انت تسأل وإستشاري منتدى متسوبيشي يجيب (2)

**yasser12345** · 26-01-2011 09:53 PM

السلام عليكم
المهندس طارق
هل فية مشكلة عندما يتم التغير من زيت معدني (موبيل xhp) الي زيت تخليقي(موبيل وان)
بومه 1600 موديل 2008 عداد 75000كم
وجزاكم الله خيرا

**S.S.E** · 27-01-2011 09:47 PM

كنت عايز أعرف أسعار الانسر 1600 البومه موديل 2011 جميع أسعارها المصرى والخليجى بجميع فئتها فى المنتدى كله دورت مفيهوش أسعار.

أرجو الأفاده

**Hikayat** · 07-02-2011 09:17 AM

كنت عاوز اسال حضرتك هوه الشغل انتظم تاني عندكوا ولا ايه ؟
لاني كنت عاوز اعدي عليكم علشان اعمل معاينه زي ما حضرتك قلتلي في التوبيك ده
http://www.nilemotors.net/Nile/192622-a-3.html

**مصراوي جدا** · 09-02-2011 10:01 AM

المشاركة الأصلية كتبت بواسطة yasser12345

السلام عليكم
المهندس طارق
هل فية مشكلة عندما يتم التغير من زيت معدني (موبيل xhp) الي زيت تخليقي(موبيل وان)
بومه 1600 موديل 2008 عداد 75000كم
وجزاكم الله خيرا

لأ مفيش اي مشكلة واحنا اصلا بننصح ان الزيت المناسب للموديلات الحديثة هو التخليقي أنه كمان بيقعد نفس فترة الصيانة 10 آلاف كيلو وبالتالي مش بحتاج تعمل اي حاجه في العربية ما بين الصيانات بخلاف البنزين

المشاركة الأصلية كتبت بواسطة s.s.e

كنت عايز أعرف أسعار الانسر 1600 البومه موديل 2011 جميع أسعارها المصرى والخليجى بجميع فئتها فى المنتدى كله دورت مفيهوش أسعار.

أرجو الأفاده

سمارت كار الشربك الثالث للخرافي الوكيل الجديد كان على وشك ينزل المصري 2011 بسعر 128 الكاملة سبورت انما مش متذكر باقي الأسعار
أما الخليجي فشركة الرواس بتجيبها بكميات قليلة
واعتقد مفيش حد تاني بيجيب البومة 2011 دلوقتي

المشاركة الأصلية كتبت بواسطة hikayat

كنت عاوز اسال حضرتك هوه الشغل انتظم تاني عندكوا ولا ايه ؟
لاني كنت عاوز اعدي عليكم علشان اعمل معاينه زي ما حضرتك قلتلي في التوبيك ده
http://www.nilemotors.net/nile/192622-a-3.html

ايوة الشغل انتظم من السبت الماضي في مراكز خدمة شركة مصرية
ومواعيد العمل في فترات حظر التجوال من 9 ص الى 3 عصرا

**M_Zeidan** · 12-02-2011 03:30 PM

لأستاذ / طارق
السلام عليكم ورحمة الله وبركاته
وشاكرين لك مجهوداتك فى خدمة أعضاء نايل موتورز
كنت عايز اعرف تكاليف عمل الصيانة 30000 كم وانا ديما باسنخدم ذيت Bp 10000 كم اعلي فئة من الذيت عندهم من شركة car gas.
الكشف علي السيارة بالكامل بالكمبيوتر بسبب اني عايز اعمل كشف كامل علشان ان اشترتها من حوالي 2 شهر موديل 2009.
و لاحظت انها بتستهلك بنزين بصورة كبيرة سواء كنت على طريق سفر او في وسط البلد و المتوسط بتاعها 200 في الصفيحة و هي ما تعملهاش صيانة ال 20 الف تقريبا بس صاحبها غير بس زيت و فلتر و انا كمان مشيت بيها سرعات عاليه 180 و 190 بس مش لمسافات كبيرة فهل ده فرق في حاجة و لا ده ممكن يكون حاجة في البوجيهات او الموتور و هل ممكن اوديها مركز الخدمة الموجود في غمرة ورقم تيلفونو كم ولازم حجز ولا .
وهولسيادتكم جزيل الشكر

**mragh** · 13-02-2011 11:41 AM

السلام عليكم باشمهندس طارق

من فضلك كنت عايز أعرف صيانة ٤٠٠٠٠ لانسر ١٦٠٠ منوال تتكلف كام ، و هل ممكن تتعمل في مركز الخدمة السريعه اللي في موبيل شيراتون

مع العلم اني المفروض أغير تيل فرامل كمان

**kholio** · 14-02-2011 09:35 AM

بعد إذنك يا بش مهندس طارق كنت عايز اعرف ثمن الكلاكس الاصلي وتيل الفرامل الأمامي الأصلي للانسر الشارك كام في التوكيل حاليا؟

**temokemo** · 18-02-2011 03:33 PM

المهندس المحترم طارق
اليومين دول بدور علي عربية تكون 1600 بس اوتوماتيك بس كلة قالي مادام هتجيب اتوماتيك يبقي افضل انك تكشف عليها في التوكيل او مركز خدمة معتمد وانا الحقيقة مش قاعد في القاهرة فكنت عايز اعرف ممكن لما ربنا يوفقني في حاجة كويسة ممكن اكشف عليها فين والكشف هيكون تكلفتة كام وهل في الكشف بيديني تقرير كامل عن العربية و هل لازم احجز معياد قبل ماروح ولا اية ينفع اورح في اي معياد من غير حجز
ارجو من حضرتك النصيحة ولحضرتك جزيل الشكر

**mgk_tex** · 22-02-2011 04:36 AM

السلام عليكم
انا امبارح دخا موتسكل فى المرايا اليمين بتاعت العربيه وكسرها هيه ماسكه دلوقتى على السلك الكهربا سالت ناس قالولى لازم تغير المرايا كلها وقالولى كمان فى الاصلى وفى حاجات تايوانى سعرها ارخص المشكله ان الماتور بتاع المرايا شغال وكويس انا كده لازم اشتريها بالموتور ولا ممكن الاقى مرايا اشتريها من غير الماتور بتاعها؟