الموضوع: انت تسأل وإستشاري منتدى متسوبيشي يجيب (2)

ممكن الحضور في اي يوم بدون حجز ما عدا السبت يفضل الحجز او الحضور مبكرا (من 8 : 9ص)

المشاركة الأصلية كتبت بواسطة elhamidya

السلام عليكم يا استاذ طارق لى سوال عربيتى لانسر بومة اتوماتيك 2005 عند ادارتها وقبل التحرك اجد موشر السرعة عند سرعة 20 كيلو وايضا موشرrpm عند 1 وهذا قبل التحرك بها المشكلة فى ماذا وشكرا

مؤشر الrpm في الوضع العادي المفروض بيكون على 800 لفه (اقل من 1 أو 1000) بشوية اما عداد السرعة فالمفروض انه على صفر اما 20 ده مش مظبوط ومحتاج كشف عليه

المشاركة الأصلية كتبت بواسطة mada121977

حضرتك نستنى ولا ايه ياباشمهندس طارق
هو السؤال طبعا كان قبل مااشوف حضرتك بس نسيت اسأل على موضوع الريداتير وزيت الفتيس ده للباشمهندس عمرو فى الاستقبال .. ياريت حضرتك تفيدنا فيه للعلم والافاده وشكرا لحضرتك :)

لا والله يا استاذ أحمد انا مانستكش انا بس قلت انت شرفتنا واكيد سألت
عموما مياه الردياتير مش بتتغير عند كيلو متر معين وانما عند الحاجه وعند النقص بتتزود
وفعلا زيت الفتيس المانوال 2 كيلو فقط مش زي الأوتوماتيك 9 كيلو

المشاركة الأصلية كتبت بواسطة ahmed_nbe

السلام عليكم ورحمة الله وبركاته
ممكن سؤال صغير أوى وهذا السؤال الصغير للأفاده العامه
كيفية المحافظة على الفتيس الاوتوماتيك (cvt) عموماً (فى جميع حالات السياره مع ذكر السبب للعلم) - وخصوصاً عند الوقوف المؤقت (حيث أننى سألت المهندس احمد عنانى وقال لى أن لا أغير وضع الفتيس على وضع N إلا إذا وقفت أكثر من دقيقتين وأقل من ذلك فيضر الفتيس ممكن أعرف لماذا ؟ لأننى كنت أفعل ذلك) وهل يوجد اسطوانه دبرياج فى الاوتوماتيك وإذا كان يوجد هل يحدث لها أيضاً تهالك وما حدود سرعات كل من DS - DL ومتى أفضل استخدام لها وعدم استخدامهم واستخدام ال D فقط هل هذا خطأ وهل من الممكن النقل من D الى DS لزياده التسارع وما هى حدود السرعه الذى يمكن التغيير من وضع الى آخر
هلى يجب على أن أترك السياره حتى تسخن حتى استطيع الحركه بها حيث أن الكتالوج مذكور فيه أنه علىّ أن اتحرك بالسياره فى اسرع وقت بعد تشغيل السياره ما هو الصحيح والأفضل للسياره
وهل يجب أن أترك المفتاح على وضع start فتره من الزمن قبل تشغيل السياره صباحاً.

جاري تجهيز اجابة كاملة لموضوع CVT والمحافظة عليه

المشاركة الأصلية كتبت بواسطة devilishtigers

1- باشمهندس طارق ازاي حضرتك انا ساكن في ميدان الجيش انا معايا لانسر 2007 1600 عاملة 3500 كم واقرب فرع ليا بتاع جسر السويس بس انا عايز اروح فرع قليوب علشان اتعرف على حضرتك فالازم احجز ولا ممكن من غير حجز وايه احسن يوم ممكن اجي فيه خلال الاسبوع دا والساعة كام.
2- انا المشكلة عندي ان الفرامل مش مظبوطة وعايز اكشف عليها وهل ممكن لو حاجة هتتعمل في العربية افضل واقف داخل الورشة لمتابعة الشغل.
3- معلش اخر حاجة ان دورت في المنتدى علشان اشوف كلام نهائي على احسن تيل فرامل بس مش لقيت اجماع على حاجة ، ممكن حضرتك تقولي لو معاك لانسر وهتجبلها تيل الفرامل حضرتك هتجيبوا ايه.؟؟؟
انا اسف اني طولت على حضرتك.

اهلا وسهلا بيك في اي وقت
- فرع قليوب مش لازم حجز الا ليوم السبت علشان الزحمة وافضل الأيام الأحد وممكن اي يوم تاني بس الأفضل يكون بدري ما بين 8 و 10 صباحا
- للأسف مش مسموح للعميل بالتواجد جنب العربية وقت الاصلاح
- اعتقد معظم الأعضاء مجمعين على ان التيل الأصلي هو الأفضل للعربية

المشاركة الأصلية كتبت بواسطة devilishtigers

استاذ طارق في تعامل بال visa في فرع قليوب

أيوة فيه ماكينة فيزا في الخزينة في قليوب وجسر السويس ومحل قطع الغيار في الكيت كات