الموضوع: تقرير كامل عن فيكترا بي بعد عشرة سنتين

المشاركة الأصلية كتبت بواسطة maam

أهلا بيك يا باشمهندس
لو رجعت لكلامي في المشاركة رقم 42 ، هاتلاقي كلامك تأكيد لكلامي

بالنسبة للنقطة اللي اتكلمت عنها بخصوص المرونة في السرعات العالية بعد تهدئة ثم زود بنزين
دا بحس بيها عند الـ 120 وممكن تحتها حاجات بسيطة
لكن لو عملت عند الـ 100 بيبقى بطئ جدا في طلعته للـ 100 تاني وساعتها مابقدر انزل للرابع لأن العربية ساعتها بتحس اكنها هاتهجم وفي نفس الوقت تلاقيها اكنك وقفتها جامد
زي اكنك ريحت فرامل سنة زيادة

لو جربت نفس السرعات مع النوع التانى من المحركات هتلاقى الوضع اسوأ

اللانوس لو عملت فيها الحركة دى بتكح تراب لازم اسقط واقرص والا تحس ان الموتور مهنج عمال يطلع صوت وخلاص

صحيح ان الموتور اداءة بيتحسن بعد الـ 100 بس ده لايمنع انه ضعيف بالنسبة لوزن العربية , طلعة العربية اول تانى بطة بلدى
الالمانى عموما تحت الـ 2.0 بطة , صحيح البط انواع بس فى الاخر من نفس الفصيلة :))

المشاركة الأصلية كتبت بواسطة eng\ahmed

لو جربت نفس السرعات مع النوع التانى من المحركات هتلاقى الوضع اسوأ

اللانوس لو عملت فيها الحركة دى بتكح تراب لازم اسقط واقرص والا تحس ان الموتور مهنج عمال يطلع صوت وخلاص

صحيح ان الموتور اداءة بيتحسن بعد الـ 100 بس ده لايمنع انه ضعيف بالنسبة لوزن العربية , طلعة العربية اول تانى بطة بلدى
الالمانى عموما تحت الـ 2.0 بطة , صحيح البط انواع بس فى الاخر من نفس الفصيلة :))

ردود حضرتك يا باشمهندس فى المناقشه دى رائعه وموافق حضرتك فى كل كلامك .. اللى انا عاوز اوصله لمحمود ان الموتور ده مش سيئ او ضعيف .، هو طبعا ضعيف بالمقارنه بمواتير تانيه بس مرضى الى حد كبير
تحياتى

المشاركة الأصلية كتبت بواسطة Hesham.H

ردود حضرتك يا باشمهندس فى المناقشه دى رائعه وموافق حضرتك فى كل كلامك .. اللى انا عاوز اوصله لمحمود ان الموتور ده مش سيئ او ضعيف .، هو طبعا ضعيف بالمقارنه بمواتير تانيه بس مرضى الى حد كبير
تحياتى

ياباشا ربنا يخليك

الموتور مش سئ بالعكس حمار شغل مبيقولش لأ انما عايز واحد ماشى بروقان او واحد بيحب يجرى على طريق مفتوح والميزة ان ثبات العربية هيساعده فى السرعات العالية انما شد وغرز وسواقة فى الزحمة .....

وبصراحة عيب فى حق اوبل ان الموتور ده ينزل على الفكترا بى فى الوقت اللى كانت شركات اقل بتنزل مواتير احدث

المشاركة الأصلية كتبت بواسطة mamoud salah h

ماشاء اله الموضوع بقي حلو جدا جدا وبقي فييه معلومات قيمة ويا سلام بقي لو تتكلموا عن الموتور الي عندي الي هو ايكوتك 1.6 مع فتيس مانيوال عشان استفاد منكوا

انا جربت الايكوتك على الاوتوماتيك وكان معقول كاداء احسن بفرق واضح عن الاسود الكامة وكمان انعم
فابالتالى لو نفس الموتور على مانيوال هيبقى اداءه احسن

وجربت الموتور الاسود الـ 2.0 اوتو ... موضوع مختلف تماما

المشاركة الأصلية كتبت بواسطة maam

أه فيه نقطة مهمة افتكرتها وهي اني شوفت كذا كلمة متشابهة لملاك العربية ذات الموتور الإسود الواحد كامة
وهي انه سريع بعد 80 وفي كلام تاني بعد 100

عايز اقول يمكن بتقولوا سريع بعد 80 أو خصوصا الـ 100 بسبب مقارنته بما قبل ، يعني ايه ؟
الجاي ده مثال مش الحقيقي
من 20 لـ 40 أخدت 30 ثانية
ومن 80 لـ 100 أخدت 20 ثانية
ومن 100 لـ 120 أخدت 10 ثواني
طيب جربوا بقى بعد الـ 120 لـ 140 شوفوا هاتاخد وقت قد ايه ؟ هاتلاقوا الوقت زاد وبقى 20 ثانية لأن هنا العزم بدأ يقل بنسبة تدريجية
عكس الأول كان بيزيد بشكل تدريجي لغاية اما وصل لأقصى نيوتن يقدر يوصله

لو فيه حاجة غلط في اللي قولتله ياريت حد يصححلي

جرب تحسب انت بتوصل ١٠٠ بعربيتك فى كام ثايه وابقى اكتب النتيجه هنا .. شكله هايبقى رقم صااادم