انت تسأل وإستشاري منتدى متسوبيشي يجيب (2)

**مصراوي جدا** · 12-01-2010 10:44 PM

المشاركة الأصلية كتبت بواسطة devilishtigers

حضرتك تقصد التيل الاصلي اللي هو ماركة sumitomo

فيه نوعين تيل أصلي موجودين في التوكيل وسعرهم زي بعض (385ج+10%) النوع الأول الأسود AK هو اللي بينزل مع العربية انما الاخضر Sumitomo بيعيش اطول لأنه مش بيتاكل بسرعة والاتنين أصلي والاتنين موجودين
وصورهم في الموضوع ده

http://www.nilemotors.net/Nile/23168-a.html

المشاركة الأصلية كتبت بواسطة justthink

أستاذ طارق أنا لقيت الرقم اللي مكتوب علي التابلوه بس مش فاهم الاكواد بتاعته ممكن تترجملي الاكواد دي

jmysrcs1a6u770399

الرقم ده هو رقم شاسيه العربية والموضوع ده بيشرح تفاصيل رقم شاسيه البومة والشارك

http://www.nilemotors.net/Nile/21266-1600-1500-a.html

وبناء عليه فعربية حضرتك 1300 أوتوماتيك موديل 2006 ورقم الشاسيه في الرخصة 770399 ودي خليجي لأن المصري او الأردني بتكون 3 أو 4 أو 5 أرقام فقط وتبدأ بصفر على الشمال اما اللي بيبدأ الست أرقام بـ 7 أو 8 على الشمال فهو خليجي

بالمناسبة بما ان الرقم العاشر من الشمال يمثل سنة الموديل فانا كنت متشوق اعرف ميتسوبيشي هتعمل ايه في سنة 2010 ولما نزل الموديل لقيتها عملته حرف A يعني رقم شاسية موديل 2010 كالتالي
JMYSRCS1AAU000123

**مصراوي جدا** · 13-01-2010 10:03 PM

اهلا بيك يا استاذ احمد
الحقيقة مفيش حاجه من اللي حضرتك سألت عنها ممكن تتعمل في التوكيل
يعني في التوكيل بيتم صيانة العربيات الميتسوبيشي انما لايتم عمل اي تغيير لمحرك الا اذا تلف بيتم عمل عمرة كاملة او نص عمرة له ، كذلك لا يتم تركيب اي نظم كاملة لعربية مش موجودة فيها اصلا مثل الABS

حضرتك ممكن تبحث حلول المواضيع دي داخل قسم ورشة نايل موتورز
http://www.nilemotors.net/Nile/forum67/

أو تعديل السيارات والاضافات
http://www.nilemotors.net/Nile/forum46/

**مصراوي جدا** · 14-01-2010 09:35 AM

اهلا يا استاذ محمد

اللانسر الخليجي بتيجي عن طريق مستوردين من الخليج (مثل الرواس وغيره) وبالتالي كل واحد فيهم بيحدد يجيب ايه كلاسيك وهاف سبورت وسبورت فعشان كده انا مش عارف فيه في السوق خليجي كاملة سبورت أو سام ولا لأ .. انا اللي اعرفه عندنا في التوكيل فقط من واقع استيرادنا المباشر من اليابان

العربية المصري والخليجي زي بعض انما الخليجي بتزيد طفاية حريق وشنطة اسعاف حتى القوة الحصانية لأول مرة ميتسوبيشي تعمل السنة دي موديلات 2010 الكتالوجات في المصري والخليجي بالقوة الحصانية الصافية في الاتنين :

كتالوج المصري : مانوال 105 حصان واوتوماتيك 106 حصان عند 6000 لفة في الدقيقة

كتالوج الخليجي : مانوال او اوتوماتيك 107 حصان عند 6000 لفة في الدقيقة

اعتقد المهم بعد كده هو الضمان وفرق السعر

المصري ضمان 3 سنوات او 100 ألف كيلو متر

الخليجي بيختلف حسب المستورد :

الرواس 3 سنوات أو 60 ألف كيلو متر والباقين فيه منهم سنة واحدة وفيه سنتين وفيه بدون

فكده الخليجي الكاملة مش افضل من المصري في اي حاجه اكتر من طفاية الحريق وشنطة الاسعاف (حتى المثلث بينزل دلوقتي في المصري)

كماليات المصري الكاملة واسعارها في الموضوع ده

http://www.nilemotors.net/Nile/114473-a.html

**مصراوي جدا** · 14-01-2010 12:28 PM

ما هو حسب شرح تكوين رقم الشاسيه بيتحدد بلد الصنع والمصنع كمان

بلد الصنع J = Japan
المصنع U = Mizushima
Mitsubishi Motor's main locations within Japan,namely,the Mizushima factory,the power train factory,the passenger car engineering center,and headquarters

ودليل ذلك كمان

الباجيرو والأوتلاندر والجرانديز والميكروباص L300 كلها تصنع في اليابان وبالتالي كلها رقم الشاسيه يبدأ بـ JMY

أما الكولت اللي بتتصنع في هولندا رقم الشاسيه يبدأ بـ XMC

والنصف نقل L200 تصنع في تايلند رقم الشاسيه يبدأ بـ MMB

**madoelhawy** · 15-01-2010 04:00 AM

سلام عليكم مهندس طارق, أنا اشتريت بومة مستعملة من فترة موديل 2006 هيا ساعتها كانت عاملة 52000 كلم و دلوقتى عاملة 76000 كلم, الحقيقة لا أنا ولا صاحبها الأولانى دخلنا التوكيل قبل كدة , و كنت بروح لأى ميكانيكى .
1) كدة لو دخلت التوكيل هل هعمل صيانة 80000 ولا الوضع هيبقى مختلف؟
2)اجمالى صيانة ال 80000 مع تيل الفرامل كام بالمصنعية؟ أنا عارف ان فى موضوع موجود فيه أسعار الصيانة بس مش عارف ده شامل المصنعية ولا لأ؟
3)لو مش هعمل صيانة ال 80000 و هيبقى فى وضع تانى ومش مجرد صيانة , هيبقى ايه النظام تقريبا؟ و أعمل حسابى فى حدود كام لو أمكن تدينى رقم تقريبى؟
مع العلم ان مفيش أى شكوى من العربية.

شكرا جزيلا لك.

**مصراوي جدا** · 16-01-2010 10:56 AM

المشاركة الأصلية كتبت بواسطة mohamedway

بشمهندس طارق...... عندى بس تصحيح بسيط من واقع قراءتى للكتالوج :
المصرى : 105 حصان و أقصى عزم 138 نيوتن متر عند 4500 لفه/د سواء مانوال أو أتوماتك....... أما الموتور التانى اللى فى نفس الخانه فهو مواصفه مختلفه ربما لدول أخرى و هو انه يعمل بالبنزين الذى يحتوى على الرصاص (لاحظ حضرتك رقم 3 اللى مكتوبة جنبه و شرحها فى الأسفل) و هذا النوع لا يحتوى على علبة البيئة فى الشكمان باللإضافه إلى ان قدرته 106 حصان و عزمه الأقصى 142 نيوتن متر عند (2750 لفة/د ) و لبيس 4500 لفة / د
ولاحظ حضرتك ان الموتورين فى خانه واحده و لا يوجد فاصل بين مانوال و أتوماتك زى باقى الحاجات زى أقصى سرعه مثلا.

فعلا يا باشمهندس محمد هما خانة واحدة
المحرك اللي يعمل ببنزين يحتوي على الرصاص ولا يحتوي على علبة البيئة قد يكون هو اللي في العربيات الأردني لأني اعرف ان العربيات الأردني مفيهاش علبة البيئة

المشاركة الأصلية كتبت بواسطة mohamedway

بالنسة للكتالوج التانى لا أعتقد انه كتالوج الخليجى لأن الخليجى لا يختلف عن المصرى إلا فى نسبة إنضغاط المحرك و لذلك يحتاج بنزين 95 و لكنه نفس الموتور و يحتاج بنزين خالى من الرصاص و يخرج أقصى عزم له عند 4500 لفة/د زى المصرى بالضبط و لكن الموجود فى كتالوج الخليجى (كما ذكرت حضرتك) بيخرج أقصى عزم له عند 2750 لفة /د و هو غير مكتوب عليه توضيح فى الأسفل و لكنه غالبا مواصفات أوروبيه (رقم 2 فى الورقه الأولى) و كلامى ده نابع من واقع معرفتى بموتور الانسر الذى يخرج أقصى عزم له عند 2750 لفة/د أنه مواصفات أوروبية من كتالوج عربيتى موديل 2006 و مكتوب عليه فى كتالوج عربيتى الملاحظة (رقم 2 فى الورقه الأولىeuro-2 emission regulation models ).

فى النهاية ممكن أكون غلطان و مستنى من حضرتك تصحيح المعلومه أو تأكيدها حتى يستفيد الجميع.

الكتالوج التاني بتاع الخليجي انا متأكد انما مش عارف هل كده يكونوا غيروا حاجه في المحرك

المشاركة الأصلية كتبت بواسطة madoelhawy

سلام عليكم مهندس طارق, أنا اشتريت بومة مستعملة من فترة موديل 2006 هيا ساعتها كانت عاملة 52000 كلم و دلوقتى عاملة 76000 كلم, الحقيقة لا أنا ولا صاحبها الأولانى دخلنا التوكيل قبل كدة , و كنت بروح لأى ميكانيكى .
1) كدة لو دخلت التوكيل هل هعمل صيانة 80000 ولا الوضع هيبقى مختلف؟
2)اجمالى صيانة ال 80000 مع تيل الفرامل كام بالمصنعية؟ أنا عارف ان فى موضوع موجود فيه أسعار الصيانة بس مش عارف ده شامل المصنعية ولا لأ؟
3)لو مش هعمل صيانة ال 80000 و هيبقى فى وضع تانى ومش مجرد صيانة , هيبقى ايه النظام تقريبا؟ و أعمل حسابى فى حدود كام لو أمكن تدينى رقم تقريبى؟
مع العلم ان مفيش أى شكوى من العربية.

شكرا جزيلا لك.

هو تغيير سير الكاتينة ومجموعته بيكون من الكيلو متر 80 ألف الى 100 ألف وبالتالي علشان التكلفة متكونش عالية مرة واحدة ممكن تعمل نص الصيانة العادي دلوقتي وتخلي النص التاني الخاص بسير الكاتينة عند صيانة التسعين او المائة ألف كيلو

الصيانة الحالية هتشمل زيت موبيل 1 وفلترزيت وبوجيهات وفلتر هواء وفلتر بنزين وزيت اوتوماتيك لو العربية اوتوماتيك وتيل الفرامل
التكلفة هتكون :

- الصيانة ميكانيكا وكهرباء 145 ج
- زيت موبيل (1) 210 ج
- فلتر زيت 50 ج
- بوجيهات 88 ج
- فلتر هواء 185 ج
- فلتر بنزين 460 ج (يجب تغييره كل 40 ألف كيلو)
- زيت أوتوماتيك 350 ج
- تيل فرامل 385 ج
- تركيب تيل 40 ج
يضاف 10% ض.م
يعني اجمالي 2100 جنيه

المجموعة التانية المؤجلة :
- سير باور 88 ج
- سير دينامو 66 ج
- سير كاتينة 198 ج
- بلية شداد 237 ج
- اويل سيلات 72 ج
- مصنعيات تركيب كاتينة 175 ج
حوالي 920 جنيه