أنا جبت على طريق أسيوط الجديد وأنا نازل من على جبل الحلال بعد بني سويف وقبل المنيا ... واللى بيمشوا على الطريق عارفين قد إيه الجبل ده رهيب وعالي ومرعب والمنظر من فوقه آية في الجمال وانت نازل في اتجاه المنيا ... وبرضه الناحية التانية مش وحشة بس منزلها أنعم شوية
المهم جبت بيها 170 ك/س ... ودي كانت مرة واحدة للتجربة ومكررتهاش تاني وكان ساعتها اتجاة الريح معايا
ولما بكون طالع الجبل ده العربية بتجيب آخرها 110 - 120 لو الريح معاك ... 100 بالكثير قوي لو الريح ضدك على النقلة الرابعة مش الخامسة ... وعلى فكرة حالها وأنا طلع بيكون أحسن من حال عربيات كتير منها بتطلع معايا زي الكورولا وكمان الإلنترا الجديدة والبيجو 405 ... كل الكلام ده كان بيقع ورا وأنا طالع سابقهم
... المعتاد آخر العربية 140 على الطريق العادي وصوتها بيكون عالي ومزعج والموتور بيتعذب ... بس عمرها ما قلت بأصلها معايا برم إني كنت بقرص عليها في السفر جامد
120 فيها مش وحش بس برضه صوت الموتور عالي شوية وعموما دي أقصى سرعة قانونية مسموح بيها على طرق مصر وأنا مش من هواة كسر سرعة الـ 120 بأي حال من الأحوال إلا مرات نادرة
المفضلات