الموضوع: انت تسأل وإستشاري منتدى متسوبيشي يجيب (2)

الى المهندس المحترم/ طارق زويل

انا معايا لانسر بوما موديل 2008 سبورت ولسه عامل صيانة 30 الف فى التوكيل قليوب عندكوا وغيروا تيل الفرامل الاخضر وحطوا التيل الاسود ورغم اصرارى على انهم يحطوا الاخضر ولكنهم قالوا انه خلص ومفيش غير الاسود

المهم انا دلوقتى اول لما اشغل و امشى بالعربية الفرامل تصفر وبعد كده متعملش صوت

قبل ما اغير التيل ماكنتش موجودة الصفارة ده خالص

قلت اسئل حضرتك اكيد الصفارة ده لها سبب ما؟؟؟؟

فى انتظار رد سيادتك للاهمية

الى المهندس المحترم/ طارق زويل
انا كنت عايز اسئل عن الشارك ... هل هينزل منها موديل 2011 خلال شهرين فعلا ؟؟؟
وهل هتنزل بموتور 1600 ولا هتفضل بنفس الموتور والامكانيات ..و هل هتبقى بسعر 2009 الموجودة حاليا ؟؟؟؟؟
شكرا لحضرتك ..!!

اين انت يا باشمهندس
منتظرين ردك وشكرا

بشمهندس طارق

انا عندي العربيه لما بجيب الفتيس على r واسيب الفرامل بتفضل واقفه شويه وصوتها يعلى لثواني وبعد كده تمشي

وكان عندي مشكله تانيه وهي ان العمه البلاستيك بتاعت الراديتير (البلاستكه اللي بيركب فيها الغطاء والخراطيم ) كانت اتشرخت وطلعت الميه كلها والعربيه سخنت وغيرتها برره بس في ناس قالولي انها هتتكسر تاني لو مشغل التكيف في الحر وان في حاجه بتتعمل في التوكيل في التكيف بتظبطها

وجزاكم الله خيراً..........

الى المهندس المحترم/ طارق زويل
انا معايا لانسر بومه 2009 سوبر اكشن و كنت عملت بيها حادثه من اسبوعيت تقريبا و العربيه حاليا في الرواس اللي في العجوزه هي العربيه اتغير فيها مقص و علبة دركسيون و حاجات تانيه كده و لسه محتاجه كوبلن امامي شمال و الكارثه انهم بيقولو انه مش موجود عندهم و كانو عايزين يركبوا واحد مستعمل ب 700 جنيه بس طبعا والدي ماوافقش... فهل الكوبلن ده ناقص فعلا في التوكيل ؟ و لو مش موجود يبقي ايه الحل ؟ لان العربيه كل حاجه خلصت فيها ماعدا الكوبلن ده
حاجه تانيه انا عايز اشتكي لحضرتك من مركز الخدمه ده للاسباب التاليه:
1- كل واحد جوه التوكيل شارك باي حاجه عايز فلوس يعني كل ما والدي يروح يتلموا عليه و عايزين اي حاجه !
2- سلموا والدي العربيه و علبة الدركسيون كانت بايظه و كان هيعمل بيها حادثه تانيه و هو راجع يعني صلحوا العربيه و ماجربهوهاش و ده طبعا انعدام ضمير و لما رجعنا العربيه تاني واحد صنايعي قالنا اللي حصلكوا ده عشان مادفعتولناش فلوس ! بالرغم ان والدي دافع للكبير بتاعهم 150 جنيه عشان يوزعها عليهم و اسمه فايز بس هو طبعا اخد الفلوس كلها ليه و المشكله تيجي تكلم اي حد يقولك انا مليش دعوه
3-مفيش اي اهتمام بالعربيه او بالنضافه يعني العربيه متشحمه من كل حته و فرش الابواب بقي كله بصمات !
ده طبعا جزء من المهازل اللي بتحصل هناك و فيه اعضاء كتير هنا بيواجهوا نفس المشاكل و اكتر فياريت حضرتك تشوفلنا حل
شكرا

شكرا جزيلا يا باشمهندش

السيد المهندس/طارق
تحية طيبة وبعد ,,
بعد بحث ومعاناة شديدة ولله الحمد وجدت لانسر بومه 1300 مانيوال 2010 فى بعض المعارض النادرة, الغريب إني لقيت فيها شوية إختلافات عن الشكل المألوف للبومه زي:
1- شبكة الريدياتير مختلفة كما هو موضح بالصورة المرفقة
2- كرسي السائق مافيهوش البكرة اللي بترفع وتنزل القاعدة
3- شكل الدريكسيون متغير شوية بس فيه إيرباج
وكان مكتوب عالورقة بتاعة الشحن إنها وارد الإمارات فياريت يا بشمهندس طارق تفيدني هل التغييرات دي طبيعية بتاعة 2010 ؟ وهل ممكن تكون العربية دي بتتجمع بره اليابان؟
وعلى فكرة اصحاب المعارض اللي سألتهم عليها قالولي ان ليها ضمان 3 سنين أو 60 الف كيلومتر
هل صحيح الكلام ده يا بشمهندس طارق ولا لأ؟
برجاء إفادتي حيث إني نويت أشتريها ومحتاج سرعة الرد قبل ماتخلص لأن كميتها محدودة جدا"

وجزاكم الله عنا خير الجزاء