انت تسأل وإستشاري منتدى متسوبيشي يجيب (2)

**madoelhawy** · 23-01-2010 02:08 AM

سلام عليكم بشمهندس طارق..
سمعت كتير عن موضوع استبدال علبة البيئة اللى فى الشكمان بعلبة فاضية أو تفريغ محتوياتها، وان ده بيقلل استهلاك البنزين جدا و بيزود أداء الموتور بشكل ملحوظ، وممكن يزود قوة الموتور حوالى 10 hp ، يا ترى الكلام ده صح؟ و لو صح هل ده ليه أثر سلبى على العربية؟
متشكر جدا و معلش تعبك معايا.

**مصراوي جدا** · 24-01-2010 02:47 PM

المشاركة الأصلية كتبت بواسطة houbaz

بشمهندس طارق، اخبار حضرتك ايه، كنت عايز اسأل على لانسر بومة 2004 1600 دى موتورها فيه منه 122 حصان مواصفات خليجى ولا كله 100 حصان بس؟ و فتيسها الاوتوماتيك cvt ولا عادى؟ و يا ترى سحب العربية عامل ايه عشان سمعة لانسر 1600 اوتوماتيك ان سحبها ضعيف..
شكرا..

اللانسر بومة 107 حصان صافي (دي المصري) يعني اجمالي حوالي 115 حصان (مش 100) والخليجي 122 حصان اجمالي
الفتيس CVT وللتأكد لو عايز تعرف العربية CVT ولا لأ من رقم الشاسيه
لو كان JMYSTCS3A4Uxxxxxx فهي CVT
انما الفتيس الأوتوماتيك العادي زي 1300 مثلا بدون CVT هيكون رقم الشاسيه
JMYSRCS1A4Uxxxxxx

السحب الضعيف ليس في 1600 أوتوماتيك وانما في 1300 أوتوماتيك وراجع حضرتك كل موضوعات منتدى ميتسوبيشي اللي يتتكلم في الموضوع ده

المشاركة الأصلية كتبت بواسطة madoelhawy

سلام عليكم بشمهندس طارق..
سمعت كتير عن موضوع استبدال علبة البيئة اللى فى الشكمان بعلبة فاضية أو تفريغ محتوياتها، وان ده بيقلل استهلاك البنزين جدا و بيزود أداء الموتور بشكل ملحوظ، وممكن يزود قوة الموتور حوالى 10 hp ، يا ترى الكلام ده صح؟ و لو صح هل ده ليه أثر سلبى على العربية؟
متشكر جدا و معلش تعبك معايا.

انا حولت السؤال للمهندس احمد عناني مدير الورشة في مركز الخدمة الرئيسي ورد بالآتي :

اولا : علبة البيئة او محفز العادم catalytic converter مصمم لتقليل نسبة الغازات الضارة الموجودة في العادم وهي :
- اول اكسد الكربون CO
- اكاسيد النيتروجين NOx
- الهيدروكربون Hc
ولذلك يسمى 3WCC three ways catalytic converter

ثانيا : ان القدرة الحصانية المكتسبة نتيجة الغاء هذه الوحدة هي قدرة صغيرة لا تتناسب مع الضرر الحادث منها للبيئة

ولذلك لا ننصح بإلغائها

**medhatfrag** · 26-01-2010 10:27 AM

تحية طيبة وبعد.... بعد اذنك يا باشمهندس عايز اعرف الاقى فين زيت للفيتس الcvt ومش عايز احط اى زيتبيتحط للاوتوماتك علشان حضرتك عارف انة زيت مخصوص بس مش عارف بيتباع فين وكمان انا وصلت للكيلو 60000 ولازم اغيرة متشكر على محبتك اخوك الصغير مدحت فرج

**medhatfrag** · 26-01-2010 10:32 AM

الباشمهندش طالرق نشكر تعبك معانا وزئك العالى لى استفسار غيرت البطارية النهاردة الصبح وانا ماش بعد تغيرها العربية ماكنتش مظبوطة بتطفى لما بهدى وانا على d وهى بومة خليجى كويتى 1600 رياضية فيتس cvt مو 2006

**مصراوي جدا** · 26-01-2010 10:43 AM

المشاركة الأصلية كتبت بواسطة medhatfrag

تحية طيبة وبعد.... بعد اذنك يا باشمهندس عايز اعرف الاقى فين زيت للفيتس الcvt ومش عايز احط اى زيتبيتحط للاوتوماتك علشان حضرتك عارف انة زيت مخصوص بس مش عارف بيتباع فين وكمان انا وصلت للكيلو 60000 ولازم اغيرة متشكر على محبتك اخوك الصغير مدحت فرج

زيت الفتيس الـ cvt ماركة ميتسوبيشي موجود في التوكيل انما لا يباع على الكاونتر نظرا لأنه غير متوفر بكثرة ولكن يستخدم فقط في الصيانات

المشاركة الأصلية كتبت بواسطة medhatfrag

الباشمهندش طالرق نشكر تعبك معانا وزئك العالى لى استفسار غيرت البطارية النهاردة الصبح وانا ماش بعد تغيرها العربية ماكنتش مظبوطة بتطفى لما بهدى وانا على d وهى بومة خليجى كويتى 1600 رياضية فيتس cvt مو 2006

تغيير البطارية يتطلب اعادة ظبط للكمبيوتر وده كل اللي بيتم فيه انك هتدور العربية وتتركها دايره بدون عمل اي حاجه تانية لمدة ربع ساعة وخلالها الكمبيوتر هيعيد ظبط نفسه اوتوماتيك وباذن الله العربية تتظبط تاني

**houbaz** · 27-01-2010 12:47 AM

المشاركة الأصلية كتبت بواسطة مصراوي جدا

اللانسر بومة 107 حصان صافي (دي المصري) يعني اجمالي حوالي 115 حصان (مش 100) والخليجي 122 حصان اجمالي
الفتيس cvt وللتأكد لو عايز تعرف العربية cvt ولا لأ من رقم الشاسيه
لو كان jmystcs3a4uxxxxxx فهي cvt
انما الفتيس الأوتوماتيك العادي زي 1300 مثلا بدون cvt هيكون رقم الشاسيه
jmysrcs1a4uxxxxxx

السحب الضعيف ليس في 1600 أوتوماتيك وانما في 1300 أوتوماتيك وراجع حضرتك كل موضوعات منتدى ميتسوبيشي اللي يتتكلم في الموضوع ده

الف شكر يا بشمهندس على المعلومات القيمة..

**hatem_taia** · 27-01-2010 02:10 AM

بسم الله الرحمن الرحيم اللهم صل على محمد وعلى آله وصحبه أجمعين
السلام عليكم و رحمة الله و بركاته
تحية طيبة و بعد..........
م/طارق
كنت اريد ان اسأل عن اسعار بعض قطع الغيار
السيارة لانسر شارك lancer ex
1- المصفحة الامامية (الكرتيرة الفبر) التى تحت الماتور (كاملة)
2- فلتر الهواء
3- فلتر البنزين
4- طقم البوجيهات
5- تانك البنزين فارغ او بمحتوياتة
6- علبة الشكمان الخلفية العلبة الكبيرة التى تحت الشنطة
واسف اجدآ للاطالة و تعب حضرتك معايا
ومع الشكر.
سبحانك اللهم وبحمدك ، أشهد أن لا إله إلا أنت أستغفرك وأتوب إليك

**medhatfrag** · 27-01-2010 05:44 AM

متشكر جدا يا باشمهندس على رد سيادتكم على استفسارى سوف اتلركها دايرة ربع ساعة غدا باذن اللة علشان المبيوتر زى ماحضرتك قلت بس بالنسبة الى الزيت الcvt اعمل اية فية اغيره ازاى بزيت ميتسوبيشى cvt والمفروض يتغير على كام كيلو { medhatfrag}