انت تسأل وإستشاري منتدى متسوبيشي يجيب (2)

**د.عمرعبدالفتاح** · 06-01-2010 02:11 AM

المشاركة الأصلية كتبت بواسطة onlyuprom

بسم الله الرحمن الرحيم -المهنس طارق لى سؤال بخصوص تابلوه اللانسر 2008 اوتوماتيك 1600 بيدخل فيه تراب امام العدادات -ازاى ممكن يتم تنظيف التراب ده؟؟وهل الموديلات الاحدث تم معالجة هذا الامر؟؟مع العلم ان هذه الشكوى مش منى انا بس بل عدة اشخاص من اصدقائى ايضا

وممكن بعد اذن سعادتك اعرف اسعار بعض الحاجات البسيطة :
1-سعر لمبة الاشاره فى الفانوس الامامى الكبير
2-سعر المقبض الخشب للفتيس الموجود فى الاكسسورات
3-سعر الستاره الخلفية والجانبية للابواب
4-سعر ذيل الشكمان
5-سعر الشنب اللى بيركب على الشبكة الامامية
6-سعر العتب الداخلى للابواب وهل فية منه مضئ
7-سعر الدواسات
8-غسيل الفرش والسقف من جوه وغسيل الماتور بالفوم وتشميع وتلميع من الخارج ولا ده ضمن الصيانة
9-سعر منضف الرشاشات
واكون شاكر لحضرتك وان شاء الله اقابل حضرتك فى صيانة 20000ك واتشرف بمعرفة حضرتك انا اخوك د.عمر عبدالفتاح من طنطا

**د.عمرعبدالفتاح** · 06-01-2010 02:27 AM

10-معلش نسيت سعر glx وعلامة لانسر اللى على الشنطة وهل هناك شاشة بتركب اصلى فى التابلوه زى الكورلا وبكام لو موجودة وامكانيتها ايه
11-سعررش الاكصدام الامامى والخلفى بكام من الخرابيش من الارصفة الحلوه (لون العربية فيرانى)بوما2008 رياضية.
وممكن اجيب استيكر المنتدى من حضرتك ولا من فين انا مقيم فى طنطا .
والف مليون شكر مقدما على تعب حضرتك.

**ebhhu2** · 06-01-2010 10:12 AM

السيد المهندس طارق.
أدعو الله أن يجعل ردودك و حلولك لمشكلات سيارتنا في ميزان حسناتك.

بس أنا عندى سؤال و شكوى بخصوص سؤال كنت سألته لحضرتك قبل كدة لو تفتكرة. أنا اشتريت عربية لانسر 1300 سي سي زيرو مو 2009 في أخر شهر اكتوبر 2009 و من ساعتها و في خبطة فى العجلة الشمال بتسمع في الدركسيون خصوصا لما أعدي علي عيون القطط و حضرتك كنت قلتلى هايشوفوها فى صيانة الـ1000 كم.
للاسف قلتلهم على الكومنت دة وطلعت العربية من الصيانة و مهندس الاستقبال قاللى اتحلت و لما سألتة ايه كانت المشكلة قال ضبط الهوا بتاع العجل بس بعد ما خرجت من المركز الخبط لاقيته زي ما هوا. و فى واحد صاحبى معاه ميجان قاللي ان نفس المشكلة عندة و التوكيل قاللة ان علبة الدركسيون عايزة تتغير.
و لما عديت على المعرض قالولى روح مركز صيانة الكيت كات دول أحسن مع اني اللى أعرفه ان قليوب دة الفرع الرئيسي و المفروض يكون كفائتة و خبرته افضل من اي فرع أخر.
ممكن يا بشمهندس تقوللى أعمل ايه مع ان المفروض ان العربية زيرو و متكونش فيها الهوا.

و شكرا جزيلا لحضرتك

**mohamedway** · 06-01-2010 01:56 PM

المشاركة الأصلية كتبت بواسطة ebhhu2

السيد المهندس طارق.
أدعو الله أن يجعل ردودك و حلولك لمشكلات سيارتنا في ميزان حسناتك.

بس أنا عندى سؤال و شكوى بخصوص سؤال كنت سألته لحضرتك قبل كدة لو تفتكرة. أنا اشتريت عربية لانسر 1300 سي سي زيرو مو 2009 في أخر شهر اكتوبر 2009 و من ساعتها و في خبطة فى العجلة الشمال بتسمع في الدركسيون خصوصا لما أعدي علي عيون القطط و حضرتك كنت قلتلى هايشوفوها فى صيانة الـ1000 كم.
للاسف قلتلهم على الكومنت دة وطلعت العربية من الصيانة و مهندس الاستقبال قاللى اتحلت و لما سألتة ايه كانت المشكلة قال ضبط الهوا بتاع العجل بس بعد ما خرجت من المركز الخبط لاقيته زي ما هوا. و فى واحد صاحبى معاه ميجان قاللي ان نفس المشكلة عندة و التوكيل قاللة ان علبة الدركسيون عايزة تتغير.
و لما عديت على المعرض قالولى روح مركز صيانة الكيت كات دول أحسن مع اني اللى أعرفه ان قليوب دة الفرع الرئيسي و المفروض يكون كفائتة و خبرته افضل من اي فرع أخر.
ممكن يا بشمهندس تقوللى أعمل ايه مع ان المفروض ان العربية زيرو و متكونش فيها الهوا.

و شكرا جزيلا لحضرتك

بعد إذن البشمهندس طارق الموضوع ده قتل بحثا و ياريت حضرتك تقلب شويه فى المنتدى هتلاقى المشكله ده موجوده فى كل الانسر بجميع موديلاتها من زمان و شركة متسوبيشى لا تعتبره عيب و هو فعلا مش عيب لأنه نادرا ما بيتسمع و لا يؤثر على شىء و هو من الأخر من علبة الدركسيون و لو عاوز حل يبقه تعدل و تركب علبة دركسيون ماركه تانيه غير متسوبيشى.

**ebhhu2** · 06-01-2010 02:10 PM

المشاركة الأصلية كتبت بواسطة mohamedway

بعد إذن البشمهندس طارق الموضوع ده قتل بحثا و ياريت حضرتك تقلب شويه فى المنتدى هتلاقى المشكله ده موجوده فى كل الانسر بجميع موديلاتها من زمان و شركة متسوبيشى لا تعتبره عيب و هو فعلا مش عيب لأنه نادرا ما بيتسمع و لا يؤثر على شىء و هو من الأخر من علبة الدركسيون و لو عاوز حل يبقه تعدل و تركب علبة دركسيون ماركه تانيه غير متسوبيشى.

Mr. mohamedway
ألف شكر يا باشا بس المفروض العيب دة يظهر بعد الاستعمال مش فى عربية زير. أرجو من المهندس طارق التوضيح و الرد.

و شكرا

**Kareem_KoKi** · 06-01-2010 02:28 PM

سؤال واحد اللانسر الشارك مانزلهاش موديل 2010 و لو ليسة هينزلها إمتي

**Kareem_KoKi** · 06-01-2010 02:46 PM

سؤال واحد للمهندس / طارق
عايز أعرف اللانسر الشارك نزلها موديل 2010 و لا لسة و لو نزل أسعار السبورة و الهاف سبورت إيه

**مصراوي جدا** · 06-01-2010 03:41 PM

انا عرضت الأسئلة على المهندس أحمد عناني مدير الورشة بمركز الخدمة الرئيسي بقليوب وقال الآتي :

المشاركة الأصلية كتبت بواسطة mkd

dear eng. Tarik, my lancer 2007, 1.6 l, have problem when going down the hill, the gear simply dont change up and keep on low gear even if i speed, i tried to kick gas but not use, please advise what seems to be the problem, i made only 20,000 km and i bought it new from agent

نرجو احضار السيارة الى مركز الخدمة الرئيسي للكشف عليها واختبار الفتيس الاوتوماتيك بجهاز تحليل الأعطال

المشاركة الأصلية كتبت بواسطة onlyuprom

بسم الله الرحمن الرحيم -الاستاذ طارق لى سؤال بخصوص تابلوه اللانسر 2008 اوتوماتيك 1600 بيدخل فيه تراب امام العدادات -ازاى ممكن يتم تنظيف التراب ده؟؟وهل الموديلات الاحدث تم معالجة هذا الامر؟؟مع العلم ان هذه الشكوى مش منى انا بس بل عدة اشخاص من اصدقائى ايضا

يفضل الحضور للتوكيل ممكن نفك التابلوه وننظفه

المشاركة الأصلية كتبت بواسطة tigernet

شكرا ياباشا على المجهود الرائع
انا كنت عايز اسال عن فيتس لانسر البومة 2008 اوتوماتك 1600
يحصل حاجة لو و انا سايق على 90 و نقلت الفتيس على l الاول بالغلاط

طبعا فيه ضرر ولو تكرر ممكن يؤدي الى تلف المجاميع الداخلية

المشاركة الأصلية كتبت بواسطة mohfakhry

السلام عليكم يابشمهندس عندى مشكلة عاوز أخد رأيك فيها
لما بمشى على طرق سريعة صوت الكوتش بيبقى عالى خاصا لما بتأفل الزجاج سألت قالوى نوع الكوتش بتاع اللنسر كلة كدة
فهل تغير الكوتش خيفرق
lancer 1600 cc auto 2008 25000km
وأيه نوع الكوتش المفضل
ولكجزيل الشكر
:b4_611::n_no[1]:

أفضل نوع كاوتش هو بريدجستون ياباني ، ويا ريت تحضر السيارة للتوكيل للكشف عليها لأن المفروض ان الصوت يقل عند غلق الزجاج

المشاركة الأصلية كتبت بواسطة molok

المهندس / طارق زويل المحترم
اشكر سيادتكم على سرعة الرد على استفسارات الاعضاء و ارجو ان تفيدنى بالاتى :
ماهو مطلوب عمله لو اننى قمت بشراء سيارة مستعملة من حيث الاطمئنان عليها من كل الجوانب وايه
ما هى الصيانة التى تحتجها
وكذلك لو حبيت اطمئن كويس انها ليست بها اى عيب او انه تم تغير اى قطعه بها
وكذلك افادتى بسعر الزجاج الامامى للسيارة لو حبيت اغيرة بالتوكيل لانه مشروخ
على فكرة السيارة موديل2007عاملة 70000كيلو كلاسيك 1600 سى سى فول اوبشن جنوط 15

الكشف على العربية في التوكيل بيشمل كل حاجه فيها (صاج - شاسيه - حوادث - دهان - مكيانيكا - فتيس - تكييف - عفشة - فيها قطع مش اصلية) ويفضل عمله عند شراء عربية مستعملة وتكلفته حوالي 200 جنيه

الصيانات مذكورة في موضوع مثبت في اول منتدى ميتسوبيشي

سعر الزجاج الأمامي 1600 جنيه شامل الضريبة وبالتركيب والباكتات حوالي 2000 جنيه

**مصراوي جدا** · 06-01-2010 03:55 PM

انا عرضت الأسئلة على المهندس أحمد عناني مدير الورشة بمركز الخدمة الرئيسي بقليوب وقال الآتي :

المشاركة الأصلية كتبت بواسطة shadyselim

المهندس المحترم جدا م/طارق زويل

لى استشارة فنية حيث اننى معى لانسر 98 و اريد ان اغير البستم الصغير الموجود اسفل الطبه الموجودة فى علبة الدريكسيون فهل يوجد منها جديد و ما هى التكلفة الاجمالية لتغيرها و هل اذا كانت غير موجود عندكم فهل من الممكن ان اشتريها استيراد و اغيرها عندكم و وكم ستكون التكلفة فى هذه الحالة ايضا
و من فضللك عاوز اعرف سعر المساعديين الامامى
اسف على الاطالة و شكرا

أولا : البستم غير موجود لدينا الآن والأفضل أن تأتي الى التوكيل ونكشف على علبة الدركسيون ونحدد ما هو المطلوب بالظبط
ثانيا المساعدين الأمامي سعرهما 2 × 775 جنيه + 10% ض.م

المشاركة الأصلية كتبت بواسطة bonos32

عندى لانسر 2005 لما بفتح الكونتاكت المروحة بتشتغل على طول وصوتها عالى جداً مش عارف أعمل إيه أرجو الإفادة

برجاء الحضور الى التوكيل للكشف على وحدة تحكم المراوح وتغييرها وكذلك الكشف على الصوت العالي هل مصدره موتور المروحة أم لا

المشاركة الأصلية كتبت بواسطة shadyselim

عندى سوال من فضلك x2 يعنى اضرب السعر ده فى 2 و الا دول سعر الجوز

هل ممكن سعر :
المساعديين الامامى
قواعد الماتور كاملة و ليس الحشو فقط
قواعد الفتيس الاوتوماتيك الكاملة و الحشو ايضا من فضلك

شكرا على حسن تعاونكم

ايوة بالظبط تضرب السعر في 2 لأن كل الأسعار سعر القطعة الواحدة مش طقم يمين وشمال
مساعد أمامي 775 جنيه + 10%

المشاركة الأصلية كتبت بواسطة omar3000

وممكن بعد اذن سعادتك اعرف اسعار بعض الحاجات البسيطة :
1-سعر لمبة الاشاره فى الفانوس الامامى الكبير
2-سعر المقبض الخشب للفتيس الموجود فى الاكسسورات
3-سعر الستاره الخلفية والجانبية للابواب
4-سعر ذيل الشكمان
5-سعر الشنب اللى بيركب على الشبكة الامامية
6-سعر العتب الداخلى للابواب وهل فية منه مضئ
7-سعر الدواسات
8-غسيل الفرش والسقف من جوه وغسيل الماتور بالفوم وتشميع وتلميع من الخارج ولا ده ضمن الصيانة
9-سعر منضف الرشاشات
واكون شاكر لحضرتك وان شاء الله اقابل حضرتك فى صيانة 20000ك واتشرف بمعرفة حضرتك انا اخوك د.عمر عبدالفتاح من طنطا

اسعار الكماليات تم ادراجها في موضوع السؤال عن الكماليات اللي فيه الصور
سعر منظف الرشاشات 60 جنيه
العناية الفائقة للفرش والسقف سعره 150 جنيه ، والتلميع الخارجي 100 جنيه

المشاركة الأصلية كتبت بواسطة omar3000

10-معلش نسيت سعر glx وعلامة لانسر اللى على الشنطة وهل هناك شاشة بتركب اصلى فى التابلوه زى الكورلا وبكام لو موجودة وامكانيتها ايه
11-سعررش الاكصدام الامامى والخلفى بكام من الخرابيش من الارصفة الحلوه (لون العربية فيرانى)بوما2008 رياضية.
وممكن اجيب استيكر المنتدى من حضرتك ولا من فين انا مقيم فى طنطا .
والف مليون شكر مقدما على تعب حضرتك.

العلامات سعرها مش جاهز عندي دلوقتي
ليس هناك شاشة اصلي للانسر مثل الكورولا
سعر رش الاكصدام 300 جنيه
الاستيكر موجود عندي بالفعل لأي عضو يحب يشتريه

المشاركة الأصلية كتبت بواسطة ebhhu2

السيد المهندس طارق.
أدعو الله أن يجعل ردودك و حلولك لمشكلات سيارتنا في ميزان حسناتك.

بس أنا عندى سؤال و شكوى بخصوص سؤال كنت سألته لحضرتك قبل كدة لو تفتكرة. أنا اشتريت عربية لانسر 1300 سي سي زيرو مو 2009 في أخر شهر اكتوبر 2009 و من ساعتها و في خبطة فى العجلة الشمال بتسمع في الدركسيون خصوصا لما أعدي علي عيون القطط و حضرتك كنت قلتلى هايشوفوها فى صيانة الـ1000 كم.
للاسف قلتلهم على الكومنت دة وطلعت العربية من الصيانة و مهندس الاستقبال قاللى اتحلت و لما سألتة ايه كانت المشكلة قال ضبط الهوا بتاع العجل بس بعد ما خرجت من المركز الخبط لاقيته زي ما هوا. و فى واحد صاحبى معاه ميجان قاللي ان نفس المشكلة عندة و التوكيل قاللة ان علبة الدركسيون عايزة تتغير.
و لما عديت على المعرض قالولى روح مركز صيانة الكيت كات دول أحسن مع اني اللى أعرفه ان قليوب دة الفرع الرئيسي و المفروض يكون كفائتة و خبرته افضل من اي فرع أخر.
ممكن يا بشمهندس تقوللى أعمل ايه مع ان المفروض ان العربية زيرو و متكونش فيها الهوا.

و شكرا جزيلا لحضرتك

موضوع صوت علبة الدركسيون فعلا تم مناقشته سابقا وقلت فيه ان شركة ميتسوبيشي مش بتعتبره عيب والا ماكانتش نزلت موديلات 2009 و2010 حتى بنفس علبة الدركسيون بدون اي تغيير عن سابقتها

المشاركة الأصلية كتبت بواسطة kareem_koki

سؤال واحد للمهندس / طارق
عايز أعرف اللانسر الشارك نزلها موديل 2010 و لا لسة و لو نزل أسعار السبورة و الهاف سبورت إيه

موديلات 2010 من الشارك لم نستوردها حتى الآن حيث أن مفيش فيها اي فرق بين 2009 و 2010

**مصراوي جدا** · 06-01-2010 03:57 PM

المشاركة الأصلية كتبت بواسطة samooh_2003

لانسر 2007 1600 اتوماتبك....

العربية تمام والحمدلله بس اول امبارح رحت التوكيل عملت صيانة ال 100000 كم وطلعت على اقرب بنزينة حطيت ال mitsubishi fuel cleaner جايبه من التوكيل برده النهاردة وانا مسافر بيها لقيتها زي اللي بتنتش مني كذا مرة على سرعة 110 و 120 و 80 و اخر مره في النتشة كانت كان حد بيدوس فرامل او بسقط نقل بتهدا وترجع لطبيعتها وتسحب فهل ده ممكن تاثير ال كلينر ولا ايه بصراحة انا سافرت بيها ومابحبش اروح بيها لحد غير التوكيل فهل ممكن الافادة ضروري لو سمحتم

اسف للاطالة

المهندس أحمد عناني قال ردا على السؤال ده
لازم حضرتك تشرفنا في التوكيل لنكشف على المحرك ونظبطه أما m.f.c فليس له عيوب لأنه بينظف دورة الوقود كلها