الموضوع: مشكلة عويصة فى دورة تبريد كيا سيراتو 2010

روحت لبتاع رادياتير مشهور اسمه صلاح فى الزقازيق بحكم شغلى هناك وقال الموضوع ده مشهور فى العربيات الكورى زى السيراتو ومش مشهور فى اليابانى بسبب الترموستات اللى بيفتح متاخر بعد المروحة ماتشتغل وعشان كده بيفضل قافل الا لو حرقت على العربية وانت مسافر بيبقى الحرارة عليت والطرمبة تقلب المياه السخنه فتجبره يفتح بالعافية

المشاركة الأصلية كتبت بواسطة mr_daredevil

عملت النهاردة اختبارات لجوان وش السلندر والحمد لله مافيش جوان ولا حاجة

الحمد لله ..

ايه هو الاختبار ده و هل هو موثوق 100%

المشاركة الأصلية كتبت بواسطة tasaka

الحمد لله ..

ايه هو الاختبار ده و هل هو موثوق 100%

عمل كبس للدورة ولقى مافيش تسريب

فتح غطا الرادياتير وخلانى القط مارش من غير مادور كذا مرة
قعد يشم ريحة الشكمان
وقالى ازاى العربية
تجيب جوان والعربية عمرها ماسخنت والمياة مابتنقص

تشخيص السخونه و اختبارات

طريقه لاختبار تسريب الجوان
من الدقيقه 17 معلومات جيده عن غطاء الرادياتير
من الدقيقه 21 اختبار تسريب الجوان

https://www.youtube.com/watch?v=hUzOTnsWImI


مثال عن مسمار اخذ الهوا فى بعض العربيات ( شكل صاموله ) الدقيقه 5

https://www.youtube.com/watch?v=9P-hEJIBpy8

عمل كبس للدورة ولقى مافيش تسريب

لو غطا الرادياتير موش كويس .. العربيه تسخن بالرغم ان كبس الدوره حيكون سليم ..
شوف الفيديو الاول .. غطاء الرادياتير

وقالى ازاى العربية تجيب جوان والعربية عمرها ماسخنت والمياة مابتنقص

- انت فى اخر كام رد قلت العربيه عمرها ما سخنت .. و عمرالعداد ما وصل للنصف ؟؟ .. يبقى ازاى اعتبرت العربيه بتسخن ؟؟


رأيى الشخصى ( غير مؤكد ) الاتى :
- كون الخرطوم اللى خارج من الرادياتير ابرد قليلا من الاخر ( و ليس بارد تماما ) .. اعتقد ده المفروض يبقى طبيعى بعد ان تم تبريد الميه !! ؟؟

- كون العربيه مع الحمل الشديد على الموتور .. المروحه تطول شويه فى الشغل .. اظن ده طبيعى لان الحمل الزائد نتجت عنه حراره اكتر !! ؟؟

- ما تنساش انك بتعمل الاختبارات دى بالميه العاديه و لم تغيرها بميه مبرده ( اخر ردودك انك وضعت ميه مقطره فقط )

- دوره التبريد بتكون تحت ضغط علشان غطا الراديتير .. فازاى المهندس علرف ان ده ضغط هوا موش ميه ؟؟


اساس المشكله فى اول الموضوع

تضح ان المشكلة مشكلة سخونية والمروحة شغالة على طول والميكانيكى قال ترموستات الكوعة غيرته ونضفت
دورة التبريد كلها والمفاجأة الغير سارة ان المروحة برده مابتفصلش وبالتالى الموتور مابيسحبش والترموستات مابيفتحش عشان المروحه شغاله على طول...

احتمال كبير يكون الثرموستات كان بايظ او الميه عايزه تتغير او وساخه فى الدوره عملت السخونه .. بس انت قلت العربيه عمرها ما سخنت

هل ممكن كل اللى حصل ده ان الثرموستات كان راكب غلط بعد تغييره اول مره مثلا ؟؟ .. او ان الدوره فيها هوا

عموما انت عندك طريقه اختبار تسريب الجوان .. و خليك مراقب العربيه كويس فى الايام اللى جايه .. زياده اطمئنان

بالتوفيق

المشاركة الأصلية كتبت بواسطة tasaka

لو غطا الرادياتير موش كويس .. العربيه تسخن بالرغم ان كبس الدوره حيكون سليم ..
شوف الفيديو الاول .. غطاء الرادياتير

- انت فى اخر كام رد قلت العربيه عمرها ما سخنت .. و عمرالعداد ما وصل للنصف ؟؟ .. يبقى ازاى اعتبرت العربيه بتسخن ؟؟

اعتبرتها بتسخن لما كانت بتبطل والمروحة تفضل شغالة متواصل سرعة تانية مابتفصلش
رأيى الشخصى ( غير مؤكد ) الاتى :
- كون الخرطوم اللى خارج من الرادياتير ابرد قليلا من الاخر ( و ليس بارد تماما ) .. اعتقد ده المفروض يبقى طبيعى بعد ان تم تبريد الميه !! ؟؟

لا الخرطوم كان بارد تماما وليس دافىء
- كون العربيه مع الحمل الشديد على الموتور .. المروحه تطول شويه فى الشغل .. اظن ده طبيعى لان الحمل الزائد نتجت عنه حراره اكتر !! ؟؟
بس مش تفضل شغاله بعد مالعربية تقف ربع ساعة ونفتح الكبوت ونلاقيها لسة شغالة سرعة تانية والعربية على p
- ما تنساش انك بتعمل الاختبارات دى بالميه العاديه و لم تغيرها بميه مبرده ( اخر ردودك انك وضعت ميه مقطره فقط )
لا تم الاختبار على مياه خضراء موبيل
- دوره التبريد بتكون تحت ضغط علشان غطا الراديتير .. فازاى المهندس علرف ان ده ضغط هوا موش ميه ؟؟

الخرطوم كان سهل الضغط كانه هواء مش مياه
اساس المشكله فى اول الموضوع
احتمال كبير يكون الثرموستات كان بايظ او الميه عايزه تتغير او وساخه فى الدوره عملت السخونه .. بس انت قلت العربيه عمرها ما سخنت

هل ممكن كل اللى حصل ده ان الثرموستات كان راكب غلط بعد تغييره اول مره مثلا ؟؟ .. او ان الدوره فيها هوا
ممكن
عموما انت عندك طريقه اختبار تسريب الجوان .. و خليك مراقب العربيه كويس فى الايام اللى جايه .. زياده اطمئنان

بالتوفيق

المهم عم صلاح قال انه بيعمل حاجة كده مخترعها بنفسه فى السيراتو ..انه بيحيب الترموستات وبيعمل فيه فتحتين صغيرين اوى على المخرطه واحده فوق جنب البلف وواحده تحت وكل حاجة بتظبط والمروحة بترجع تشتغل سرعه اولى وبتفصل..الا طبعا لو الحرارة عليت اوى او شغلت التكييف هتشتغل سرعة تانيه


اتكلت على الله وقولتله يشتغل
والنتيجة الحمد لله تمام☺☺☺☺
كله رجع على طبيعته ..والترموستات راكب
ةالظاهر ان الموضوع فى الاخر موضوع هواء وترموستات اصلى
بسى فى حاجه عاوز اعرفها هو لو العربية فيها جوان يبقى مافيش حاجة هاتفرق لو الترموستات موجود او لا يعنى فى الحالتين العربية هتسخن والمياه تنقص ...صح ولا ايه