عربيتى اصيلة واعطالها مش كتير والحمدلله لان ايدى فيها وحمالة اسية باستخدمها فى مشاويرى الخاصة فقط (مبروحش بيها الشغل)وطبعاً عندنا فى السويس المحافظة مش كبيرة فمبحرقش كتير بيها وبسافر بالاتوبيس وكنت فى مأمورية بقالى شهرين ما بين السويس والقاهرة بس الحمدلله رجعت لشغلى الاساسى فى السويس مبغسلهاش كتير فى الشتا علشان البارومة يدوب فوطة مبلولة ميه وعليها نقطة جاز وبعصرها كويس وانظفها وبحافظ عليها من الداخل جداً ولسه عاملها عمرة محرك مع انى من ساعة ما جبناها معملناش فيها حاجة والمحرك عندى عشرة على عشرة والحمدلله والبركة فى الميكانيكى المحترم جداً والغالى جداً وجايبلها اسبراتير جديد وبطارية جديدة وكاوتش جديد وفرش داخلى جلد مش ناقص غير سمكرة والدهان ( والعفشة والبركة فى اخويا كان طاحن العربية فى النقطة دى ) بس دلوقتى اخدتها ليا خالص وربنا يسهل ولو تفتكر اول ما طبقوا قانون المرور الجديد كنت بالبس الحزام لقيت واحد بيتريق وانا بركن وبيقول هو ليه لابس الحزام هو فاكر نفسه راكب طيارة مع انى المرة الوحيدة اللى سافرت بيها جبت 150 كم/ساعة على طريق مصر السويس لمدة 3/1 ساعة كنت بجربها بس دلوقتى 80 وبس وشكراً