تقرير كامل عن فيكترا بي بعد عشرة سنتين

**Mamoud salah H** · 31-10-2013 04:27 PM

المشاركة الأصلية كتبت بواسطة ayman hamdy

تقرير رائع وزى ما قال الباشمهندس رامى معظم العيوب دى مش موجودة حتى فى اقل فئة منها وهى الجى ال اس
بصراحة انا من ساعة ما ظهرت العربية دى فى شوارع مصر وانا باحترمها شكلا وموضوعا وحلمت وقتها ان اركب واحدة زيها فى يوم من الايام والحمد لله من سنه بالضبط تحقق الحلم وجبت الوحش اللى معايا وهى اوبل فيكترا ٢٠٠٢ CDX اوتوماتيك 2000 Cc فل اوبشن كاملة كل حاجة والكمال لله طبعا ومبسوط منها اوى اوى وركوبة شيك جدا واوبشن رائع وفخامة وثبات ملهوش حل ماسكة فى الارض على اعلى السرعات تقدر تقول هى اشيك عربية فى تصميمها الداخلى والخارجى لحد دلوقتى رغم مرور اكتر من ١٠ سنوات على انتاجها واكتر كمان ابتداء من سنه ٩٦ وبصراحة كده انا بحس ان راكب الفيكترا ناس مميزين وناس راقية لانهم قدروا ان يقتنوا هذه التحفة الفنية الالمانية على الرغم ان فى ناس كتير ما تفهمش الكلام ده عنها وده اللى يخلى الناس اللى بتفهم يعنى ايه فيكترا يقتنوا هذه الرائعة وهى اجمل واشيك ما انتجت شركة اوبل بالمقارنة باسعارها وسنه صنعها والتكنولوجيا المتطورة اللى فيهامش موجوده فى عربيات حديثة مديل السنة دى
وشكرا جزيلا على التقرير واللى ما ركبش المانى فعلا مركبش عربيات واللى ركب الفيكترا وجرب يركب كورى اى حتى يابانى هيعرف ان كان راكب سفينة ماشية على الارض مش عربية
تحياتى لحضرتك

والله يا باشا كان نفسي اركب الcdx بس للاسف الفلوس مساعدتنيش والحمدلله طبعا علي الي معايا وناوي بأذن الله اسقط موتور اقوي ونفسي في مكنة 2400 وتكون 6 سلندر ومانيوال طبعا بس بصراحة مش عارف موجودة ف مصر ولا لا

وفعلا العربية دي او الفيكترا عموما في وساءل امان وتكنولوجيا مش موجودة او لسة بدات تظهر في عربيات كوري وياباني كتيير وباسعاار اغلي

ربنا يباركلك في عربيتك يا باشا وتتمنع بيها اكتر واكتر ان شاء الله

**Mamoud salah H** · 31-10-2013 04:30 PM

المشاركة الأصلية كتبت بواسطة egyption2012

خلتوني افكر انقل من استرا لفيكترا
مع ان الاسترا ما شاء الله عجباني جدا
ايه رأيكم ؟

والله يا باشا طالما عربيتك مريحاك يبقي بلاش لان انت متعرفش امالك الاول كان بيعمل ايه ودة بالاضافة لفرق االموديل والطبيعي ان حضرتك تنقل لالفيكترا بس فيكترا سي ان شاء الله

**ayman hamdy** · 31-10-2013 04:30 PM

المشاركة الأصلية كتبت بواسطة Amr_650

CDX

.. ماشاء الله . قال العروبية دى بتجيب ال 260 على الفرى واى عادى ؟!! ..

العربية دى يا عمرو بتنزل بموتوين واحد الكود بتاعه c20xel ودة اللى نزل مصر فى ال سى دى اكس والموتور التانى الكود بتاعه X20XEV وده الموتور الاوروبى اللى معايا فى عربيتى وده اقوى من المصرى الموتور دة زميلنا عبد الرحمن hagagatc جاب بيه ال 245 كم عادى جدا والعربية مكلبشة فى الارض اكنك ماشى مثلا على 100كم فى العربيات اللى بالى بالك وكان ممكن يجيب اكتر بس السرعة دى مفيش اى طريق يقدر يتحملها فى مصر دى سرعة رهيبة ومميتة لاقدر الله
فعلا الموتور دة والله وحش كاسر بمعنى الكلمة
انا جربته كنت رايح الاسماعلية انا وزوجتى واولادى الثلاثة وحماتى ودة وزن كمان على العربيةوالله العربية كانت جايبة ال 180كم وانا مش حاسس وثبات حكاية ولحسن الحظ زوجتى كانت نايمة ولو كانت صاحية وشافت العداد كانت قالت لى نزلنا هنا فى اى حتة بسرعة هههههههههههههه
الخلاصة ال الموتور ال 2000 دة ملهوش حل وحش فعلا 136 حصان حصان يرفص حصان يا باشا ههههههه
وتحياتى للجميع

**Mamoud salah H** · 31-10-2013 04:35 PM

الف شكر لكل الناس في الموضوع
بس كان عندي سؤال صغير
كنت بفكر اقلب الزجاج لكهربااء بس مش عارف هيبقي كويس ولا ممكن يلغبط وميبقاش زي الفابريكا لان بصراحة هي دي اكتر حاجة ناقصة في العربية الباقي كلو كلام فاضي ومحلول بسهولة

**ayman hamdy** · 31-10-2013 05:12 PM

المشاركة الأصلية كتبت بواسطة MaaM

مش العربية ديه انت راكنها يا أيمن عشان مسافر ؟
مش عايز تبيعها ؟

اة والله يا محمود رفعها فى الجراج عندى ووحشانى اوى زى عيل من العيال ونفسى بقى انزل واروح ل عمنا طنانى واعمل لها السرفيس بتاعها واركب لها شوية حاجات واكسيسوارات جبتها من هنا علشان افرجكوا عليها ان شاء الله دا انا وعبد الرحمن hagagatc كنا بندور على عربية سى دى اكس من سنه كدا وعبد الرحمن راح للدكتور صاحب العربية بتاعتى علشان يشتريها وانا فى نفس الوقت كنت بخلص فيها وخلصتها وكانت مرفوعة فى الجراج عنده وخدتها ركبتها شهرين ورفعتها فى الجراج عندى ومن ساعتها ما شوفتهاش لحد دلوقتى وحشتينى اوى اوى يا فيكى وبعدين عبد الرحمن اتصل بصاحب العربية علشان كان جاى يخلص فيها قالو اتباعت ومفيش نصيب فى الوقت دة انا ما كنتش اعرف عبد الرحمن وعرفت الحوار دة منه لما اتقابلنا عندصابر الميكانيكى علشان كنت بظبط فيها شوية حاجات وكان عبد الرحمن اشترى واحدة فضى برده سي دى اكس وكان جاى يعمل شويت شغل عنده واتعرفنا على بعض عن طريق المنتدى هنا وصارت صداقة حميمة بيننا ودائما نتصل ببعض حتى الان ولحد البارح كان فيه اتصال بيننا فهو شخصية محترمة جدا وانا اعتز بصداقته وان شاء الله هنظبط عربية سي دى اكس من هنا وانزلها له باذن الله تعالى
وطبعا العربية متغلاش عليك يا محمود بعد ما اظبط كل حاجة هوديها لك لحد باب بيتك لو عايز كهدية منى لك ومتغلاش عليك يا كبير وربنا يديم المعروف بيننا يا رب

**ayman hamdy** · 31-10-2013 05:23 PM

المشاركة الأصلية كتبت بواسطة mamoud salah h

الف شكر لكل الناس في الموضوع
بس كان عندي سؤال صغير
كنت بفكر اقلب الزجاج لكهربااء بس مش عارف هيبقي كويس ولا ممكن يلغبط وميبقاش زي الفابريكا لان بصراحة هي دي اكتر حاجة ناقصة في العربية الباقي كلو كلام فاضي ومحلول بسهولة

عادى جدا
ميزة الفيكترا او الالمانى بمعنى ادق انهم عاملين فى كل العربيات حساب لاضافة اوبشن جديد وموجود مكان للتوصيلات دى والفيش كمان
الموضوع سهل جدا وفى ناس كتير من المنتدى عاملينه فى عربياتهم بس تقل جيبك علشان الحسبة كبيرة شوية وبالتوفيق ان شاء الله

**ayman hamdy** · 31-10-2013 07:30 PM

المشاركة الأصلية كتبت بواسطة maam

ربنا يخليك يا أيمن وماتحرمش منك
يعني تاخد العربية من الراجل وتروح تركنها ، فكرتني بالأهلي لما جاب نادر السيد وركنه على الدكة

اه طبعا العربيات عندك حاجة تاني خالص غير اللي بنركبها ، ربنا يرزقك بأحسن منها

هعمل اي بس يا محمود انا كنت عايز انزلها تجيب اجوال بس للاسف ما كنش فيه وقت كافى والحكم صفر بانهاء الماتش للسفر للخارج لاكل العيش واكل العيش مر وربنا يهون علينا الغربة يا رب
وربنا ان شاء الله هيرزق عبد الرحمن احسن منها ان شاء الله

-

الموضوع: تقرير كامل عن فيكترا بي بعد عشرة سنتين

LinkBack

أدوات الموضوع

عرض

-

-

-

-

المواضيع المتشابهه

تابلوه فيكترا بى كامل

تقرير كامل ل gps ndrive

تقرير كامل عن kia k7

تقرير كامل عن بعض اللابتوبات

الكلمات الدلالية لهذا الموضوع

المفضلات

المفضلات

ضوابط المشاركة