ونش شوكة ريح على الرفرف الأمامى و أنا راكن جنب الرصيف !

**limo** · 13-10-2008 01:44 AM

-انا مع الراى ان من افسد شئ فعليه اصلاحه
قبول العوض او عدم قبول العوض ده بيرجع لاختيارك انت بالدرجه الاولى
بما انك قلبت العوض فانت ماعلطتش
ده من الناحيه النظريه
-من الناحيه الانسانيه
طلما الواد غلبان وشغال صبى وربنا اعلى واعلم بظروفه يبقى من الناحيه الانسانيه كنت تسيبه وتعفو فالعفو عند المقدره
-من الناحيه التأدبيه اهمال الواد واستهارته بقايده سياره غير مملوكه له فالى انت عملته ده صح علشان ياخد باله بعد كده وميبوظش املاك الناس الى ربنا يعلم همه عملوها ازاى
-بس فيه سؤال هل فعلا الخبطه هتكلف فعلا مبلغ ال 100 جنيه بتوع الزيت
اصل لو اتكلفت اقل انت ملزم انك ترجع له الباقى طبقا للامانه
ولو اتكلفت اكتر انت مش مطالب بحاجه

**Rsarabia** · 13-10-2008 02:15 AM

المشاركة الأصلية كتبت بواسطة limo

-انا مع الراى ان من افسد شئ فعليه اصلاحه
قبول العوض او عدم قبول العوض ده بيرجع لاختيارك انت بالدرجه الاولى
بما انك قلبت العوض فانت ماعلطتش
ده من الناحيه النظريه
-من الناحيه الانسانيه
طلما الواد غلبان وشغال صبى وربنا اعلى واعلم بظروفه يبقى من الناحيه الانسانيه كنت تسيبه وتعفو فالعفو عند المقدره
-من الناحيه التأدبيه اهمال الواد واستهارته بقايده سياره غير مملوكه له فالى انت عملته ده صح علشان ياخد باله بعد كده وميبوظش املاك الناس الى ربنا يعلم همه عملوها ازاى
-بس فيه سؤال هل فعلا الخبطه هتكلف فعلا مبلغ ال 100 جنيه بتوع الزيت
اصل لو اتكلفت اقل انت ملزم انك ترجع له الباقى طبقا للامانه
ولو اتكلفت اكتر انت مش مطالب بحاجه

حتى لو هتتصلح ب 80 جنيه فمش حرام انه ياخد حاجة ب 100 جنيه لان ببساطة يا سيدى الفاضل التصليح و الرش و الكلام دا هينقص من تمن العربية و هتبقى كدا مخبوطة و اللى هيشتريها يقولك دى كانت مخبوطة من هنا ساعتها مش هتقعد تقوله اصل ونش كان معدى خبطها هى خلاص كدا نزل من سعر العربية كتير فحتى لو خد بزيادة هو بردو الخسران دا :err:

**limo** · 13-10-2008 02:26 AM

المشاركة الأصلية كتبت بواسطة Rsarabia

حتى لو هتتصلح ب 80 جنيه فمش حرام انه ياخد حاجة ب 100 جنيه لان ببساطة يا سيدى الفاضل التصليح و الرش و الكلام دا هينقص من تمن العربية و هتبقى كدا مخبوطة و اللى هيشتريها يقولك دى كانت مخبوطة من هنا ساعتها مش هتقعد تقوله اصل ونش كان معدى خبطها هى خلاص كدا نزل من سعر العربية كتير فحتى لو خد بزيادة هو بردو الخسران دا :err:

انت معاك حق فعلا
بس هل لو حصل العكس وانت خبطت عربيه وانت الغلطان هل هتدفع ثمن تصليح العربيه بالاضافه انك هتعوض الراجل عن كون العربيه رشت رفرف فده هينقص من سعرها لما يبعها ؟

**ahmedsrs** · 13-10-2008 06:19 AM

الحمد لله صلحت العربية تم استعدال الرفرف على البارد مع استعدال الأكصدام بس طبعا منظر العربية بقى يجيب الأكتئاب وطبعا مش هرش هسيبها بخربيشها والتكلفة حوالى 40 جنيه بعد الفصال وبالنسبة لجركن الزيت هبيعه والباقى من فلوسه هطلعه لله

**ahmedsrs** · 13-10-2008 06:27 AM

انا طبعا يما اتعرضت لمواقف ذى دى بس كنت بطنش بس والله حرام كفاية العطلة والوقفة فى الشمس لازم يكون فى وقفة لحالة الا مبالاة الموجودة عندنا يعنى لو حد من الواقفين كان قال كلمة مفيدة يعنى مثلا دى هتتكلف كذا وانت تشيل نصف التكلفة والواد اوصاحب الونش النص التانى كان الواحد كبر دماغة

**mondy2010** · 13-10-2008 06:40 AM

ع فكرة انت كان ممكن تنزل بعد الواد ما يمشي و ماتلاقيش حد تاخد منة فلوس ولا زيت
انا بعزرك ع تصرفك بس برضة صعبان علية الميكانيكي الغلبان
ربنا يعوض عليك و علية

**hisham343** · 12-03-2009 06:56 AM

يا جماعه في حاجه اسمها احتياطات لاي شي وممكن بنفس المنطق واحد من الغلابه المهملين دول يتسبب في ازهاق روح ادميين لازم لما واحد يشتغل شغلانه يكون قدها علشان ميضرش الناس مشممكن يعني ممرض يعمل لواحد عمليه في القلب ولما يموته نقول معلهش يا جماعه ده غلبان وماكنش واخد باله الاستخفاف بالحجات دي هوه اللي مودي بلادنا في داهيه العواطف زياده عن اللزوم بتضر احيانا لازم يكون فيه حزم الله ينور عليك ياابو حميد في اللي عملته وانا متاكد ان الولد ده مشهيستهتر تاني ممكن كده تكون انقذت حياة ناس.

**Terrible_DaRsH** · 12-03-2009 07:25 AM

انا لو مكانك :
لو الواد اعتذر وقال انه مش قصده وكان غلبان فعلا يبقي خلاص العوض على الله ومزعلش كمان .
لكن لو بلطج وقل ادبه يبقي اعمل اكتر من كده 100 مرة ..

**lonedoctor** · 12-03-2009 08:30 AM

اولا نظرية انه واد غلبان دى فاشلة لانه اى ميكانيكى فى مصر دخله الشهرى من 7000 جنيه وانت طالع
ثانيا حتى لو انه واد غلبان موش معنى كده يكسر عربيات الناس لازم ياخد عقابه علشان يتعلم الادب غنى ولا فقير