الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة sherif1976

السلام عليكم بشمهندس طارق شكرا على ردك الوافى ممكن سؤال اخر هل يوجد كاوتش يوكوهاما يابانى فى السوق؟ واين اجده

هو احنا في التوكيل بنتعامل دايما مع توكيل بريدجستون انما مش عارف فيه يوكوهاما ولا لأ - ممكن حضرتك تبحث في قسم الورشة او الكماليات

المشاركة الأصلية كتبت بواسطة sherif1976

السلام عليكم بشمهندس طارق
سيارتى لانسر 97 عاملة 172000 كيلومتر ما هى تكاليف الصيانة لها فى التوكيل مع ذكر اسعار قطع الغيار لو امكن انا اسف لو بتقل على حضرتك
شكرا ليك

هو ده بيتوقف على حالتها ومدى عمل الصيانات الدورية لها في الفترة اللي فاتت يعني لو هي المفروض كل 80 ألف بتغير مجموعة سير الكاتينة فهل حضرتك عملتها للمرة التانية (160ألف ولا لأ) وكذلك باقي القطع اللي لازم تتغير كل فترة
شوف حضرتك الموضوع المثبت عن الصيانات الدورية من 1000 الى 40ألف لأن فيه كل التفاصيل والصيانات بتكون متكررة يعني الـ 40 هي نفسها 120 ألف و80 هي 160 وهكذا

المشاركة الأصلية كتبت بواسطة medhatfrag

لو سمحت يا بشمهندس طارق اغير زيت فيتس الcvtمنين او اية البديل ولا يؤثر على هذا الفيتس لو فى بديل للزيت قولى علية ويبقى كتر خيرك يا باشا

الزيت الأصلي للـ cvt موجود في التوكيل (ومراكز الخدمة المعتمدة) ولما بيخلص بنستخدم زيت فتيس موبيل atf

المشاركة الأصلية كتبت بواسطة mahmoudousama29

سلامو عليكم يا مهندس طارق
انا عندي لانسر 98 1300 بس لازم كل يوم قبل لما امشي بها اسخنها لمدة عشر دقائق ولو مشيت بها قبل ما تسخن تنتش وتبطل علي الرغم اني غيرت فلتر البنزين والبوجيهات

رد المهندس احمد عناني:
حضرتك شرفنا في التوكيل نكشف على مجموعة التشوك الخاصة بالتسخين صباحا وننظفها ونظبط المحرك

المشاركة الأصلية كتبت بواسطة memoo_1st

أنا معايا لانسر 2004 وكنت ركبت انذار من فترة ولاحظيت بعده بفترة اني كل لما اجي ادور العربية اول لما افتح الكونتكت المروحة تشتغل حتى لو العربية لسة باردة ممكن تكون اية المشكلة ؟
وشكراً

فعلا ده بسبب تلف وحدة تحكم المراوح وسعرها حوالي 350 جنيه

المشاركة الأصلية كتبت بواسطة shady333

معلش كان ليا سوال صغيير ايه هو انسب بنزيين للانسر 98 اوتوماتيك كربراتير 1300 سىسى
لان المفروض الواحد يحط بنزين مناسب لمعامل نسبة انضغاط الماتور زى ما قريت قبل كده فى المنتدى لكن الواحد مش عارف اصلا الرقم ده كام فى الماتور اللى راكب عندى

اسف على الاطالة و شكرا على تعاونك الدائم و ذوقك الذى يفوق الوصف :e_braces[1]:

رد المهندس احمد عناني :
كلما ارتفع رقم الأوكتان كلما زادت كفاءة المحرك ولكن نقول ان المناسب هو 92 أوكتان

المشاركة الأصلية كتبت بواسطة egy_fan

السلام عليكم. انا اشتريت لانسر 2006 1600 امبارح. ماشيه 56000كم. انا اقيم خارج القاهره. هل هناك اشياء معينه يجب تغيرها او فحصها عند شراء سياره مستعمله. و ما هى تكلفه الفحص الشامل فى التوكيل و لو ممكن ارقام الهاتف للحجز

شكرا للرد

و ادعولى ربنا يباركلى فيها

الف مبروك العربية ربنا يبارك لك فيها
شوف حضرتك تفاصيل الصيانات الدورية في الموضوع المثبت عن الصيانات الدورية من الألف الى الأربعين ألف في اهم موضوعات القسم
تكلفة الفحص الشامل 200 جنيه ورقم تليفون مركز الخدمة الرئيسي في قليوب 42157629