الموضوع: انت تسأل وإستشاري منتدى متسوبيشي يجيب (2)

المشاركة الأصلية كتبت بواسطة ahmedzein

السلام عليكم .... انا لسه شارى عربية لانسر بوما 2006 رياضية 1600 سي سي - خليجي .. عاملة 63000 كيلو ..... انا من طنطا ... نزلت اغير سير الكاتينا امبارح ... لفيت على كل بتوع قطع غيار اللانسر ... ملقتش سير الكاتينة ... لان سير الكاتينا بتاع عربيتي 121 عقلة ... كل اللى فى السوق 111 عقلة ... انا مش عارف هلاقى السير فين ... ياريت تنصحونى بسرعة ... حتى لو فى القاهرة ... انزل واروح لمين ... وهل ياترى موجود فى التوكيل ولا لأ .... ومواعيد التوكيل ايه .. وفين مكانه ... وهل ياترى لو مشيت بالعربية كده فى خطورة ولا لأ ... مع الاخذ فى الاعتبار ان انا فكيت سير الكاتينة وركبته تانى لما ملقتش اللى زيه ... - وبرده الناس كلها بتقولى ان ده زى بتاع البروتون 2006 .. وفيها نفس المشكلة .... ارجو المساعدة ضرووووووووووووورى .. وشكرا

اعتقد حضرتك عاوز تغير سير الكاتينة دلوقتي علشان تكون مطمن لو كان ملعوب في عداد الكيلو متر بتاع العربية لأن المفروض التغيير لسير الكاتينة من 80-100 ألف كيلو متر
اعتقد الأفضل حضرتك تجيب العربية التوكيل في مركز الخدمة الرئيسي في قليوب الطريق الزراعي الكيلو 16 مع العلم ان بيتغير مع سير الكاتينة اويل سيلات وبلية شداد المجموعة بتتكلف حوالي 1000 جنيه والتفاصيل مذكورة في الموضوع المثبت عن صيانات اللانسر من الألف الى الأربعين في قسم اهم موضوعات ميتسوبيشي
وممكن الحضور لقليوب في اي يوم بدون حجز لكن بدري من 8ص الى 10ص بالكتير

المشاركة الأصلية كتبت بواسطة abcdefghi

=============
أشكرك يا باشمهندس طارق على ردك . لكني لم أجد جانب السائق بلد الصنع ولم أجد رقم ال شاسيه على ال تابلوه مش عرف ممكن يكون فين تاني . ولم أجد طفاية حريق
- سؤال أخير لو سمحت يا باشمهندس طارق أنا جربت التكيف لاتو بيفصل ويشتغل كل نص دقيقة و يفصل ويقوم و على كدة على طول

أشكرك جداً على مسعدتك يا باشمهندس طارق

هو كده يبقى العربية اكيد أردني
موضوع التكييف عادي

المشاركة الأصلية كتبت بواسطة sidpec

السلام عليكم ورحمة الله وبركاته
عزيزى المهندس طارق
عندى مشكله فى العربية لانسر بوما 2007 اتوماتيك والمشكله هى احساس قوى برجه فى العربيه وانا عند سرعة 40 ولما بوصل الى 110 بحس بعدم اتزان كامل فى العربية وفى الدركسيون وحاسس انى مش قادر اتحكم فى العربية لو زودت السرعة عن 110 على الرغم من انى عامل ضبط زوايا وترصيص فى التوكيل فهل هذا مشكلة فى الكاوتش ولا الكاوتش ميعملش كل ده ...ارجوا الافادة وشكرا لحضرتك.

بالتأكيد طبعا من الشكوى دي ان فيه مشكلة في العفشة ولازم يتكشف على العربية لأن الكاوتش ميعملش كل ده فعلا

المشاركة الأصلية كتبت بواسطة abcdefghi

سلامو عليكم يا بشمهندس طارق , لو سمحت سؤال بالنسبة للشارك ٢٠٠٩ هل يمكن تركيب الإنذار فالتوكيل ولا أروح لأدريان هو ألي إن عنده الإنذار الاصلي بتاعها وبيشتغل مع المفتاح بتاعها . الرقوق ساعدني برأيك فالموضوع دة . Thank you

في التوكيل مش بنركب اي كماليات وبننصح بالمراكز المتخصصة زي أرديان ، انما موضوع ان عنده الانذار الأصلي بتاعها انا مش متأكد منه لأن الانذار الأصلي بييجي مع العربيات السبورت والهاف سبورت ومش بنستورده كقطعة غيار او اكسسوارات منفصلة ، انما عموما هما عندهم اجهزة كويسة والفنيين عندهم فاهمين في العربية كويس

المشاركة الأصلية كتبت بواسطة abcdefghi

هو كده يبقى العربية اكيد أردني
=============
سلم عليكو باشمهندس طارق ، أنا وجدت رقم الشاسيه تحت الكرسي اليمين . و أرجوك قولي اه عيوب الأردني والفرق بينوه وبين المصري و-الخليكي . وكمان المعرض ألي هديك أوراق مكتوب فيها انها مستوردة من الكويت. أرجوك فهمني علشان ميدحكش عليا بتوع المعرض لأنهم عايزين يبيعوا وخلاص . ألف شكر

طالما رقم الشاسيه مش مثبت على قطعة على التابلوه شمال السائق فهي مش من اي دولة من دول الخليج لأن دي مواصفة خليجية مينفعش عربية تدخل الخليج من غيرها
انما السؤال الأهم طيب ايه الفرق بين المصري والأردني والخليجي

كل اساسيات العربية مفيش اي فرق والعربية ياباني في الجميع

الفرق فرق كماليات أولا التكييف في الخليج وكذلك في مصر بنطلبه مخصص لدول المناطق الحارة انما مش عارف وكيل الأردن بيطلبه كده ولا العادي
العفشة مرتفعة واعتقد كله كده

الكماليات المذكورة في المصري مثلا كلها فيها فرامل abs , ebd وفيها ايرباج واحد على الأقل للسائق وفيها ايموبيليزر كل دي كماليات ممكن تكون في العربية او لأ - طبعا لازم تكون باور ستيرنج وسنترلوك (فيه عربيات مش سنتر في السوق المصري انما نادرة) و 4 زجاج كهرباء ومرابات جانبية كهرباء وراديو كاسيت على الأقل

موضوع الورق مذكور فيه انها مستوردة من الكويت ده يخوف هل الأفراج الجمركي بيقول انها جاية من الكويت وهي مش كويتي - شيء يخوف طبعا