تقييم وتقرير مفصل بالصور .. كيا سيراتو الجديدة 2013

**Ahmed.Ali** · 13-11-2013 11:28 AM

[QUOTE=Hosam_Optrawy;3875279122]حاضر ياباشا أول ما ألاقى واحده هابعتلك على الخاص على طول , ربنا يسهل عشان المعروض منها يوزد قليل أوى عشان العربيه بقالها فى السوق حوالى 9 شهور فقط

اكون شاكر جدا و مش لازم الشكل الجديد لو لقيت قديم قدامك هاي لاين قلي الي بشوفه كله وحش للاسف

**amgomaa** · 27-11-2013 12:27 AM

الف مبروك علي العربيه يا ا / حسام انا الحمد لله ربنا اكرمني و جبنا في البيت سيراتو ٢٠١٤ العربيه الحمد لله ممتازه والعفشه ناعمه جدا علي الرغم من الجنط ال١٧ والخامات الداخليه ممتازه stability جامد علي الطريق بالذات مع ال sport mode في flex steering كمبيوتر العربيه محترم بيرحب بيك ويودعك وكمان بيقولك لما الميه تقرب تخلص في المساحات فرامل ممتازه كماليات تانيه كتير مميزه و شكل مميز والحمد لله بس كان ليه ملاحظتين صغيرين قلتلهم عليهم في مركز الخدمه اللي جنبي لاني مبقدرش اروح ابو رواش لظروف العمل وكمان معتقدش ان ليهم حل اول حاجه مع النقر والعربيه ماشيه علي سرعه متوسطه بسمع صوت رجرجه او دبدبه بسيط في المنطقه اللي بين الفرده اليمين ووسط العربيه مش ملحوظه غير وانا قافل الازاز لما بشغل التكييف الموضوع مش مسبب لي اي مشكله بس اول مرة اركب عربيه بجنط ١٧ فكنت عايز اعرف ده من الشكمان ولا الجنط علشان البروفيل بتاعه صغير معلش هتقل عليك تاني حاجه الكرسي اللي جنب السواق لما حد مليان شويه ضهر الكرسي بيزيق تزييقه بسيطه بسبب البلاستيكه اللي محاوطه الكرسي من تحت ناحية باب السواق اللي فيها الدراع اللي بترجع ضهر الكرسي راجعت علي المسامير و رشيت WD 40 ومفيش نتيجه اعتقد ده عيب في التصميم لان كرسي السواق البلاستكه اللي فيها الدراعات بعيده عن الشاسيه بتاع الكرسي لكن اللي في الكرسي اللي جنب السواق لازقه في الشاسيه فاي ترييحه جامده شويه او مطب بتزييق لانها مرتبط بالشاسيه جامد هما حاجتين كده لاحظتهم وحبيت اقولهم لو كنت لاحظتهم او اي حد اشتري العربيه ووصل لحل فيهم يا ريت يقول والكمال لله واحده واسف علي الاطاله

**Hosam_Optrawy** · 27-11-2013 12:23 PM

المشاركة الأصلية كتبت بواسطة amgomaa

الف مبروك علي العربيه يا ا / حسام انا الحمد لله ربنا اكرمني و جبنا في البيت سيراتو ٢٠١٤ العربيه الحمد لله ممتازه والعفشه ناعمه جدا علي الرغم من الجنط ال١٧ والخامات الداخليه ممتازه stability جامد علي الطريق بالذات مع ال sport mode في flex steering كمبيوتر العربيه محترم بيرحب بيك ويودعك وكمان بيقولك لما الميه تقرب تخلص في المساحات فرامل ممتازه كماليات تانيه كتير مميزه و شكل مميز والحمد لله بس كان ليه ملاحظتين صغيرين قلتلهم عليهم في مركز الخدمه اللي جنبي لاني مبقدرش اروح ابو رواش لظروف العمل وكمان معتقدش ان ليهم حل اول حاجه مع النقر والعربيه ماشيه علي سرعه متوسطه بسمع صوت رجرجه او دبدبه بسيط في المنطقه اللي بين الفرده اليمين ووسط العربيه مش ملحوظه غير وانا قافل الازاز لما بشغل التكييف الموضوع مش مسبب لي اي مشكله بس اول مرة اركب عربيه بجنط ١٧ فكنت عايز اعرف ده من الشكمان ولا الجنط علشان البروفيل بتاعه صغير معلش هتقل عليك تاني حاجه الكرسي اللي جنب السواق لما حد مليان شويه ضهر الكرسي بيزيق تزييقه بسيطه بسبب البلاستيكه اللي محاوطه الكرسي من تحت ناحية باب السواق اللي فيها الدراع اللي بترجع ضهر الكرسي راجعت علي المسامير و رشيت wd 40 ومفيش نتيجه اعتقد ده عيب في التصميم لان كرسي السواق البلاستكه اللي فيها الدراعات بعيده عن الشاسيه بتاع الكرسي لكن اللي في الكرسي اللي جنب السواق لازقه في الشاسيه فاي ترييحه جامده شويه او مطب بتزييق لانها مرتبط بالشاسيه جامد هما حاجتين كده لاحظتهم وحبيت اقولهم لو كنت لاحظتهم او اي حد اشتري العربيه ووصل لحل فيهم يا ريت يقول والكمال لله واحده واسف علي الاطاله

الله يبارك فى حضرتك والف مبروك على العربيه ربنا يباركلك فيها ويكفيك شرها وتبسطك دايما

بصراحه الملاحظتين محصلوش عندى , بس هما حاجات بسيطه ان شاء الله لو الظروف سمحت ونزلت القاهره يبصولك عليها فى التوكيل

**Hosam_Optrawy** · 28-11-2013 01:45 PM

المشاركة الأصلية كتبت بواسطة Fast_driver

الملاحظتين دول مش عندى انا كمان, قول للتوكيل عليهم فى صيانة الالف.
انا الملحوظه اللى عندى ان السماعات اللى ورا صوتها واطى قوى بالمقارنه بالسمعات اللى قدام, لدرجة ان فى واحد كان قاعد ورا قالى السمعات اللى ورا مش شغاله, رجعت اعدت ورا و لقتها شغاله بس صوتها واطى مقارنتا باللى قدام.

طبعا دخلت على cd setup توزيع السماعات الامامية و الخلفية و لقيت كله متظبط فى النص. كلمت التوكيل سالته قالى ده طبيعى لان قدام 4 سماعات و بالخلف 2 فقط.

هل يا جماعة عندكم نفس الملحوظه دى؟؟

بصراحه مقعدتش ورا قبل كدا :)

بس أعتقد الفرق مش هايكون كبير طالما ال Setup بتاع ال Balance مظبوط

ممكن تظبطها ان الصوت يبقى أعلى شويه فى السماعات الخلفيه

**amgomaa** · 29-11-2013 03:46 AM

المشاركة الأصلية كتبت بواسطة hosam_optrawy

الله يبارك فى حضرتك والف مبروك على العربيه ربنا يباركلك فيها ويكفيك شرها وتبسطك دايما

بصراحه الملاحظتين محصلوش عندى , بس هما حاجات بسيطه ان شاء الله لو الظروف سمحت ونزلت القاهره يبصولك عليها فى التوكيل

شكرا لاهتمامك بالنسبه لموضوع تزييق الكرسى ركبت فرش جلد ولما الفبره اتفكت ضهر الكرسى مكنش مربوط كويس والتزييق اختفى تماما الحمد لله اما موضوع الدبدبه ده مبسمعوش الا فى حالة والازاز مقفول حاجه غريبه ؟؟اما لما يكون مفتوح فمفيش اى صوت دبدبه حتى الكاوتش مش طلعله صوت فقررت مقفلوش تانى واريح دماغى من الوسوسه ::b4_444::
شكرا حسام باشا

**esam_ayad** · 03-01-2014 01:36 AM

ياريت ياجماعه تقولولنا علي انطباعكم عن العربيه دلوقتي بعد ماتم استخدامها وسواقتها كتيير.
وألف مبروك لصاحب الموضوع طبعا

**Hosam_Optrawy** · 03-01-2014 12:41 PM

المشاركة الأصلية كتبت بواسطة esam_ayad

ياريت ياجماعه تقولولنا علي انطباعكم عن العربيه دلوقتي بعد ماتم استخدامها وسواقتها كتيير.
وألف مبروك لصاحب الموضوع طبعا

الله يبارك فيك

بالنسبه لى مفيش جديد العربيه عامله دلوقتى 6 الاف وشويه

الإختلاف الأكبر والأهم هو عفشة العربيه اللى مختلفه تماما عن اللى قبلها ومش هاتحسسك انك راكب سيراتو

كنت خايف بصراحه من نقطة العلو عن الأرض بس من فتره كان معايا 3 فى العربيه وعديت على كام مطب عالى وعديت بالراحه محكتش الحمد لله

إستهلاك البنزين ماتعتبرش موفره الكمبيوتر كاتب 10.5 لتر لكل 100 كم يعنى نقول 200 فى الصفيحه وممكن أكتر على طرق السفر

حاسس ان الصوت الموتور على شويه عن الأول معرفش بيتهيألى ولا ايه

أعتقد انها أفضل وأنسب عربيه تتجاب بالسعر دا , الأوبشنز والدلع اللى فيها صعب تلاقيه بالسعر دا

لو عايز تسأل على نقطه محدده تحت أمرك