اشتغلت ايام الدراسه ؟ طب في الاجازه حتى ؟ تعالى اقولك انا اشتغلت ايه ..!!!

**eslamrace** · 31-03-2014 05:21 AM

بعد التحيه والتقدير لجميع الزملاء المناضلين
انا كنت دايما شريك مع اخويا فى مشاريع فايام لما كنت فى اعدادى شاركت اخويا فى مشروع cd writer اشتريناه من تحويشه العمر واقترضنا جزء من الحاجه وكنا بننسخ اسطوانات للاصدقاء والمدرسين وكانت شغلانه زى الفل لحد لما انتشر الموضوع وبقى مش جايب همه ثم انتقلت للمرحله الثانويه والواحد ابتدى يحب مجال العربيات فشاركت اخويا فى مشروع توزيع منتجات "اكسسوارات عربيات " فبمساعده صديق للعائله كنا بنشتري كميات "مش كبيره" باسعار معقوله بتوسطه لينا عند التجار ونرجع نبيعها قطاعى ثم انتقلنا لمشروع تانى "اكثر ربحا" وكان عمل المدليات والسلاسل والحظاظات وخلافه وتغليفها وبيعها والموضوع اتطور لصب التحف بتاعه السبوع مع صديق لينا ولكن بعد انتشار المنتجات الصينى باسعار صعب التنافس معها خاصه مع الجوده الاعلى انتقلنا لتجاره الملابس حتى الان .
ويا عالم ايه حيجرى بعد كده ههههههههههههههه.

**a_nbm** · 31-03-2014 12:53 PM

ربنا يبارك فيكوا
طبعا اكتشفت ان الموضوع جميل جدا لأنه هايعرفنا على قصص كفاح جامده جدا
ياريت تكتبوا قصصكم عشان كلنا نستفيد
وطبعا مش لازم يكون المكسب الوحيد في السن ده هو الفلوس وبس ... لاااااااااااااا
في خبرات كتير مش هايحس بيها ولا يفهمها الا اللي اشتغل بنفسه واكتسبها

طبعا دا رد سريع كده ولكن .... انا فعلا هارد على كل مشاركه لوحدها
لان فعلا القصص مشوقه وجميله
مش القصص الماسخه اللي بنشوفها في افلام اليومين دول

ونسيت اقولكم اني اشتغلت كمان مساعد مبلط سيراميك و بعمل سندويتشات على عربيه كبده وسجق

ياريت كل اللي عنده تجربه يحكيها
واللي ماعندوش ياريت يقول رأيه في الموضوع ......... وهو شايف الموضوع ازاي
عشان معانا شباب صغير هنا ممكن يستفيد من خبراتنا دي ونختصر عليه وقت ومجهود كبييير

ع الهامش كده ... انا مهندس خبره تسع سنين وشغال في مكان كبييير جدا
بس لما بفتكر الحاجات دي بكون فخور جدا وسعيد جدا بيها
ومعنديش اي غضاضه اني احكيها لأي حد رغم مكاني ومركزي دلوقتي
فعلا الموضوع بعد مشاركتكوا وحكايتكوا بقى جميل
ومستني بقيه الأعضاء

شكرا

**salodas** · 31-03-2014 01:42 PM

(علمتنى الحياة)

السلام عليكم ورحمة الله وبركاته .
وأنا صغير بداية من 2 اعدادى لغاية 3 جامعة لم افوت اجازة الا واشتغلت فيها .
وعشان هى شغلانات كتير لكم عندى كل يوم حكاية شغله مع مواقف لا انساها .
لو حد حابب يعرف أول شغلانه ... يشجعنى !! وصدقونى الكل هيستمتع لأننى اصلا لما بفتكر الحاجات دى بكون سعيد جدا .
على الهامش برضو.. ههههههه... أنا حاليا شغال مع أكبر شركة بترول في العالم .

كل يو

**مصطفى-حسن** · 31-03-2014 02:27 PM

المشاركة الأصلية كتبت بواسطة salodas

(علمتنى الحياة)

السلام عليكم ورحمة الله وبركاته .
وأنا صغير بداية من 2 اعدادى لغاية 3 جامعة لم افوت اجازة الا واشتغلت فيها .
وعشان هى شغلانات كتير لكم عندى كل يوم حكاية شغله مع مواقف لا انساها .
لو حد حابب يعرف أول شغلانه ... يشجعنى !! وصدقونى الكل هيستمتع لأننى اصلا لما بفتكر الحاجات دى بكون سعيد جدا .
على الهامش برضو.. ههههههه... أنا حاليا شغال مع أكبر شركة بترول في العالم .

كل يو

اتفضل ياباشا
احنا سامعينك
وفية ناس كتير متابعة الموضوع

**elhelwany188** · 31-03-2014 02:52 PM

المشاركة الأصلية كتبت بواسطة salodas

(علمتنى الحياة)

السلام عليكم ورحمة الله وبركاته .
وأنا صغير بداية من 2 اعدادى لغاية 3 جامعة لم افوت اجازة الا واشتغلت فيها .
وعشان هى شغلانات كتير لكم عندى كل يوم حكاية شغله مع مواقف لا انساها .
لو حد حابب يعرف أول شغلانه ... يشجعنى !! وصدقونى الكل هيستمتع لأننى اصلا لما بفتكر الحاجات دى بكون سعيد جدا .
على الهامش برضو.. ههههههه... أنا حاليا شغال مع أكبر شركة بترول في العالم .

كل يو

انا جهزت السودانى واللب وقاعد أهوه مستنى حد عايز لب ...

**mohamed salhin** · 31-03-2014 03:14 PM

انا شاب وعاوز اشتغل ايه افضل شغل مع العلم انا ساكن فى الاقصر والسياحه زى الزفت هنا ومش لاقى شغل ؟؟
ايه العمل ؟

**ganash** · 31-03-2014 03:29 PM

السلام عليكم ورحمه الله وبركاته

انا شغال من وانا فى اولى اعدادى فى الاجازات علشان الدراسه اول شغلانه كانت فى النقاشه اشتغلتها فتره كبيره لحد ما اتعلمت منها حاجات كتير وبعدين مصنع كارتون كان عاوز عمال اشتغلت فيه روحت يوم واحد بس كانت معامله صاحب المصنع مش كويسه مع الناس والعمال كان اليوم بـ 12 جنيه سيبته ورحت مصنع ملابس كان جلاليب رجالى لما الجلبيه بتتعمل بيبقى فيه بواقى خيوط كده وتفتح للجيوب كنت اقعد طول النهار ماسك المقص اقعد اقص الخيوط دى صاحب المصنع كان بيعزنى علشان كنت ملتزم وبشوف شغلى من سكات كانت الناس الى معانا بتقعد توقع بينى وبينه لغيه ما سبته بعدها اشتريت طرابيزه بنج كان ايامها مكنتش منتشره عندنا لانى عايش فى قريه عملت مبلغ كويس منها ودخلت الثانوى والدى رفض انى اشتغل واهتم بالمذاكره وانا فى ثانيه كليه طلعت رخصه وكنت شغال مع واحد فى تجاره الجمله جبت عربيه سوزوكى ميكروباص وطلعت معاه بيها بيوزع بضاعه على المحلات ولغيه دلوقت شغال فيها لحد ما ربنا يكرم بحاجه افضل انا سنى 23 سنه

**الجنرال** · 31-03-2014 04:28 PM

انا عيني دمعت وانا بقرأ قصصكم

انا بالنسبالي كل اخواتي كانوا معترضين على فكرة اني انزل الشغل والناس هتقول علينا ايه والجو ده

اصريت اني انزل ..

اول حاجة اشتغلتها كنت بغسل عربيات .. في ثانوي

بعدها قلت ادور على اي محل اشتغل فيه .. وساعتها ربنا كرمني بشغلانة خدمة عملاء كول سنتر فى شركة محترمة

والحمد لله على كل حاجة والحمد لله على النعمة اللى الواحد فيها

وطبعا طبعا من غير تفكير .. هخلي اولادي ينزلوا يشتغلوا من صغرهم

**boomboomzoro** · 31-03-2014 05:29 PM

السلام عليكم:
الموضوع جميل جدا و أكتر ما يسعدني أن جميع المشاركين إتفقوا علي شيئين
فخرهم و إعتزازهم بهذه الذكريات الجميله و عدم الخجل من ذكرها لأبنائهم و ذويهم
شكرهم لله علي النعمه الحاليه التي وصلوا إليها

ليتنا نسمو بأخلاقنا جميعا و نركز علي ما يجمعنا بعد أن تفرقنا كثيرا و لنأخذ القدوه من النماذج الصالحه و نتجنب الطالحه

كنت أعتقد أني صاحب قصه كفاح و لكن بعد ما قرأته إكتشفت أني كنت أعيش الترف

جزاكم الله خيرا

-

الموضوع: اشتغلت ايام الدراسه ؟ طب في الاجازه حتى ؟ تعالى اقولك انا اشتغلت ايه ..!!!

LinkBack

أدوات الموضوع

عرض

-

-

-

-

المواضيع المتشابهه

الحمد لله اشتغلت في مجالي

عتريس والجنونه اشتغلت :)

المخالفات اشتغلت ياوحوش

اشتغلت او شغال في السعوديه؟

المريلاند اشتغلت ولا لأ ؟

الكلمات الدلالية لهذا الموضوع

المفضلات

المفضلات

ضوابط المشاركة