الموضوع: كوري ياباني اوروبي ...الزم حدودك واعرف انت بتكلم مين

لكل عربيه مميذات وعيوب ويبقى بيحلم اللى فاكر ان عربيته مافهاش عيوب
وطبعا زى ما حضرتك قولت اليابانى غير الكورى غير الالمانى غير الاوروبى غير الصينى
وكل واحد على اد لحافه ويبنا يوسع على الجميع ان شاء الله
لكن الحاجه اللى تجنن فى السوق عندنا ان زبالة العربيات بتتباع بفلوس وناس كتيرة بتتدبس فيها

المشاركة الأصلية كتبت بواسطة hamaka

احنا متفقين ان كل واحد بيشترى الحاجة اللى تناسب احتياجاته و هى الاختيار الأمثل بالنسبة له و ممكن تكون أسوأ اختيار بالنسبة لواحد تانى....الاعتراض بس على اللى ييجى يقولك ده الكورى سبق اليابانى و الأوروبى و ده الكلام اللى الواحد بيستغربه ، مهو معلش مش عشان أنا الكورى مناسبنى فى صيانته و فى الطرق اللى بمشى فيها و انى مش عايز تكنولوجيا يبقى خلاص عربيتى بقت أحسن عربية فى الدنيا (و انا مقصدش حضرتك طبعاً أنا بتكلم فى العموم) و الصانع الكورى تفوق على الصانع اليابانى و الأوروبى و علم عليهم ، و هو فى الحقيقة بيتعلم منهم ، و هدف الكوريين عشان بس تبقوا عارفين انهم يوصلوا لمستوى الباقيين من حيث الابتكار و مش بيفكروا أصلاً فى مصر و لا طرقها و لا الميكانيكية بتوعها ، كل تفكيرهم انهم يطوروا نفسهم و لو وصلوا للمرحلة اللى بقوا فيها بيبتكروا حاجات تخصهم و بأسمهم لوحدهم ساعتها أقدر أقول انى ممكن أرجع أركب كورى تانى لأنه هيبقى بيدينى حاجات جديدة محدش من أوروبا و لا اليابان عملها ، و ساعتها كل محبى الكورى الحاليين هيبقى قدامهم سكة من الاتنين ، يا اما يجيبوا عربية فيها فتيس جديد و يبقوا "فأر تجارب" ، يا اما ينزلوا للصينى اللى هيكون ساعتها لسة فى مرحلة التقليد بس مع زيادة فى جودته ، و ساعتها أستاذ أحمد بدل ما كانت الكارينز اختياره الأول هتبقى ال V5 أو التيجو (لو ناوى على الزيرو يعنى)

و تحياتى للجميع....

لاء في الحاله دي يبقى مرسيدس أو بي ام سواء زيرو او مستعمل عشان متجربين ومحترمين وتوكيلاتهم في مصر سمعتها ممتازه. لكن فولكس / سكوا بلاك ليست بالنسبه لي وبالنسبه لناس كتير لحد ما يشوفو حل في الفتيس بتاعهم ومبيعات أوكتافيا الجديده في مصر هتثبت كده

المشاكل لا تنتهي مع فولكس

http://www.youm7.com/News.asp?NewsID=1103782

http://www.youm7.com/News.asp?NewsID=986477

المشاركة الأصلية كتبت بواسطة janagabr

سوق السيارات المصري هو سوق ذو طابع خاص اقرب الي الطابع الهستيري :copy of majd(4):
هو مزيج من انواع مختلفة من السيارات التي وصلت الي القمة والسيارات التي لسه في باطن الارض
والغريب ان تلاقي الاتنين بينافسوا بعض بل وتجد من يفضل باطن الارض علي القمة ...................وعجبي !!!!!!!!!!!!
وعند تصنيف سوق السيارات المصري اقولك احذر .......فنحن نختلف عن الاخرون ........
باختصار عندنا
السيارات الكوري ويمكن تعريفها بانها ( رحم الله امرء عرف قدر نفسه )
او ( علي قد لحافك مد رجليك ) :018a1d~146:
السيارات الاوروبي والياباني ويمكن تعريفها بانها ( قوم اقف وانت بتكلمني chapeau
اما السيارات الكوري :-
فكرتها خلاص اتعلمت سواقه علي عربية بابا القديمة اللي غالبا بتكون اوروبي وياباني عتيق موديلات السبعينات والثمانينات ( فيات 127 – 128– 131 – 132 – لادا – فولفو – سكودا التشيكي – تويوتا كرسيدا وكورولا – متسوبيشي لانسر – جولف 2 – اوبل فكترا – سوزوكي سويفت -.......... الله هو يا جماعة مكنش في كوري ساعتها ولا ايه تقريبا كان الكوري لسه في مرحلة تصنيع البسكلتة ( البسكلتة البسكلتة البسكلتة هتمشي علي الارض وهتدوس )
وكانت بداية دخول الكوري باول سيارات لهم السوق الاوروبي والامريكي في التسعينات بانتاج اول سيارات لهم من خلال
الكيا برايد انتجت انتجت عام 1991 كسيارة متواضعة اقرب الي عجلة الخضار في وجة نظر المستهلك الاوروبي والامريكي
والهيونداي اكسيل التي انتجت عام 1986 التي انهار مبيعاتها نظرا لكثرة الاعطال بها
مع العلم ان شركة متسوبيشي هي من قدمت تكنولوجيا الكهرباء كمساعدة في بدايات هيونداي
ثم بدأت هيونداي وكيا في حملة تطوير مصانعهم ومنتجاتهم ومهندسيهم
فقامت كيا بالاستعانه بنجم تصميم السيارات الالماني الذي افني عمره مع أودي وفولكس وهو صاحب تصميم السيارة الفولكس بيتل وقامت بتعينه كرئيس لقسم التنفيذ
وقامت هيونداي بالاستعانة بخبراء شركة فورد الامريكية
وارسال مهندسي كيا وهيونداي للتدريب والتعليم لدي شركات السيارات الامريكية
حتي ظهرت النجم الساطع للسيارات الكورية بدءا من عام 2005 واخذت تكبر في سوق السيارات كنمر اسيوي شاب متحمس يريد ان يجد مكانه وسط عرين الاسود الاوروبي والياباني والامريكي
واخذ الكوري شريحة معينة من الملاك وهم شريحة العمال ومحدودي الدخل لكن مازال الوقت كثير امام العملاقين الكوري من اجل حتي الوصول الي السيارات الصغيرة الاقتصادية لدي الصانع الاوروبي والياباني والامريكي
نرجع لمصر فقد وجد الصيني والكوري عقدة النقص لدي المواطن المصري تتلخص في الاكسسوارات والكماليات ولو حتي علي حساب اساسيات السيارة وعمرها وامان السائق والركاب :b4_564:
عايز تاتش هاتولوا تاتش – عايز بلوتوس هاتولوا بلوتوس - عايز يو اس بي هاتولوا يو اس بي – عايز عايز نيكل هاتولوا نيكل – عايز مانجا يا خد مانجا عايز بطيخ ياخد بطيخ وكمان من غير بذر لسة المواطن المصري هيتفتف بذر المصري يلهط يركب علي طول :copy of majd(2):
فالسيارات الكوري في مصر ما هي الا سيارات اقتصادية من الدرجة الاولي
اقتصادية في السعر يعني اول ماتفكر تجيب عربية بعد عربية باباك اللي خرشمتها علي طول تلبس في الكوري
وعلي فكرة غالبا معظم اللي اول مرة يجيبوا سيارات بيجيبوا كوري وتاني سيارة استحالة يجيب كوري تاني تلاقية بقي ياباني او اوروبي
واللي يركب الياباني والاوروبي لا يمكن يرجع يركب كوري
فالموضوع مش تقليل من قيمة الكوري ولكن وضع كل شئ في مكانه الطبيعي
فمينفعش يجي واحد راكب كوري يقارنة المكنة بتاعته بعربية ياباني او اوروبي
هنا بقي يجي الاوروبي والياباني يقولك قوم اقف وانت بتكلمني – العين متعلاش عن الحاجب مش كده برده
مينفعش برده التلميذ يتحدي استاذه
وده بقي حال مجتمعنا اللي بقي ماشي بقفاه
الميكانيكي بقي مهندس والممرض بقي دكتور والسايس بقي باشا وهلم جر
وزي ما الكوري يزعل لما تقارنه بالصيني
فماينفعش حد يقارن نفسه بالكبار
طبعا الموضوع هيزعل رجاله الكوري
لكنها الحقيقة يا سادة والحقيقة متزعلش ولازم نواجة نفسنا بحقيقتنا وميبقاش الحقد والغل بيوجة تفكيرنا
لان ببساطه انت اللي بتشتغل نفسك مش بتشتغلنا
ولكن هنا الغرض من الموضوع مقارنة جودة السيارات مع بعض وليس المستوي المادي ولا مالكي السيارات
فالرزق من عند الله ولا دخل لنا به ويرزق من يشاء بغير حساب
وليس المقصود هنا التهكم او السخرية من احد بعينة
بل هو موضوع عملي لا علاقة له باشخاص معينة

نسأل الله ان يوسع ارزاقنا جميعا بالحلال

اتفق تماماً مع حضرتك