الموضوع: انت تسأل وإستشاري منتدى متسوبيشي يجيب (2)

السلام عليكم يا باشمهندس -لدى استفسار بخصوص سيارتى بومة اوتوماتيك 1600 مصرى فى الضمان موديل 2008 عاملة دلوقتى 24000 كم باشتكى من ان السيارة بتتبرجل وكانها حتبطل وذلك عندما انقل من الd الى الn عندما اقف فى الاشارات مثلا -والrpm بيقل جداااااا ثم يزيد علشان متبطلش ,دلوقتى ممكن كمان تبطل , وكنت رحت بيها للرواس اللى فى العجوزة فى صيانة ال20000 كم و قامو باستخدام اسبراى تنظيف وقمت بدفع ثمن ذلك -السيارة عاملة دلوقتى 24500 كم وتكررت الشكوى تانى ما الحل؟؟مع ملاحظة زيادة استهلاك البنزين ( حوالى 180كم فى الصفيحة ) مع عدم انتظام السحب .
هل اصلاح هذا العيب بيتم عن طريق تغيير الرشاشات ؟؟ ام ماذا ؟؟بيتم تبع الضمان ؟؟؟يعنى تكلفة ده كام ؟؟؟ ولكم جزيل الشكر ( اسف لتكرار الاستفسار لانى تغيبت فترة طويلة لظروف طارئة ) وشكرا

اشكر سيادتك على الرد جدااا-بس مش مفروض بيكون ده تبع الضمان؟؟وللا ايه؟؟ وشكراا

المشاركة الأصلية كتبت بواسطة مصراوي جدا

الضمان لا يشمل ظبط وانما تغيير يعني لو الرشاشات تالفة مثلا او اي قطعة زيها ويجيب تغييرها فهتكون في الضمان اما ضبط المحرك او الكشف على المحرك على الجهاز فده لا يشمله الضمان

مع إحترامى الشديد لحضرتك و لتوكيل متسوبيشى ولكن الضمان ده معمول لتأمين المشترى من عيوب الصناعة المحتملة لأنه بيبقه شارى العربيه جديده و مالوش ذنب فى أى عيب ممكن يكون فى العربيه و المفترض ان العربيه تكون تمام و مافيهاش عيوب.....

هذه العيوب ممكن تكون قطعة غير سليمه و يجب تغييرها (وده لازم تتحمله الشركه)...... وممكن يكون القطعه سليمه بس مش مزبوطه كويس أو راكبه غلط و ده هيبقه عيب تقفيل و محتاج تزبيط بدون تغيير قطعه معينه (وده برده من رأيى لازم تتحمله الشركه لأن المشترى مالوش فيها ذنب)..

بشمهندس طارق .. كنت عاوز اسال حضرتك كذا سؤال :

* انا لو ركبت يا بشمهندس باركينج سنسور ( سواء الصوت بس او الكاميرا كمان ... لاني لسه مش عارف هركب ايه ؟ ) - ووحده رفع الزجاج ( اللي هيا بتقفل الزجاج لوحده لما بقفل العربيه ) عند محل اكسسوارات
الحاجتين دول يخرجوني من الضمان ولا ايه ؟


* وكنت عاوز اسال كمان علي غسيل العربيه ... المفروض اوديها البنزينه بحد اقصي كل اد ايه علشان البرومه متكلهاش ؟؟

*وكنت عاوز اسال سؤال كمان .. ( معلش بتقل علي حضرتك ) ... كنت عاوز اسال انا المفروض اشمع العربيه كل اد ايه ؟ واشمعها فين ؟؟
انا من الزقازيق وكنت عاوز اعرف فين اقرب حد مشهور و كويس ممكن اشمع العربيه عنده ؟؟

*اما اخر سؤال ... كنت عاوز اسال هوه انا المفروض اسخن العربيه قبل ما اركبها ولا مش لازم ؟؟ مع ملاحظه اني لما مبسخنهاش بحس ان العربيه بتتهز سنه بسيطه ( مش محسوسه ) والكلام ده مبيحصلش لما باسخنها .... فاصلا الصح المفروض تتسخن ولا لاه ؟؟
العربيه لانسر 2009 مانيوال

والف شكر مقدما يا بشمهندس

وياريت كمان يا بشمهندس لو تقولي .... لو حبيت اركب وحده الرفع والسنسور وكمان سارينه في التوكيل ( يعني اجيبهم من بره واخليهم يركبوهم في التوكيا ) تركيب الكلام ده في التوكيل يتكلف كام ؟