الموضوع: تقرير كامل عن فيكترا بي بعد عشرة سنتين

مكان التخزين اللي عندي في السقف ورا لمبة الصالون
والكنبة ضيقة فعلا يا فادي ومحدش بيعرف بيتنفس ورا
- والطارة متحركة عندي وتقريبا كدا من موديل 2000 فما فوق ، دا في حالة لو مش موجودة عندك يا فادي عشان عربيتك 99 مصري
- وقولت وبقول ، ديه أشيك عربية شوفتها من 96 ، وكنت باتمنى اشتري واحدة زيها وانا في إعدادي :)
والحمد لله ربنا انعم عليا واشتريت واحدة b2
ورغم اني مخنوق من العربية من شوية حاجات كدا تنرفز ، إلا إن كل ما أعدي من قدامها أفتح الكاميرا وأصورها
دا غير وانا ماشي الناس اللي توقفني وتقولي تبيع ؟

الأسترا أحلى بكتير في نظري من جانب الكماليات والصالون الداخلي ، لكن ماكنش شكلها بيشدني ويجذبني زي الفيكترا

الصراحة نفسي أركب cdx على أبوها ، جلد فاخر جدا تقريبا مش هاتلاقيه في أي عربية تانية ، غير الموتور الوحش بتاعها

المشاركة الأصلية كتبت بواسطة egyption2012

خلتوني افكر انقل من استرا لفيكترا
مع ان الاسترا ما شاء الله عجباني جدا
ايه رأيكم ؟

اوعى تعمل كدا ، انصحك تجرب الفيكترا الأول قبل ما تفكر تغير
انت عندك كماليات مش موجودة في الفيكترا

بالظبط ، مشكلتها القاتلة هو الكنترول للأسف وده اللي بينفر الناس من العربية

الله ينور :) . ربنا يحميها

المشاركة الأصلية كتبت بواسطة ayman hamdy

تقرير رائع وزى ما قال الباشمهندس رامى معظم العيوب دى مش موجودة حتى فى اقل فئة منها وهى الجى ال اس
بصراحة انا من ساعة ما ظهرت العربية دى فى شوارع مصر وانا باحترمها شكلا وموضوعا وحلمت وقتها ان اركب واحدة زيها فى يوم من الايام والحمد لله من سنه بالضبط تحقق الحلم وجبت الوحش اللى معايا وهى اوبل فيكترا ٢٠٠٢ CDX اوتوماتيك 2000 Cc فل اوبشن كاملة كل حاجة والكمال لله طبعا ومبسوط منها اوى اوى وركوبة شيك جدا واوبشن رائع وفخامة وثبات ملهوش حل ماسكة فى الارض على اعلى السرعات تقدر تقول هى اشيك عربية فى تصميمها الداخلى والخارجى لحد دلوقتى رغم مرور اكتر من ١٠ سنوات على انتاجها واكتر كمان ابتداء من سنه ٩٦ وبصراحة كده انا بحس ان راكب الفيكترا ناس مميزين وناس راقية لانهم قدروا ان يقتنوا هذه التحفة الفنية الالمانية على الرغم ان فى ناس كتير ما تفهمش الكلام ده عنها وده اللى يخلى الناس اللى بتفهم يعنى ايه فيكترا يقتنوا هذه الرائعة وهى اجمل واشيك ما انتجت شركة اوبل بالمقارنة باسعارها وسنه صنعها والتكنولوجيا المتطورة اللى فيهامش موجوده فى عربيات حديثة مديل السنة دى
وشكرا جزيلا على التقرير واللى ما ركبش المانى فعلا مركبش عربيات واللى ركب الفيكترا وجرب يركب كورى اى حتى يابانى هيعرف ان كان راكب سفينة ماشية على الارض مش عربية
تحياتى لحضرتك

CDX .. ماشاء الله . قال العروبية دى بتجيب ال 260 على الفرى واى عادى ؟!! ..

مش العربية ديه انت راكنها يا أيمن عشان مسافر ؟
مش عايز تبيعها ؟