات لان الموتور Twin Spark زائد انها ممكن تقعد إلى 80 الف كيلو اضافة الى ذلك انهم كلهم بيبقوا بلاتينيوم.