تقييم وتقرير مفصل بالصور .. كيا سيراتو الجديدة 2013

**Hosam_Optrawy** · 01-07-2013 03:09 AM

المشاركة الأصلية كتبت بواسطة mahamedaraby

الف مبروك عليك العربية ربنا يديك خيرها ويكفيك شرها
وفعلا احسن حاجة فى دول الخليج لو مش ناوى تنزل العربية مصر وموضوع فاشل زى ماقولت انك تشتريها كسر زيرو

الله يبارك فيك كلامك مظبوط

المشاركة الأصلية كتبت بواسطة bassam nagy

الف الف مبروك ربنا يباركللك فيها

المشاركة الأصلية كتبت بواسطة ahmod

الف الف الف مبروك

ربنا يباركلك فيها ويحفظهالك ان شاء الله

المشاركة الأصلية كتبت بواسطة horas3000

الف مبروك يا حسام بيه
ربنا يبارك لك فيها و يحفظها لك

الله يبارك فيكم يارجاله

المشاركة الأصلية كتبت بواسطة mivec.a92

ما شاء الله ربنا يباركلك فيها. حضرتك جبتها بسعر كام و هل شايف انها تستاهل 200 الف جنية هنا في مصر؟

الله يبارك فيك , جبتها ب 61,000

بالنسبه لتستاهل سعرها فى مصر ولا لأ فالإجابه البديهيه أكيد ماتستاهلش

بس لما بابص لباقى الإختيارات بالاقى معظم العربيات ماتستاهش سعرها , يمكن العربيه الوحيده اللى لازم الواحد يفكر فيها قبل السيراتو هى الاوبل أسترا بس هاتستغنى عن قوة الموتور والوسع الداخلى غير كدا تعتبر أحسن عربيه فى الفئه دى

وكمان اللى هايجيب سيراتو مش لازم يجيب أخر فئه لان الفروق بينها وبين اللى قبلها مش حاجات مهمه اوى وماتستاهش 13 الف , لكن الفئتين اللى قبلهم كويسين جدا يعنى ب 168 الف تركب فئه محترمه وطبعا اللى بعدها ب 185 الف نفس الاوبشنز اللى معايا تقريبا

المشاركة الأصلية كتبت بواسطة hossam99

ألف مبروك و ربنا يكتب لك فيها كل الخير
و العربيه ما شاء الله ممتازه جداً لكن سعرها هنا في مصر مش منافس للأسف

الله يبارك فيك ياحسام باشا

**misho2008** · 02-07-2013 12:28 PM

قطر ووووبس

**yasserelsayad** · 02-07-2013 05:56 PM

بسم الله ما شاء الله .. الف مبروك يا حج وربنا يملهالك بركة ان شاء الله
وخالى بالك بقى عشان العربية شكلها بيشد العين ليها

**Hosam_Optrawy** · 03-07-2013 04:03 AM

المشاركة الأصلية كتبت بواسطة devilrider

ألف مبروك على العربية وربنا يباركلك فيها إن شاء الله أنا لسة راكبها امبارح هنا في مصر أعلى فئة الهاي لاين الإختلاف اللي لاحظته إن التكيف كان تاتش بس باسم الله ماشاء الله عربية جميلة وركزت عالعفشة لقيتها كويسة مع إن الجنط 17

الله يبارك فيك ياباشا فعلا فى فرق كبير فى العفشه

المشاركة الأصلية كتبت بواسطة yasserelsayad

بسم الله ما شاء الله .. الف مبروك يا حج وربنا يملهالك بركة ان شاء الله
وخالى بالك بقى عشان العربية شكلها بيشد العين ليها

الله يبارك فيك ياياسر باشا , العربيه فعلا بتشد العين مع انها تعتبر ولا حاجه جنب العربيات اللى هنا بس المعظم بيقعد يبص عليها وانا ماشى

ربنا يسترها

**Hosam_Optrawy** · 04-07-2013 10:37 PM

المشاركة الأصلية كتبت بواسطة 2code

حسااااااااااااااااام

الف الف مبروك مع ان ليا تعليق

العفشة اتغيرت عن القديمة بقيت نفس setup كيا الجديد للـtorsion beam اللي نزل لاول مره في كيا rio ولما لقيوه متطور وناجح عن الـsetup القديم للـtorsion beam اللي كان بينزل في الشكل القديم للسيراتو

قرروا ينزلوه برضه في السيراتو مع نفس ارتفاع الـrio عن الارض وكل شئ لانها برضه 14 سم الريو

فهتلاقي فرق في الثبات اكيد للافضل عن الشكل القديم لان الريو الجديدة اثبت من السيراتو القديمة طبعاً ده بسبب الـsetup الجديد للـsuspension بس عايزينك تجربة على طرق سريعة

انا اقصى سرعة جبتها بالريو كانت على الزراعي 150 وده فاجر طبعاً انك تجيب 150 على الزراعي في مصر هههههههههههههههه

الله يبارك فيك

بصراحه معنديش تفاصيل دقيقه عن الفرق بين العفشتين لو تعرف ياريت تفيدنا

**yasserelsayad** · 05-07-2013 03:02 PM

المشاركة الأصلية كتبت بواسطة Hosam_Optrawy

الله يبارك فيك

بصراحه معنديش تفاصيل دقيقه عن الفرق بين العفشتين لو تعرف ياريت تفيدنا

شكل العفشة مفيهوش حاجة لكن فيه tune فيها غير القديمة
دا غير ان الشاسيه وجسم العربية Stiffer والـ geometry بتاعت العفشة الامامية فيها تعديل وكمان الـ steering bushes اكبر والكلام دا بيحسن الـ response بتاع العربية فى المناورات

**Hosam_Optrawy** · 13-07-2013 07:06 PM

المشاركة الأصلية كتبت بواسطة MOSTAFA MAHER

طب سوءال سيراتو ولا فورد فوكس؟

انا ماجربتش الفوكس بس كل عربيه ليها مميزاتها وفى حاجات هايبقوا قريبين من بعض فيها

يعنى أكتر نقط تفوق للفوكس هاتكون فى العفشه والثبات , واداء الفتيس ال PowerShift هايكون احسن من فتيس السيراتو رغم ان قوة الموتورين متقاربه

السيراتو أوسع بفارق ملحوظ , وبتاخد بنزين 92 عادى , الفوكس بتاخد 92 برضه بس الصح بتاعها 95 , أوبشنز السيراتو أكتر وسعرها أرخص