الموضوع: تقييم وتقرير مفصل بالصور .. كيا سيراتو الجديدة 2013

المشاركة الأصلية كتبت بواسطة devil_storm

متشكر يا كبير ... والله ما جسرت
انا كنت في زياره لقطر تبع الشغل من ٣ شهور و اعدت هناك شهر في شارع السد ... بلد جميله و شوارعها مسفلتا حلو اوي ... بس الردرات الله ينور في كل مكان حتي في الانفاق و الكاميرات في معظم الاشارات و المخلفة ٦ الاف ريال :)) كنت مأجر هوندا سيفك و كنت بسؤها و انا مرعوب هاهاها خد بالك بقي

ماتفكرنيش ياباشا الله يخليك :( أنا قربت أفلس ورخصتى تتسحب من المخالفات

الرادارات اللى ظاهره خلاص حفظت مكانها ومقدور عليها , لكن أوقات بيعملوا رادارات متحركه فى حتت متتوقعهاش وتبقى بتجرى بقلب جامد فجأه تلاقى الفلاش ضرب وإلبس يامعلم :b4_048:

المشاركة الأصلية كتبت بواسطة fast_driver

استاذ حسام, حضرتك متاكد ان العفشة فى السيراتو الجديده انعم كتير من الشكل القديم؟؟ احنا جبنا العربية جنط 17 و العربية حاسس انها ناشفة شويه, على كده الله يكون فى عون ملاك الشكل القديم اللي بجنط 17 :)
المهم سؤالى هل لو غيرت لجنط 16 حتفرق كتير فى النعومه و لا اجيب 15 و خلاص؟

أيوه طبعا الفرق كبير وملحوظ جدا :) القديمه كانت ناشفه اوى , عموما إبقى اتأكد من ضغط الكاوتش 32

وال 15 أنعم من ال 16 أنعم من ال 17 عشان كل ما الجنط بيصغر كل ما سُمك الكاوتش ( البروفايل ) بيكبر وبيمتص الصدمات والمطبات فاحساسك بنشوفية الطريق بيقل

المشاركة الأصلية كتبت بواسطة ahmed.ali

حسام باشا انا بدور علي واحده يوسد في قطر لو اتكعبلت في عربيه ياريت تبلغني اكون شاكر جدا

حاضر ياباشا أول ما ألاقى واحده هابعتلك على الخاص على طول , ربنا يسهل عشان المعروض منها يوزد قليل أوى عشان العربيه بقالها فى السوق حوالى 9 شهور فقط

المشاركة الأصلية كتبت بواسطة fast_driver

انا فعلا روحت ظبط الكوتش و حاسس انها بقت انعم
متشكر يا استاذ حسام

العفو وربنا يباركلك فيها وتبسطك دايما