الموضوع: ونش شوكة ريح على الرفرف الأمامى و أنا راكن جنب الرصيف !

بص الموقف ده حصل معايا مثله

راكن عربيتى قدام بيتى فى الامان

سمعت طاخ طيخ طاخ مرات كثيره لكن ماتوقعتش ان كل ده على العربيه وبعدين بعد فتره بابس من البلكونه لقيت عربيه انابيب وهى ماشيه بسبب اعمال الهباب والحفر بتاع الغاز خلت كل الانابيب تطير من العربيه وهات ياصطدام فى عربيتى

طبعا انا ماعرفتش غير وهمه بيلموا فى الانابيب

نزلت لقيت شويه خدوش بسيطه وانبعاجات صغيره فى الصاج

حمدت ربنا انها جت على كده وزعقت للسواق قال ماحصلش حاجه يابيه وكلاده والعربيه ماحصلهاش حاجه

المهم سيبته مشى

مره ثانيه كان الموقف العكس انا اللى لبست فى عربيه بيجو صالون وكسرت له الفوانيس

بصراحه الراجل عمل حكايه وانا قلت له اللى انت عايزه خده لانى انا الغلطان وفعلا قبل وخد منى ثمن اللى اتكسر وعلى فكره خده كمان مضاعف لانه لقاها فرصه بس انا كان كل همى انى اخلص من الموقف

فالاصل فى الشئ وده عن الرسول صلى الله عليه وسلم

من افسد شئ فعليه اصلاحه

وهذا لايعد عوض بل اصلاح ماافسده هو

ولكن العمليه فى الاخر تقديريه لان الله يقول فمن عفى واصلح فأجره على الله

وتذكر دائما انه ربما بهذه الاشياء البسيطه التى تحدث لك قد تكون فداء لك من الله بشئ اكبر وافظع قد يحدث لك

فدائما نقول الحمد لله وقدر الله وماشاء فعل والعفو عند المقدره افضل خصوصا ان كنت ترى من ظلمك او اعتدى عليك ضعيفا او فقيرا

اللى غلط لازم يصلح غلطته واللى حيتساهل حيتسبب انهم يطيحوا زى ما هما عايزين

يا ريت يا جماعة محدش يتساهل مع اى حد بيغلط

ياما حصلت معايا المواقف اللى تحرق الدم دى معلش قدر الله و ما شاء فعلط

بس حرام برده كنت احتسبت حقك عند ربنا و خلاص ..

المشاركة الأصلية كتبت بواسطة ibrahimsaad

فالاصل فى الشئ وده عن الرسول صلى الله عليه وسلم

من افسد شئ فعليه اصلاحه

وهذا لايعد عوض بل اصلاح ماافسده هو

فدائما نقول الحمد لله وقدر الله وماشاء فعل والعفو عند المقدره افضل خصوصا ان كنت ترى من ظلمك او اعتدى عليك ضعيفا او فقيرا

هما الكلمتين دول الخلاصة فعلا

المشاركة الأصلية كتبت بواسطة Hassan Khalil

ربنا يعوض عليك بالخير
و اهه صدقة عن صحتك و عافيتك :)

مخالفة للقاعدة رقم 6ب

مشرف المنتدى العام

مش هتبيع الجركن بقا