اي سؤال عن الدبرياج ان شاء الله مستعد للاجابة

**ياسر ابراهيم** · 20-05-2014 12:57 PM

المشاركة الأصلية كتبت بواسطة mohammad isdf

أنا شاكر جدا لأهتمامك، الحمد لله ركبت طقم جديد كامل ساكس، والحمد لله المشكلة اتحلت واكتشفنا ان قاعدة الفتيس ضاربه زيت وان العصاية عايزة حشو وكمان كانت محتاجه بيض غيارات، وتم حل المشكلة، وكنت بسمع تزييئ جامد فى الدواسة بعد الاستخدام الشاق، فقرأت ف المنتدى مسألة تزييت الواير والدواسة وتم الحمد لله حل المشكلة، التقرير الخاص بالطقم الجديد، إنى احيانا بحس بحكة فى الرابع او الثانى أحيانا، وأحياانا بيبقى حلوين جدا

عايز نصيحة حضرتك فى كيفية النقلة السليمة اللى متأثرش على الدبرياج ، مثلاً انقل لما ال rbm يكون كام؟ وكمان لو هنقل من غيار عالى لغيار واطى، مثلا الطريق هدى وانا كنت ع الرابع وعايز انزل للتانى، أنقل فى أنهى لحظة ؟
وأي نصيحة عند حضرتك فى اسلوب السواقة هيفيدنى كتير

اخ العزيز الف مبروك انك ارتحت من المشكلة دي
بخصوص نقل الغيار و امتي
اول شئ تخلي عينك علي rbm و اذنك علي صوت الموتور عشان تتعود و تصبح النقل من خلالك بطريقة سلسة
تاني شئ متخليش rbm يزيد عن 2000 لفة وخاصة في الغيار اﻻول و التاني و التالت و بعدها تدوس ديبرياج و تنقل في 2 ل 3 ثواني يعني تكون عملية الغيار بسرعة
لو انت شايف انك هتوقف في اشارة اكتر من دقيقة مور علي طول و ما تفضلش دايس ديبرياج
ثالثا الغيارات حسب ظروف الطريق وقوة المحرك و نوعة يعني انك بتطلع علاول لغاية سرعة 10 ك م و بعدين تغير التاني لغاية سرعة 20 و الثالث 30 و الربع 40 و بعد كدة الرابع تمشي لغاية 60 و الخامس تمشي بية بسرعة اعلي المهم انك ماتتجبرش علي العربية و اجيب لاخر الغيار او بالعامية متخليش العربية تصرخ خليك مرن مع عربيتك تابع الصيانة من زيت و الخ ....تعيش معاك و متتعبكش
اما لو هتنزل غيارات تقريبا عكس بند ثالثا
علي الطرق السريعة السرعة المثلي للسيارة 86 الي 90 /95 كم/ساعة في السرعة دي العربية ما بتكلش وقود المحرك مرتاح و اكتر امان والعربية تفضل عفية
التهور في الطلعات و السرعات العالية عواقبة سيئة و تهور ملهوش لزمة و استهلاك اسرع للسيارة و تقليل من عمرها الافتراضي
وبإذن الله ربنا يستر طريقنا و طريقكم و يحمينا من كل سوء

**hazoom2006** · 20-05-2014 03:22 PM

انا كنت ماشى فجاه دواست الدربرياش وقعت تحت والدبرياش فصل منى

طلعت عند الميكانيكى بيقولى ديسك واسطوانة مكسورين

**ياسر ابراهيم** · 20-05-2014 11:34 PM

المشاركة الأصلية كتبت بواسطة hazoom2006

انا كنت ماشى فجاه دواست الدربرياش وقعت تحت والدبرياش فصل منى

طلعت عند الميكانيكى بيقولى ديسك واسطوانة مكسورين

لو كان عندك الديبرياش علي واير فاحتمال الواير اتقطع
اما لو هايدرولك فمكن يكون الزيت سرب من ماسورة اواماكن التوصيل او من الماستر
لكن تشخيص الميكانيكي ممكن يكون صح لو السوستة الدائرية الموجود في الدسك اتكسرت ودة الاحتمال الاخير لكن في حالة لو انكسر سوست الدسك العربية مش هتتحرك من مكانها لان حركة المحرك مش هتوصل للفتيس
اما الاسطوانة لو انكسرت هي او الدسك العربية مش هتتحرك من مكانها للاسباب السابق ذكرها

**ahmedfouad** · 21-05-2014 10:52 AM

موضوع ممتاز
ومجهود اكثر من رائع
الف شكر ا/ابراهيم

**hafizahmad** · 22-05-2014 12:53 AM

المشاركة الأصلية كتبت بواسطة hafizahmad

شكرا لحضرتك استاذ ابراهيم وانا كان واحد قالى هات الأول وحاول تطلع بالعربية وانت شادد فرامل اليد لو طلعت يبقى الديسك والأسطوانة سلام وتمام فهل الكلام دة صح ؟؟

طيب لية اقيس زيت الفتيس هل ممكن يكون المشكلة دية بسببة وثانيا انا جربت الموضوع اللى قلت لحضرتك علية انى طلعت على الأول والرابع كمان وانا شادت فرامل اليد والعربية اتحركت فهذا معناة ان الديسك والأسطوانة تمام يبقى المشكلة دية بقى من اية ؟؟؟؟ والف شكر للاهتمام والرد

**ياسر ابراهيم** · 22-05-2014 08:36 PM

المشاركة الأصلية كتبت بواسطة hafizahmad

طيب لية اقيس زيت الفتيس هل ممكن يكون المشكلة دية بسببة وثانيا انا جربت الموضوع اللى قلت لحضرتك علية انى طلعت على الأول والرابع كمان وانا شادت فرامل اليد والعربية اتحركت فهذا معناة ان الديسك والأسطوانة تمام يبقى المشكلة دية بقى من اية ؟؟؟؟ والف شكر للاهتمام والرد

ضعف الديبرياش عادة ميبنش علي السرعات البطيئة لكن بيكون واضح علي السرعة و انا رايي تفك الديبرياج و تشيك عليه
المشكلة اخي العزيز ممكن حاجات كتير بس انا بغطيلك الحاجة اللي بفهم فيها و هي الديبرياج
وانا نصحتك تغير اسلوب القيادة يعني ما متفضلش دايس علي الديبرياج اكتر من ثواني و خاصة في الزحام او اﻻشارة عشان الدسك ميسخنش و حديده يقل قوتة ..
والخبيط و الرزيع احيانا بتكون من قواعد المحرك او في عيب في الفتيس
اما قياس زيت الفتيس دة شئ مهم جدا و ميكنش زايد عن مستواه لربما يرشح من الاولسيهات وﻻ يكون ناقص تروس الفتيس تاكل في بعض
ورايي انك تشوف زيكانيكي شاطر عشان يشخصلك و يحدد المشكلة
بالتوفيق

**Ramy_2R** · 22-05-2014 08:54 PM

السلام عليكم
انا عندي عربيتي دايهاتسو سيريون عاملة 67 الف كيلو
المشكله ان الدبرياج تقيل
و عتقدش السبب هو الواير لأن رده فعل الدواسه قوي بردوا
و العربيه سحبها كويس جدا حتى مع الحرق و السرعات
تفتكر ممكن يكون السبب أيه ؟

**ياسر ابراهيم** · 24-05-2014 09:04 PM

المشاركة الأصلية كتبت بواسطة ramy_2r

السلام عليكم
انا عندي عربيتي دايهاتسو سيريون عاملة 67 الف كيلو
المشكله ان الدبرياج تقيل
و عتقدش السبب هو الواير لأن رده فعل الدواسه قوي بردوا
و العربيه سحبها كويس جدا حتى مع الحرق و السرعات
تفتكر ممكن يكون السبب أيه ؟

اخي الفاضل موضوع تقل الدواسة بيكون من حاجات كتير
اذا كان واير فممكن الواير و محاور الرافعات او المفاصل او اجزاء الاحتكاك بتعوز تتزيد بزيت تقيل لان نظام الدواسة يعتبر رافعة من النوع الثاني حاول تشوف اشكال انواع الروافع
الخلاصة دواسة الدبيرياج من النوع الثاني محورة قبل اخر الدواسة من فوق المفصل دة بيحتاج تشحيم خفيف والواير كمان يتزيت بزيت تقيل و في رافعة تانية الميبت عليها البلية هيخفف من تقل الدواسة
وعامة علي حسب خبرتي في الديبرياج معظم الديسكات في العربيات الياباني بتكون مقواية يعني اكتر قوة من باقية الديسكات في الانواع الاخري عدا الاودي
بمعني كلما زادت قوة الدسك زادت المقاومة وزادت قوة الدعسة اي تحس بتقل في الدواسة فاقصي حاجة تزيت الواير و المحاور اكتر من كدة مش هتقدر تعمل حاجة الا اذا حصلت علي ميكانيكي فنان يلعب و يطول دراع الشوكة المثبت عليها البلية لاقصي حد ممكن ان امكن بكدة تقدر تخفف تقل الدواسة والله اعلم
بالتوفيق

**hafizahmad** · 02-06-2014 12:41 AM

المشاركة الأصلية كتبت بواسطة ياسر ابراهيم

ضعف الديبرياش عادة ميبنش علي السرعات البطيئة لكن بيكون واضح علي السرعة و انا رايي تفك الديبرياج و تشيك عليه
المشكلة اخي العزيز ممكن حاجات كتير بس انا بغطيلك الحاجة اللي بفهم فيها و هي الديبرياج
وانا نصحتك تغير اسلوب القيادة يعني ما متفضلش دايس علي الديبرياج اكتر من ثواني و خاصة في الزحام او اﻻشارة عشان الدسك ميسخنش و حديده يقل قوتة ..
والخبيط و الرزيع احيانا بتكون من قواعد المحرك او في عيب في الفتيس
اما قياس زيت الفتيس دة شئ مهم جدا و ميكنش زايد عن مستواه لربما يرشح من الاولسيهات وﻻ يكون ناقص تروس الفتيس تاكل في بعض
ورايي انك تشوف زيكانيكي شاطر عشان يشخصلك و يحدد المشكلة
بالتوفيق

شكرا للرد جدا

**ياسر ابراهيم** · 04-06-2014 10:37 PM

المشاركة الأصلية كتبت بواسطة ahmedfouad

موضوع ممتاز
ومجهود اكثر من رائع
الف شكر ا/ابراهيم

تسلم يا استاذ احمد نرجوا من الله ان نساعد الاخوة و لو بالقليل
دومت بخير

الموضوع: اي سؤال عن الدبرياج ان شاء الله مستعد للاجابة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

بفضل الله تم تغيير مجموعة الدبرياج

....كيف تنتخب . كن مستعد ....

مين مستعد ؟؟؟؟؟

سؤال فى الدبرياج مهم جدا

الكلمات الدلالية لهذا الموضوع

المفضلات

المفضلات

ضوابط المشاركة