الموضوع: تقييم وتقرير مفصل بالصور .. كيا سيراتو الجديدة 2013

المشاركة الأصلية كتبت بواسطة hosam_optrawy

النهارده ركزت مع موضوع النقلات بين الأول والتانى وبين كل النقلات عموما مفيش حاجه مش طبيعيه ملحوظه

مفيش نتشه ومفيش خنقه أو تأخير في النقلات

ياباشا أنا مش قصدي نتشه.
أنا قصدي ان العربيه المفروض ماتحسش تماما بالغيارات بتاعتها زي أي عربيه اوتوماتيك
لكن انا بحس بالعربيه وهي بتنقل الغيارات من الأول للثاني ومن الثاني للتالت.
المشكله ان مدير الصيانه عمال اقوله الناس في مصر بتقول ان العربيه ناعمه جدا في غياراتها ومافيش احساس نهائيا بالنقلات بتاعة الفتيس وهو يقولي السياره مافيهاش حاجه واستمتع بسيارتك ولو فيها شيء احنا مش خسرانين حاجه اننا نغيرلك الفتيس كله وبدون تكلفه عليك طول ماانت في الضمان وبتعمل الصيانات الدوريه.
بس انا يمكن حاسس بالموضوع ده زياده لأني سقت عربيات نضيفه عن السيراتو.

طب معلش يااستاذ حسام هاتقل عليك وأسألك سؤال كمان:
النهارده كنت ماشي علي سرعة 100 وكنت قافل الشبابيك كويس وكان في هوا خفيف جاي من الباب داخل العربيه. ده ايه بالظبط ؟؟؟ معقول العربيه عزلها تعبان كده؟؟؟ ولا انا لبست في عربيه فيها عيب تصنيع؟

المشاركة الأصلية كتبت بواسطة hosam_optrawy

معلش ياريت توضحلى بمعنى ايه تحس بالغيارات اصل اى عربيه اوتوماتيك torque-converter مش cvt لازم هاتحس بالنقلات بمعنى انك بتبقى دايس على البنزين بقوه معينه فال rpm يفضل يطلع لحد عدد لفات معين وأول ما الفتيس ينقل هاتسمع صوت الموتور يهدى شويه وبعدين يعلى تانى وال rpm ينزل ويطلع تانى لحد النقله اللى بعدها وهكذا , دا الطبيعى في اى عربيه اوتوماتيك مش cvt ملهوش علاقه بالسيراتو ونضافتها , فطالما مفيش نتشه أو تأخير في النقله أو تهنيجه أو بطئ في التسارع عند نقله معينه يبقى مفيش مشاكل

حاجه كمان عشان تتأكد , انت عملت test drive قبل ماتشترى صح ؟ هل كان فيها الإحساس دا ؟



لأ العزل كويس جدا , وفى الأيام اللى بيبقى فيها هوا جامد بابقى سامع صوت الهوا بشكل عام من بره العربيه لكن مش باسمع صوت سرسوب داخل جوا العربيه اللى هو عامل زى صوت الصفاره كدا

شكرا لحضرتك أولا
زي ماانت قولت بالظبط المفروض ان الأر بي ام يرفع لحد مالعربيه تاخد الغيار اللي بعده وبعد كده الأر بي ام ينزل تاني وهكذا لكن عندي مع نزول الأر بي ام بعد ما يعلي بحس بنتشه خفيفه جدا جدا وحتي زميلي ومراتي لما قعدو جنبي ماأخدوش بالهم منها خالص.
أنا لما عملت تست درايف ماحسيتش نهائيا بموضوع نقلات الفتيس دي خالص وحتي العفشه كانت انعم من اللي انا اشتريتها.

تاني حاجه :
كده عربيتي عزلها فيه غلط وأروح أقولهم ايه في الصيانه الجايه؟؟؟؟؟ ولو مدير الصيانه قاللي نفس الكلام واستمتع بعربيتك والكلام الأهبل ده أعمل ايه؟؟؟؟؟هل اطلع علي حماية المستهلك وأخرب بيتهم ولا ايه النظام؟
وشكرا لسعة صدرك

انصحك تطلب تعمل test drive تاني و تشوف في مشكله عندك ولا مفيش و ممكن كمان تاجر العربيه يوم من اي معرض ايجار سيارات ... انت محتاج تجربع عمليا مش كلام

ياريت ياجماعه تقولولي العربيه مابيظهرش فيها تنسيم هوا لحد سرعة كام لو مافيش هوا قوي خارج العربيه علشان لما اروح اتكلم المره دي مش هاسكت تاني.